Back
Home » ലയം
ഈ രാശിക്കാര്‍ തമ്മില്‍ വിവാഹം ദാമ്പത്യം ഗംഭീരം
Boldsky | 3rd Nov, 2018 03:54 PM
  • തുലാം - ചിങ്ങം

    തുലാം മാസത്തില്‍ ജനിച്ചവര്‍ക്ക് ചിങ്ങ മാസത്തില്‍ ജനിച്ചവരെ വിവാഹം കഴിയ്ക്കുന്നത് എന്തുകൊണ്ടും നല്ലതാണ്. ഇത് ഇവരുടെ ജീവിതത്തില്‍ വളരെ വലിയ മാറ്റങ്ങളാണ് ഉണ്ടാക്കുന്നു. ഇവരുടെ സ്നേഹം ഒരിക്കലും യാതൊരു വിധ കാരണങ്ങള്‍ കൊണ്ടും നഷ്ടപ്പെടില്ല. ബന്ധത്തിന്റെ അടിസ്ഥാനം തന്നെ വിശ്വാസമായിരിക്കും ഇവര്‍ക്കിടയില്‍. ഒരിക്കലും ഇത് നഷ്ടപ്പെടുകയില്ല. മാത്രമല്ല ജീവിതത്തിന്റെ ഓരോ നിമിഷങ്ങളും ഇവര്‍ ആസ്വദിക്കും. യാത്ര പോവുന്നതിന് ഇവര്‍ക്ക് വളരെയധികം താല്‍പ്പര്യമായിരിക്കും.


  • മിഥുനം- ചിങ്ങം

    മിഥുനവും ചിങ്ങവും ഏറ്റവും യോജിച്ചു പോകുന്ന രാശിക്കാരാണ്. ഇവരെ ഒരിക്കലും പിരിക്കാന്‍ ആവില്ല എന്നതാണ് സത്യം. അതുകൊണ്ട് തന്നെ ജീവിതത്തില്‍ ഒരു വിധത്തിലുള്ള ബുദ്ധിമുട്ടും ഇവരെ ബാധിക്കുകയേ ഇല്ല. വിവാഹബന്ധത്തില്‍ ഏറ്റവും അടിയുറച്ച് വിശ്വസിക്കുന്നവരായിരിക്കും ഈ മാസക്കാര്‍. തീവ്രമായ ബന്ധമായിരിക്കും ഇവരുടേത്. കുടുംബത്തെ വിട്ടൊരു കളി ഇവര്‍ക്കില്ല. ജീവിതത്തില്‍ സ്‌നേഹിച്ച് കൊതിതീരാത്തവരായിരിക്കും ഇവര്‍.


  • മേടം- കുംഭം

    മേടമാസത്തില്‍ ജനിച്ചവരും കുംഭമാസത്തില്‍ ജനിച്ചവരും തമ്മില്‍ മറ്റുള്ളവരെ അസൂയപ്പെടുത്തുന്ന തരത്തിലുള്ള ബന്ധമായിരിക്കും ഉണ്ടാവുക. പരസ്പരം മനസ്സിലാക്കുകയും പരസ്പരം സ്നേഹിക്കുകയും ചെയ്യുന്നതില്‍ ഇവരെ തോല്‍പ്പിക്കാന്‍ ആര്‍ക്കും കഴിയില്ല. മാ്ത്രമല്ല ഒരിക്കലും ജീവിതത്തിലെ പ്രതിസന്ധികളെ പഴിപറയുന്നവരായിരിക്കില്ല. ഉള്ളത് കൊണ്ട് സന്തോഷത്തോടെ കഴിയാന്‍ താല്‍പ്പര്യപ്പെടുന്നവരായിരിക്കും ഇവര്‍.


  • മേടം - കര്‍ക്കിടകം

    മേടവും കര്‍ക്കിടക രാശിക്കാരും വിവാഹം കഴിക്കുന്നത് എന്തുകൊണ്ടും നല്ലതാണ്. തെറ്റാണെങ്കില്‍ അതിനെ തെറ്റാണെന്ന് അംഗീകരിയ്ക്കുന്നവരായിരിക്കും ഇത്തരക്കാര്‍. അതുകൊണ്ട് തന്നെ ഇവര്‍ തമ്മിലുള്ള പൊരുത്തം വളരെ വലുതാണ്. മാത്രമല്ല തെറ്റായ കാര്യങ്ങളാണ് ചെയ്തതെങ്കില്‍ അതിനെ അംഗീകരിയ്ക്കാന്‍ ഇരുവരും ശ്രമിക്കുകയും ചെയ്യും. അതുകൊണ്ട് തന്നെ ചെറിയ ചെറിയ കാര്യങ്ങളില്‍ പോലും പരസ്പരം അംഗീകരിക്കാന്‍ ഇവര്‍ക്ക് കഴിയുന്നു.


  • മേടം - മീനം

    മേടമാസത്തില്‍ ജനിച്ചവരും മീനമാസത്തില്‍ ജനിച്ചവരും തമ്മില്‍ വിവാഹം കഴിയ്ക്കുന്നത് ജീവിതം മുഴുവന്‍ സന്തോഷത്തോടെ ആസ്വദിക്കാന്‍ കാരണമാകും. സന്തോഷം മാത്രമാണ് ഇവരുടെ ജീവിതത്തില്‍ അനുഭവിക്കേണ്ടതായി വരികയുള്ളൂ. ഒരിക്കലും പരസ്പരം പഴിചാരുന്നതിന് ഇവര്‍ തയ്യാറാവില്ല. ജീവിതത്തില്‍ എന്ത് കഷ്ടപ്പാടുണ്ടായാലും അതെല്ലാം ഒന്നിച്ച് നേരിടാന്‍ അവര്‍ തയ്യാറാവുന്നു.


  • കര്‍ക്കിടകം - മീനം

    കര്‍ക്കിടകരാശിക്കാരും മീനം രാശിക്കാരും തമ്മില്‍ വിവാഹം കഴിക്കുന്നത് എന്തുകൊണ്ടും നല്ലതാണ്. വിവാഹപ്പൊരുത്തത്തില്‍ ഏറ്റവും കൂടുതല്‍ പൊരുത്തത്തോടു കൂടി നിലനില്‍ക്കുന്നതാണ് ഈ മാസത്തിലുള്ളവരുടെ വിവാഹം. സെന്‍സിറ്റീവ് ആയ ബന്ധമായിരിക്കും ഇവരുടേത്. എന്നാല്‍ അത്രയേറെ തന്നെ വിവേചന ബുദ്ധിയോട് കൂടിയതും ആയിരിക്കും. അതുകൊണ്ട് തന്നെ എത്ര വലിയ പ്രശ്‌നം വന്നാലും അതിനെയെല്ലാം നേരിടുന്നതിന് ഇവര്‍ക്ക് കഴിയുന്നു.


  • ഇടവം - കര്‍ക്കിടകം

    ഇടവം രാശിയില്‍ ഉള്ളവരും കര്‍ക്കിടക മാസത്തില്‍ ജനിച്ചവരും വീട്, കുടുംബം, കുടുംബത്തിന്റെ സ്ഥിരത, സന്തോഷം എന്നിവയ്ക്ക് വേണ്ടി നിലനില്‍ക്കുന്നവരായിരിക്കും. കുടുംബത്തിന് തന്നെയാണ് ഇവര്‍ പ്രാധാന്യം നല്‍കുന്നത്. ജീവിതത്തില്‍ യാതൊരു വിധത്തിലുള്ള പ്രതിസന്ധികളും ഇവര്‍ക്കുണ്ടാവുകയില്ല. ജീവിതത്തിലെ സന്തോഷം തന്നെയാണ് ഇവര്‍ മുന്‍തൂക്കം നല്‍കുന്ന കാര്യങ്ങളില്‍ പ്രധാനപ്പെട്ടത്.


  • ഇടവം - മകരം

    ഇടവം രാശിയില്‍ ജനിച്ചവരും മകരം രാശിക്കാരും പരസ്പരം സ്നേഹിച്ച് ആയുഷ്‌കാലം മുഴുവന്‍ ജീവിയ്ക്കുന്നതായിരിക്കും. പ്രണയത്തിനും സ്‌നേഹത്തിനും മാത്രമായിരിക്കും ഇവരുടെ ജീവിതത്തില്‍ പ്രധാനം. അതുകൊണ്ട് തന്നെ ദേഷ്യം വന്നാലും അതിനെല്ലാം ഒരു നിമിഷത്തെ ആയുസ്സ് മാത്രമേ ഉണ്ടായിരിക്കുകയുള്ളൂ. കാരണം മറ്റേതൊരു ബന്ധത്തേക്കാള്‍ പ്രാധാന്യം ദാമ്പത്യ ബന്ധത്തിന് നല്‍കുന്നവരായിരിക്കും ഇവര്‍.


  • ധനു - ഇടവം

    ധനുരാശിയില്‍ ജനിച്ചവരും ഇടവം രാശിയില്‍ ജനിച്ചവരും തമ്മിലുള്ള വിവാഹം, വിവാഹം സ്വര്‍ഗ്ഗത്തില്‍ വെച്ച് നടക്കും എന്ന ചൊല്ലിന് അന്വര്‍ത്ഥമാക്കുന്ന രീതിയിലുള്ളതായിരിക്കും ഇത്. നല്ല രീതിയില്‍ ഉള്ള ദാമ്പത്യ ജീവിതമായിരിക്കും ഇവരുടേത്. അതുകൊണ്ട് തന്നെ ജീവിതത്തിലെ പല വിധത്തിലുള്ള പ്രതിസന്ധികളും സ്‌നേഹം കൊണ്ടും വിശ്വാസം കൊണ്ടും ഇവര്‍ നേരിടുന്നു.




വിവാഹം കഴിക്കും മുന്‍പ് ജാതകവും മറ്റും നോക്കുന്നത് പതിവാണ്. നോക്കുമ്പോള്‍ തന്നെ ജ്യോത്സ്യന്‍ പറയുന്നു നക്ഷത്രങ്ങള്‍ ചേരില്ല പൊരുത്തമില്ല എന്നൊക്കെ. വിശ്വാസങ്ങളാണ് ഇതിന്റെ പിന്നില്‍. എന്നാല്‍ ചിലര്‍ പൊരുത്തം നോക്കി വിവാഹം കഴിച്ചാലും വിവാഹം പലപ്പോഴും പരാജയപ്പെടുന്നതിനുള്ള സാധ്യതയുണ്ട്. എന്നാലും ഇത്തരത്തിലുള്ള കാര്യങ്ങളില്‍ ഇന്നും വിശ്വാസമുള്ള ഒന്നാണ് പൊരുത്തം നോക്കുന്നതും ജാതകം നോക്കുന്നതും. ജാതകപ്പൊരുത്തം നോക്കിയാലും പലപ്പോഴും ചേരേണ്ടവര്‍ എന്നായാലും ചേരുന്നു.

Most read: ഗര്‍ഭധാരണം ബുദ്ധിമുട്ടോ, കൈയ്യിലെ ഈ രേഖ പ്രശ്‌നം

ചില രാശിക്കാര്‍ ചിലപ്പോള്‍ വിവാഹത്തിന് വേണ്ടി ശ്രമിക്കുമ്പോള്‍ അത് ചിലപ്പോള്‍ ചേരാത്ത രാശിക്കാര്‍ തമ്മിലുള്ളതായിരിക്കും. എന്നാല്‍ ചിലരാകട്ടെ പൊരുത്തം നോക്കി വിവാഹം കഴിച്ചാല്‍ അത് നല്ല രീതിയില്‍ ജീവിതം മുന്നോട്ട് പോവുന്നതിനും കാരണമാകുന്നു. ഏതൊക്കെ രാശിക്കാര്‍ തമ്മില്‍ ചേര്‍ന്നാല്‍ അത് ഗംഭീരമായ ദാമ്പത്യ ജീവിതം നിങ്ങള്‍ക്ക് നല്‍കും എന്ന് നോക്കാം.