Back
Home » வீடு-தோட்டம்
இந்த எட்டு உணவுப்பொருளை மட்டும் தெரியாமக்கூட ஃபிரிட்ஜில் வைக்காதீங்க...
Boldsky | 4th Sep, 2018 06:01 PM
  • தக்காளி

    தக்காளியை பிரிட்ஜில் வைக்கவே கூடாது. அப்படி வைத்தால், அதன் இயல்பான பொழிவை இழப்பதோடு உள்ளுக்குள் இருக்கும் நீர்ச்சத்துக்கள் முழுக்க உறிஞ்சப்பட்டு வெறும் சதை மட்டுமே சக்கையாக உங்களுக்குக் கிடைக்கும். அதனால் திறந்த ஒரு காய்கறி கூடை அல்லது பாத்திரத்தில் போட்டு, ஜன்னலுக்கு அருகில் வைத்துவிட்டாலே போதும். தக்காளி பிரஷ்ஷாகவும் அதேசமயம் அதிக ஜூஸ் கிடைக்கும்படியும் இருக்கும்.


  • உருளைக்கிழங்கு

    உருளைக் கிழங்கினை ஃபிரிட்ஜில் வைத்தால், அதில் நிறைந்திருக்கின்ற ஸ்டார்ச் முழுமையாக வெளியேறிவிடும். ஃபிரிட்ஜில் வைத்தபின் எடுத்து சமைத்தீர்கள் என்றால் வெறும் சக்கை தான் மிஞ்சும். அதனால் சாதாரண அறை வெப்பநிலையில் (ரூம் ரெம்பரேச்சர்) ஒரு கூடையிலோ அல்லது நியூஸ் பேப்பர் போட்டு விரித்து வைத்தாலே போதுமானது.


  • வெங்காயம்

    வெங்காயத்தை ஃபிரிட்ஜில் கட்டாயம் வைக்க வேண்டும் என்று நீங்கள் நினைத்தால், ஒரு ரீசீலபிள் கவருக்குள் போட்டு, காய்கறி வைக்கும் டிரேயில் வைத்துக் கொள்ளுங்கள். அப்படியே திறந்தபடி ஃபிரிட்ஜில் வைக்காதீர்கள். அதிலுள்ள நீர்ச்சத்து முற்றிலும் உறிஞ்சப்படுவதோடு அது மற்ற காய்கறிகளையும் பாதிக்கும். அதைவிடவும் அதிலிருந்து வெளியுறும் கெட்ட நாற்றம் உங்கள் உணவையும் மற்ற உணவுப் பொருளையும் மாற்றி விடும். அதைவிட அதில் விஷயத்தன்மை உண்டாகிவிடும். அதனால் முடிந்தவரை வெங்காயத்தை அறையில் ஒரு மூலையில் காற்று பரவும் இடத்தில் பரப்பி வைத்தாலே போதுமானது. நீண்ட நாட்களுக்குக் கெட்டுப் போகாமல் அப்படியே இருக்கும்.


  • தேன்

    நமக்கு இயற்கையாகக் கிடைக்கின்ற உணவுப் பொருள்களில் மிகவும் அற்புதமான ஒன்று தான் தேன். எவ்வளவு நாள் ஆனாலும் தன்னுடைய குணத்திலிருந்தும், சுவையிலிருந்தும் மாறாத ஒன்று என்றால் அது தேன் தான். அதைவிடவும், ஆண்டுக்கணக்கில் வெளியில் அப்படியே வைத்திருந்தாலும் தேன் கெட்டுப் போகாது. அதனால் அறை வெப்பநிலையில் வைத்திருப்பதே போதுமானது. ஃபிரிட்ஜில் வைத்தால் உறைய ஆரம்பித்துவிடும்.


  • பூண்டு

    அதிக வெயில் இல்லாத ஓரளவு குளிர்ச்சியான பகுதியில் தான் பூண்டினைப் பாதுகாக்க வேண்டும். பூண்டை ஃபிரிட்ஜில் வைத்தால் இதில் உள்ள சுவை, மணம் மற்றும் மருத்துவ குணம் நீங்கி விடும். அதிலுள்ள காரத்தன்மை முற்றிலும் குறைந்து விடும்.


  • காபி

    பொதுவாக காபி பவுடரை மிக இறுக்கமாக மூடப்பட்ட கண்ணாடி ஜாரில் போட்டு வைப்போம். அப்படி மூடிய பாட்டிலை சிலர் ஃபிரிட்ஜில் வைத்துப் பயன்படுத்துவார்கள். அது காபி கொட்டையாக இருந்தாலும் சரி பவுடராக இருந்தாலும் அதை ஃபிரிட்ஜில் வைக்காதீர்கள்.


  • பிரட்

    பொதுவாக பேக்கரி தொழிலில் உள்ள நிபுணர்கள் பிரட்டை ஃபிரிட்ஜில் வைப்பது சரியென்று ஒருபோதும் ஏற்றுக் கொள்ள மாட்டார்கள். குறைந்த வெப்பநிலை கொண்ட இடத்தில் பிரட்டை ஸ்டோர் செய்து வைத்தால், அது நமத்துப் போய்விடும். அதில் உள்ள சுவையும் நீங்கி, சக்கை போல மாறிவிடும்.


  • ஆப்பிள்

    ஆப்பிளைப் பொருத்தவரையில், ரூம் டெம்பரேச்சரில் வைத்திருந்தால் மட்டும் தான், அது இனிப்பாகவும் ஜூஸியாகவும் இருக்கும். ஆப்பிளை ஃபிரிட்ஜில் வைத்து சாப்பிட்டீர்கள் என்றால், அதிலுள்ள ஊட்டச்சத்துக்கள் குறைந்து போவதோடு, அது சக்கை போல மாறிவிடும். நீர்ச்சத்து முழுதும் உறிஞ்சப்பட்டு தோல் வறட்சியடைந்துவிடும்.




இன்றைய நவீன வாழ்க்கை முறையில், நம் எல்லோருக்குமே தெரியும் ஃபிரிட்ஜ் எந்த அளவுக்கு நமக்குப் பயனுள்ளதாக இருக்கிறது என்று. ஆனாலும் நமக்கு தெரியும் சில உணவுப் பொருளு்களை .ஃபிரிட்ஜில் வைக்கும்பொழுது, அது அந்த உணவின் சுவையையே வேறுவிதமாக மாற்றிவிடுகிறுது.

சுவையை மட்டும் மாற்றினால் கூட பரவாயில்லலை. சிலவற்றை அதில் இருக்கின்ற ஊட்டச்சத்தின் அளவையும் குறைத்து விடுகிறது. அதனால் சில ஊட்டச்சத்து மிக்க உணவுப் பொருள்கள் பிரிட்ஜில் வைக்கும்போது விஷத்தன்மை உடையதாகவும் கூட மாற்றிவிடுகிறது. அப்படி என்னென்ன உணவுப் பொருள்களை பிரிட்ஜில் வைப்பதைத் தவிர்க்க வேண்டும் என்று இங்கே பார்ப்போம்.

   
 
ஆரோக்கியம்