Back
Home » ಸಿನಿ ಸಮಾಚಾರ
ಮತ್ತೆ ಒಂದಾದ ಶಿವಣ್ಣ - ಟಿ.ಎಸ್.ನಾಗಾಭರಣ ಜೋಡಿ
Oneindia | 12th Jul, 2018 05:51 PM

ನಟ ಶಿವರಾಜ್ ಕುಮಾರ್ ಅವರ ಹುಟ್ಟುಹಬ್ಬಕ್ಕೆ ಪ್ರತಿ ವರ್ಷ ಸಹ ಸಾಲು ಸಾಲು ಸಿನಿಮಾಗಳು ಅನೌನ್ಸ್ ಆಗುತ್ತದೆ. ಈ ವರ್ಷ ಕೂಡ ಅನೇಕ ಸಿನಿಮಾಗಳ ಸುದ್ದಿ ಹೊರಬಂದಿದೆ. ಅದರಲ್ಲಿ ವಿಶೇಷವಾಗಿ ಮತ್ತೆ ಈ ವರ್ಷ ನಿರ್ದೇಶಕ ಟಿ.ಎಸ್.ನಾಗಾಭರಣ ಹಾಗೂ ಶಿವರಾಜ್ ಕುಮಾರ್ ಸಿನಿಮಾ ಮಾಡುತ್ತಿದ್ದಾರೆ.

500KM ಸೈಕಲ್ ತುಳಿದು ಬಂದ ಅಭಿಮಾನಿಯನ್ನು ಕಂಡು ಕರಗಿತು ಶಿವಣ್ಣನ ಮನ!

ನಿರ್ದೇಶಕ ಟಿ.ಎಸ್.ನಾಗಾಭರಣ ಈ ಹಿಂದೆ 'ಜನುಮದ ಜೋಡಿ' ಹಾಗೂ 'ಚಿಗುರಿದ ಕನಸು' ಸಿನಿಮಾವನ್ನು ಶಿವಣ್ಣನಿಗಾಗಿ ಮಾಡಿದ್ದರು. ಈ ಎರಡು ಸಿನಿಮಾಗಳು ಶಿವರಾಜ್ ಕುಮಾರ್ ಚಿತ್ರ ಬದುಕಿನಲ್ಲಿ ಒಳ್ಳೆಯ ಹೆಸರು ತಂದುಕೊಟ್ಟಿತ್ತು. ಆದರೆ, ಈ ಚಿತ್ರಗಳ ಬಳಿಕ ಈಗ ಮತ್ತೆ ಶಿವಣ್ಣ ಹಾಗೂ ಟಿ.ಎಸ್.ನಾಗಾಭರಣ ಇಬ್ಬರು ಒಂದಾಗುವ ಕಾಲ ಬಂದಿದೆ.

ವಿಶೇಷ ಅಂದರೆ, ಖ್ಯಾತ ಲೇಖಕರಾದ ಪೂರ್ಣಚಂದ್ರ ತೇಜಸ್ವಿ ಅವರ 'ಜುಗಾರಿ ಗ್ರಾಸ್' ಕಾದಂಬರಿಯನ್ನು ಈ ಬಾರಿ ನಿರ್ದೇಶಕ ಟಿ.ಎಸ್.ನಾಗಭರಣ ಸಿನಿಮಾ ಮಾಡಲು ಹೊರಟಿದ್ದಾರೆ ಎಂಬ ಮಾತಿದೆ. ಆದರೆ ಈ ವಿಷಯವನ್ನು ಅವರು ಇನ್ನು ಅಧಿಕೃತ ಪಡಿಸಿಲ್ಲ.

ಈ ಮೂಲಕ ಮತ್ತೆ ಶಿವರಾಜ್ ಕುಮಾರ್ ಕಾದಂಬರಿ ಆಧಾರಿತ ಸಿನಿಮಾ ಮಾಡುತ್ತಿದ್ದಾರೆ. 'ಕಡ್ಡಿಪುಡಿ' ಸಿನಿಮಾಗೆ ಬಂಡವಾಳ ಹಾಕಿದ್ದ ಚಂದ್ರು ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಹೆಚ್.ಸಿ.ವೇಣು ಕ್ಯಾಮರಾ ನಿರ್ವಹಣೆ ಮಾಡಲಿದ್ದಾರೆ.

   
 
ಹೆಲ್ತ್