Back
Home » Business
ടെക് മഹീന്ദ്ര സിഇഒയുടെ ശമ്പളം 146.19 കോടി
Good Returns | 11th Jul, 2018 04:48 PM

രാജ്യത്തെ അഞ്ചാമത്തെ വലിയ ഐ.ടി. കമ്പനിയായ ടെക് മഹീന്ദ്രയുടെ ചീഫ് എക്‌സിക്യൂട്ടീവ് ഓഫീസര്‍ സി.പി. ഗുര്‍നാനി 2017-18 സാമ്പത്തിക വർഷത്തിൽ ശമ്പളമായി നേടിയത് 146.19 കോടി രൂപ. മുന്‍ വര്‍ഷം നേടിയ 150.70 കോടിയെക്കാള്‍ കുറവാണ് ഇത്.

എന്നാൽ രാജ്യത്തെ മറ്റു പ്രമുഖ ഐ.ടി. കമ്പനികളുടെ മേധാവികളെക്കാള്‍ ഏറെ കൂടുതലാണ് ഗുര്‍നാനിയുടെ പ്രതിഫലം. കഴിഞ്ഞ അഞ്ചു വര്‍ഷം കൊണ്ട് 510 കോടി രൂപയാണ് ഗുര്‍നാനി ടെക് മഹീന്ദ്രയില്‍ നിന്ന് പ്രതിഫലമായി നേടിയത്.

ടെക് മഹീന്ദ്രയുടെ വൈസ് ചെയര്‍മാന്‍ വിനീത് നയ്യാര്‍ കഴിഞ്ഞ അഞ്ചു വര്‍ഷം കൊണ്ട് 363.13 കോടി രൂപയും നേടി. അതായത് ടെക് മഹീന്ദ്ര മുതിര്‍ന്ന രണ്ടു മേധാവികള്‍ക്കുമായി അഞ്ചു വര്‍ഷം കൊണ്ട് 873.16 കോടി രൂപയാണ് കമ്പനി നല്‍കിയത്.

മഹീന്ദ്ര ഗ്രൂപ്പിനു കീഴിലുള്ള ഐ.ടി. കമ്പനിയായ ടെക് മഹീന്ദ്ര 1986ലാണ് സ്ഥാപിതമായത്. പ്രതിസന്ധിയിലായ സത്യം കംപ്യൂട്ടേഴ്‌സിനെ മഹീന്ദ്ര ഗ്രൂപ്പ് ഏറ്റെടുത്തിരുന്നു. 2004ലാണ് ഗുര്‍നാനി ടെക് മഹീന്ദ്രയിലെത്തുന്നത്.

malayalam.goodreturns.in