ಕಳೆದ ವರ್ಷ, 6ಜಿಬಿ ಮೆಮೊರಿಯ ಫೋನ್ ಗಳು ಬಳಕೆದಾರರ ಗಮನವನ್ನು ಸೆಳೆದಿತ್ತು ಮತ್ತು ಈ ವರ್ಷ 8ಜಿಬಿ ಮೆಮೊರಿ ಅದೇ ಕೆಲಸವನ್ನು ಮಾಡುತ್ತಿದೆ. ಪ್ರತಿಯೊಂದು ಸ್ಪಾರ್ಟ್ ಫೋನ್ ಉತ್ಸಾಹಿಗಳು ಹೊಸತೊಂದನ್ನು ಹೇಳಿ ಪ್ರದರ್ಶನ ಮಾಡುತ್ತಾರೆ. ಮತ್ತು ಅದನ್ನು ನಿಮಗೆ ಮಾರಾಟ ಮಾಡುವ ಒಂದು ಮಾರ್ಕೆಟಿಂಗ್ ತಂತ್ರಗಾರಿಕೆ ಇದಾಗಿದೆ.

ನೀವು ನಿಮ್ಮ ಹೊಸ ಸ್ಮಾರ್ಟ್ ಫೋನ್ ನಿಂದ ಏನು ಮಾಡುತ್ತೀರಿ? ಒಂದು ವೇಳೆ ಈ ಪ್ರಶ್ನೆಗೆ ಉತ್ತರ ಮ್ಯೂಸಿಕ್, ಮೂವಿ, ಗೇಮ್, ಸಾಮಾಜಿಕ ಜಾಲತಾಣ ಮತ್ತು ಇಂಟರ್ನೆಟ್ ಬ್ರೌಸಿಂಗ್ ಆದರೆ ಖಂಡಿತ ನಿಮಗೆ 8ಜಿಬಿ ಫೋನಿನ ಅಗತ್ಯತೆ ಇಲ್ಲ.

ವಿಶ್ವದ ಅತ್ಯತ್ತಮ ಫೋನ್ ಗಳಾದ ಆಪಲ್ ಐಫೋನ್ ಎಕ್ಸ್, ಐಫೋನ್ 8 ಪ್ಲಸ್, ಸ್ಯಾಮ್ ಸಂಗ್ ಗ್ಯಾಲಕ್ಸಿ ಎಸ್9+ ಮತ್ತು ಗೂಗಲ್ ಪಿಕ್ಸಲ್ ಫೋನ್ ಗಳು ಕಡಿಮೆ ಮೆಮೊರಿ ಹೊಂದಿದೆ. ಐಫೋನ್ 8 ಪ್ಲಸ್ 3ಜಿಬಿ ಮೆಮೊರಿ ಮತ್ತು ಸ್ಪೋರ್ಟ್ 4ಜಿಬಿ ಮೆಮೊರಿಯನ್ನಷ್ಟೇ ಒಳಗೊಂಡಿದೆ.

ಸಾಫ್ಟವೇರ್ ಗಳು ನಿಮ್ಮ ಸ್ಮಾರ್ಟ್ ಫೋನ್ ಸ್ಪೀಡ್ ಆಗಿ ಕೆಲಸ ಮಾಡಲು ಸಹಾಯ ಮಾಡುತ್ತದೆ. ಕೇವಲ ಮೆಮೊರಿಯ ಕಾರಣದಿಂದಾಗಿ ನಿಮ್ಮ ಫೋನ್ ವೇಗವಾಗಿ ಇರುವುದಿಲ್ಲ ಎಂಬುದು ನೆನಪಿರಲಿ.

6ಜಿಬಿ ಮತ್ತು 8ಜಿಬಿ ಮೆಮೊರಿಯ ಸ್ಮಾರ್ಟ್ ಫೋನ್ ಗಳ ಪರ್ಫಾಮೆನ್ಸ್ ಮತ್ತು ವೇಗದ ವ್ಯತ್ಯಾಸವು ಖಂಡಿತ ಬಳಕೆ ಮಾಡಿದ ದಿನದಿಂದ ದಿನಕ್ಕೆ ತಿಳಿಯುತ್ತಾ ಹೋಗುತ್ತೆ.

ಡೆವಲಪರ್ ಗಳು ಹೆಚ್ಚಿನ ಜನರು ತಮ್ಮ ಗೇಮ್ ಡೆವಲಪ್ ಮಾಡಬೇಕು ಎಂದು ಬಯಸುತ್ತಾರೆ. ಹಾಗಾಗಿ ಲಾಜಿಕ್ ಆಗಿ ಯೋಚನೆ ಮಾಡಿದಾಗ ಯಾವುದೇ ಗೇಮ್ ಗಳು ಕೂಡ ಅತೀ ಹೆಚ್ಚು ಮೆಮೊರಿಯನ್ನು ಬೇಡುವುದಿಲ್ಲ. ಕಡಿಮೆ ಮೆಮೊರಿಯಲ್ಲೇ ರನ್ ಆಗುವಂತೆ ಡಿಸೈನ್ ಮಾಡಲಾಗಿರುತ್ತದೆ.

8ಜಿಬಿ ಮೆಮೊರಿಯ ಫೋನ್ ಗಳು ಹೆಚ್ಚು ದುಬಾರಿಯಾಗಿದೆ. ಒಂದು ವೇಳೆ ನೀವು ಹೆಚ್ಚು ವೆಚ್ಚ ಮಾಡುತ್ತಿದ್ದೀರಾದರೆ, ಯಾಕಾಗಿ ಎಂಬುದನ್ನು ಯೋಚಿಸಿ. ಕಡಿಮೆ ಬೆಲೆಗೆ ನಿಮಗೆ ಸಾಕಾಗುವಷ್ಟು ಉತ್ತಮ ಫೋನ್ ಲಭ್ಯವಿರುವಾಗ ದುಬಾರಿ ವೆಚ್ಚ ಯಾಕೆ?

ನೀವು ಅಂದುಕೊಳ್ಳುತ್ತಿರಬಹುದು ಭವಿಷ್ಯದಲ್ಲಿ ದೊಡ್ಡ ಡೊಡ್ಡ ಗೇಮ್ ಮತ್ತು ಆಪ್ ಗಳು ಬಿಡುಗಡೆಗೊಳ್ಳುವ ಸಂದರ್ಬದಲ್ಲಿ ನಿಮ್ಮ ಬಳಿ 8ಜಿಬಿ ಮೆಮೊರಿಯ ಫೋನ್ ಇದ್ದರೆ ಅದು ನಿಮಗೆ ಉತ್ತಮ ಫ್ಯೂಚರ್ ಫ್ರೂಫ್ ಆಗಲಿದೆ ಎಂದು. ಆದರೆ ಯಾರೂ ಕೂಡ ಒಂದೇ ಫೋನನ್ನು ಹೆಚ್ಚು ವರ್ಷ ಇಟ್ಟುಕೊಂಡೇ ಇರುವುದಿಲ್ಲ, ಬದಲಾಯಿಸಿಯೇ ಬದಲಾಯಿಸುತ್ತಾರೆ.

ಗೇಮ್ ಮಾತ್ರವಲ್ಲ ಇದರ ಜೊತೆಗೆ, ಯಾವುದೇ ಆಪ್ ಅಥವಾ ಹಾರ್ಡ್ ವೇರ್ ಗಳು ಕೂಡ 8ಜಿಬಿ ಮೆಮೊರಿ ಬೇಡುವುದಿಲ್ಲ. AR ಮತ್ತು VR ಆಪ್ ಗಳು ಕೂಡ 4ಜಿಬಿ ಮೆಮೊರಿಯಲ್ಲಿ ಸುಲಭದಲ್ಲಿ ರನ್ ಆಗಿ ಬಿಡುತ್ತದೆ. ಜೊತೆಗೆ ಮಾಡ್ಯುಲರ್ ಹಾರ್ಡ್ ವೇರ್ ಗಳಾದ ಮೋಟೋಮೋಡ್ ಗೂ ಕೂಡ ಕಡಿಮೆ ಮೆಮೊರಿ ಅಂದರೆ 4ಜಿಬಿ ಮೆಮೊರಿ ಮಾತ್ರವೇ ಸಾಕಾಗುತ್ತದೆ.