Back
Home » Business
സെൻസെക്സ് പുതിയ റെക്കോർഡിൽ വ്യാപാരം അവസാനിപ്പിച്ചു
Good Returns | 12th Jul, 2018 04:17 PM

സെൻസെക്സ് ഇന്ന് റെക്കോർഡ് നേട്ടം കൈവരിച്ച് വ്യാപാരം അവസാനിപ്പിച്ചു. 300 പോയിന്റ് ഉയർച്ചയിലാണ് ഇന്ന് വ്യാപാരം അവസാനിപ്പിച്ചത്. റിലയൻസ് ഇൻഡസ്ട്രീസിന്റെ ഓഹരികൾ മികച്ച പ്രകടനം കാഴ്ച്ച വച്ചതാണ് ഇന്നത്തെ റെക്കോർഡ് നേട്ടത്തിന് കാരണം.

സെൻസെക്സ് സൂചിക 282.48 പോയന്റ് ഉയർന്ന് 36548.41ലും നിഫ്റ്റി 68.50 പോയന്റ് ഉയർന്ന് 11016.80ലുമാണ് വ്യാപാരം അവസാനിപ്പിച്ചത്. 1475 ഓഹരികൾ ഇന്ന് ഇടിവ് രേഖപ്പെടുത്തിയപ്പോൾ 1151 ഓഹരികൾ നേട്ടമുണ്ടാക്കി. 177 ഓഹരികൾ മാറ്റമില്ലാതെ തുടർന്നു.

റിലയൻസ് ഇൻഡസ്ട്രീസ്, വിപ്രോ, ബിപിസിഎൽ എന്നിവയാണ് ഏറ്റവും മികച്ച നേട്ടം കൈവരിച്ച ഓഹരികൾ. വേദാന്ത, ഇൻഫോസിസ്, യു.പി.എൽ എന്നീ ഓഹരികൾക്ക് നഷ്ടം നേരിട്ടു.

ഏകദേശം 10 വർഷത്തെ ഇടവേളയ്ക്കു ശേഷം റിലയൻസ് ഇൻഡസ്ട്രീസിന് 100 ബില്ല്യൺ ഡോളറിന്റെ മാർക്കറ്റ് കാപിറ്റലൈസേഷൻ കടന്നതാണ് കമ്പനിയുടെ ഓഹരികൾ കുതിച്ചുയരാൻ കാരണം. ടിസിഎസിന് ശേഷം ഇത്തരത്തിൽ നേട്ടം കൈവരിച്ച രണ്ടാമത്തെ കമ്പനിയാണ് റിലയൻസ് ഇൻഡസ്ട്രീസ്. ആഗോളതലത്തിലും ഏഷ്യൻ സ്റ്റോക്കുകൾ ഇന്ന് വിപണികളിൽ മികച്ച മുന്നേറ്റമാണ് നടത്തിയത്.

malayalam.goodreturns.in