Back
Home » செய்தி
சிபிஐ விசாரணை வளையத்தில் சிஎம்.. அடுத்து என்ன? எஞ்சியிருப்பது 3 வாய்ப்புகள்தான்!
Oneindia | 12th Oct, 2018 04:49 PM
  • திமுகவிற்கு இன்ப அதிர்ச்சி

    இந்த புகாரை சரியாக விசாரிக்காமல் உள்ள லஞ்ச ஒழிப்புத்துறை, விசாரணைக்கு உத்தரவிட மனுவில் கோரிக்கைவிடுக்கப்பட்டிருந்தது. ஆனால் திமுக தரப்பே எதிர்பார்க்காத அளவுக்கு ஒரு உத்தரவு வந்துள்ளது. ஆம், ஹைகோர்ட், இந்த வழக்கை சிபிஐ விசாரிக்க உத்தரவிட்டுள்ளது.


  • அரசியல் அழுத்தம்

    முதல்வரே சிபிஐ விசாரணை வளையத்திற்குள் சிக்கியுள்ளதால் அவருக்கு அரசியல் ரீதியாக அழுத்தங்கள் அதிகரிக்க துவங்கியுள்ளன. இதிலிருந்து மீண்டுவர சட்ட ரீதியாக முதல்வர் சில நடவடிக்கைகளை எடுப்பார் என்று எதிர்பார்க்கப்படுகிறது.


  • முதல் வாய்ப்பு இதுதான்

    அதில் முதல் வாய்ப்பு இன்று இரவே சுப்ரீம் கோர்ட் வாசலை தட்டுவது. அதாவது, சிபிஐ விசாரணைக்கு தடை கோரி நீதிபதியிடம் முறையிடலாம். இன்றேதான் அதை செய்ய வேண்டுமா என்றால், தசரா விடுமுறை என்பதால், சுப்ரீம் கோர்ட் இனி வரும் 22ம் தேதிதான் திரும்பவும் வழக்கு விசாரணையை ஆரம்பிக்கும்.


  • மற்ற இரு வாய்ப்புகள்

    நீதிபதிகளை அவசரப்பட்டு அணுக வேண்டாம் என்று எடப்பாடி தரப்பு நினைத்தால், 2வது வாய்ப்பு இதுதான். 22ம் தேதி நீதிமன்றம் திறந்ததும், எடப்பாடி தரப்பில் மனு தாக்கல் செய்யலாம். மூன்றாவது ஒரு வாய்ப்பு உள்ளது. எந்த மேல்முறையீடும் செய்யாமல், ஹைகோர்ட் கூறியபடி சிபிஐ விசாரணைக்கு உட்படுவதுதான் அது.




சென்னை: நெடுஞ்சாலை துறை ஊழல்கள் தொடர்பாக திமுக அமைப்பு செயலாளர் ஆர்.எஸ்.பாரதி தொடர்ந்த, வழக்கில், முதல்வர் எடப்பாடி பழனிச்சாமிக்கு எதிரான வழக்கை சிபிஐ விசாரிக்க சென்னை உயர் நீதிமன்றம் உத்தரவிட்டுள்ளது.

இந்த தீர்ப்பையடுத்து முதல்வருக்கு இப்போது எஞ்சியிருப்பது 3 சட்ட வழிகள்தான் என்கிறார்கள் சட்ட வல்லுநர்கள்.

திண்டுக்கல்-ஒட்டன்சத்திரம் சாலை திட்டங்கள் உட்பட தமிழகத்தில் நடைபெற்ற ரூ.4800 கோடி ரூபாய் திட்ட மதிப்பிலான பணிகளில் உறவினர்கள், நண்பர்களுக்கு டெண்டர் வழங்கப்பட்டுள்ளது, கூடுதல் நிதி ஒதுக்கீடு செய்து முறைகேடு நடந்துள்ளது என்றெல்லாம் குறிப்பிட்டு, திமுக அமைப்பு செயலாளர் ஆர்.எஸ்.பாரதி ஹைகோர்ட்டில் வழக்கு தொடர்ந்தார்.

[சிபிஐ வளையத்திற்குள் விஜய பாஸ்கரையடுத்து எடப்பாடி பழனிச்சாமி.. டெல்லி புள்ளிகள் குஷி! ]

   
 
ஆரோக்கியம்