Back
Home » ટોપ
મહારાષ્ટ્રઃ માલગાડીના ડબ્બામાં ભીષણ આગ લાગી, 12 ટ્રેન રદ
Oneindia | 9th Nov, 2018 09:18 AM

મુંબઈઃ મહારાષ્ટ્રના દહાનુ પાસે માલગાડીના બે ડબ્બામાં અચાનક આગ લાગી ગઈ. મુંબઈ ડિવિઝનના દહાનુ રોડ સ્ટેશન પાસે રાત્રે લગભગ 10.35 વાગ્યે માલગાડીના બે ડબ્બામાં આગ લાગી ગઈ. આગના અહેવાલ મળતા જ રેલવે કર્મચારીઓ તુરંત ઘટના સ્થળે દોડી આવ્યા હતા. આગ એટલી ભયંકર હતી કે તેના પર કાબૂ મેળવવામાં કલાકો વીતી ગયા. માલગાડીના બે ડબ્બામાં આગ લાગી હતી. જેને કારણે તે રૂટ પર સર્વિસ સંપૂર્ણપણે ઠપ્પ થઈ ગઈ હતી.

વેસ્ટર્ન રેલવે મુજબ રાત્રે બનેલ આ ઘટનાને પગલે તે લાઈની ટ્રેનોની અવરજવર બંધ કરવો પડ્યો હતો. કુલ 12 જેટલી ટ્રેન રદ કરવામાં આવી હતી તો કેટલીય ટ્રેનોનો સમય બદલવો પડ્યો હતો. મોડી રાત્રે 1 વાગીને 35 મિનિટની આસપાસ ડાઉન ખોલવામાં આવી. જ્યારે મુંબઈ તરફ જતી લાઈનને બંધ જ રાખવી પડી હતી.

ઘટનાને પગલે 12 ટ્રેનને રદ કરી દેવામાં આવી હતી, જ્યારે 10 ટ્રેનના રૂટમાં બદલાવ કરવામાં આવ્યો. રેલવેએ ઘટના બાદ અપ લાઈન ખોલવા માટે રાહત અને બચાવકાર્ય તેજીથી ચલાવી રહ્યું છે.

આ પણ વાંચો- ફરી એકવાર કોંગ્રેસ માટે ચાણક્ય સાબિત થયા ડીકે શિવકુમાર