Back
Home » ಇತ್ತೀಚಿನ
ನಿದ್ದೆ ಹಾಳಾಗಲು ಸ್ಮಾರ್ಟ್ ಫೋನ್ ಕಾರಣ ಯಾಕೆ?
Gizbot | 5th Dec, 2018 05:01 PM
  • ನಿದ್ರಾಹೀನತೆಗೆ ಸ್ಮಾರ್ಟ್ ಫೋನ್ ಹೇಗೆ ಕಾರಣ?

    ಯುಎಸ್ ನಲ್ಲಿರುವ ಸಾಲ್ಕ್ ಇನ್ಸಿಟ್ಯೂಟ್ ನ ಅಧ್ಯಯನಕಾರರು ಕಣ್ಣಿನ ಪ್ರಕ್ರಿಯೆಯಲ್ಲಿ ಕೆಲವು ಬೆಳಕಿನ ಕಿರಣಗಳು ಮತ್ತು ನಮ್ಮ ದೇಹದ ಕೆಲವು ಆಂತರಿಕ ಗಡಿಯಾರಗಳಲ್ಲಿನ ಕೆಲವು ಜೀವಕೋಶಗಳು ಸಿರ್ಕಾಡಿಯನ್ ರಿದಮ್ ಎಂದು ಕರೆಯಲಾಗುವ ದೈನಂದಿನ ದೈಹಿಕ ಪ್ರಕ್ರಿಯೆಗಳ ಚಕ್ರವನ್ನು ಮರುಹೊಂದಿಕೆ ಮಾಡುತ್ತವೆ ಎಂದು ಕಂಡುಹಿಡಿದಿದ್ದಾರೆ.

    ಯಾವಾಗ ಈ ಜೀವಕೋಶಗಳು ರಾತ್ರಿಯಲ್ಲಿ ಕೃತಕ ಬೆಳಕಿಗೆ ಒಡ್ಡಲ್ಪಡುತ್ತವೆಯೋ ಆಗ ಅದು ಗೊಂದಲಕ್ಕೆ ಒಳಗಾಗುತ್ತವೆ ಮತ್ತು ಕೆಲವು ರೀತಿಯ ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುತ್ತದೆ.


  • ಜರ್ನಲ್ ಸೆಲ್ ವರದಿ ಏನು ಹೇಳುತ್ತದೆ ಗೊತ್ತಾ?

    ಜರ್ನಲ್ ಸೆಲ್ ವರದಿಯಲ್ಲಿ ಪ್ರಕಟಗೊಂಡಿರುವ ಫಲಿತಾಂಶದ ಪ್ರಕಾರ ಇದು ಮೈಗ್ರೇನ್, ಇನ್ಸೋಮ್ನಿಯಾ, ಜೆಟ್ ಲ್ಯಾಗ್ ಮತ್ತು ಸರ್ಕಾಡಿಯನ್ ರಿಧಮ್ ನಂತಹ ಸಮಸ್ಯೆಗಳಿಗೆ ಹೊಸ ರೀತಿಯ ಚಿಕಿತ್ಸೆಯ ಅಗತ್ಯತೆಯನ್ನು ಸಾರುತ್ತಿವೆ.


  • ದೊಡ್ಡ ದೊಡ್ಡ ಆರೋಗ್ಯ ಸಮಸ್ಯೆಗಳಿಗೆ ಕಾರಣ:

    ಈ ಕಾಯಿಲೆಗಳು ಅಥವಾ ಸಮಸ್ಯೆಗಳು ದೊಡ್ಡ ದೊಡ್ಡ ಸಮಸ್ಯೆಗಳಿಗೂ ಕಾರಣವಾಗುವ ಸಾಧ್ಯತೆಗಳಿದೆ. ಮೆದುಳಿನ ಸಮಸ್ಯೆಗಳು, ಕ್ಯಾನ್ಸರ್, ಸ್ಥೂಲಕಾಯ, ಇನ್ಸುಲಿನ್ ಪ್ರತಿರೋಧ, ಮೆಟಾಬಾಲಿಕ್ ಸಿಂಡ್ರೋಮ್ ಸೇರಿದಂತೆ ಹಲವು ಕಾಯಿಲೆಗಳಿಗೆ ಕಾರಣವಾಗಬಹುದು ಎಂದು ಸಂಶೋಧಕರು ತಿಳಿಸಿದ್ದಾರೆ.


  • ರೆಟಿನಾದ ಮೇಲೆ ಕೆಟ್ಟ ಪರಿಣಾಮ:

    ಸಾಲ್ಕ್ ಇನ್ಸಿಟ್ಯೂಟ್ ನ ಪ್ರೊಫೆಸರ್ ಸಾಟ್ಚಿನ್ ಅವರು ಹೇಳುವಂತೆ " ನಾವು ನಿರಂತರವಾಗಿ ಕೃತಕ ಬೆಳಕಿಗೆ ನಮ್ಮನ್ನು ನಾವು ತೆರೆದಿಡುತ್ತಿದ್ದೇವೆ, ಅದು ಹಗಲಿನಲ್ಲಿಯೇ ಇರಬಹುದು ಅಥವಾ ರಾತ್ರಿಯ ಎಚ್ಚರಿವಿದ್ದು ನೋಡುವುದೇ ಆಗಿರಲಿ ಕೃತಕ ಬೆಳಕು ನಮ್ಮ ಕಣ್ಣುಗಳನ್ನು ಪ್ರವೇಶಿಸುತ್ತಿದೆ. ಈ ಜೀವನಶೈಲಿಯು ನಮ್ಮ ಸರ್ಕಾಡಿಯನ್ ರಿದಮ್ ಗೆ ಅಡೆತಡೆಯನ್ನು ಒಡ್ಡುತ್ತದೆ ಮತ್ತು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮವನ್ನು ಉಂಟು ಮಾಡುತ್ತದೆ"

    ಕಣ್ಣಿನ ಹಿಂಭಾಗದಲ್ಲಿ ರೆಟಿನಾ ಎಂದು ಕರೆಲ್ಪಡುವ ಸಂವೇದನಾ ಪೊರೆ ಇರುತ್ತದೆ. ಇದರ ಅತ್ಯಂತ ಒಳಪದರವು ಬೆಳಕಿನ ಸೂಕ್ಷ್ಮ ಜೀವಕೋಶಗಳ ಸಣ್ಣ ಉಪಸಂಸ್ಥೆಯನ್ನು ಹೊಂದಿದೆ. ಇದು ಡಿಜಿಟಲ್ ಕ್ಯಾಮರಾದಲ್ಲಿರುವ ಪಿಕ್ಸಲ್ ಗಳಂತೆ ಕಾರ್ಯ ನಿರ್ವಹಿಸುತ್ತದೆ. ಯಾವಾಗ ಈ ಜೀವಕೋಶಗಳು ನಡೆಯುತ್ತಿರುವಾಗ ಬೆಳಕಿಗೆ ಒಡ್ಡಿದರೆ ಮೆಲನೋಪ್ಸಿನ್ ಎಂಬ ಪ್ರೊಟೀನ್ ನ್ನು ನಿರಂತರವಾಗಿ ಅವುಗಳ ಒಳಗೆ ಪುನರ್ ಉತ್ಪಾದಿಸುತ್ತವೆ. ಇದು ಪ್ರಜ್ಞೆ, ನಿದ್ದೆ, ಮತ್ತು ಜಾಗರೂಕತೆಯ ಸಂಜ್ಞೆಗಳನ್ನು ನೇರವಾಗಿ ಮೆದುಳಿಗೆ ತತ್ ಕ್ಷಣವೇ ಕಳುಹಿಸುವ ಕೆಲಸವನ್ನು ಮಾಡಿ ಮೆದಳಿಗೆ ಸೂಚನೆ ನೀಡುತ್ತದೆ.


  • ನಿದ್ದೆಗೆಡಿಸುವ ಮೊಬೈಲ್:

    10 ನಿಮಿಷಗಳ ಬೆಳಕಿನ ನಂತರ ನಮ್ಮ ಆಂತರಿಕ ಗಡಿಯಾರವನ್ನು ಸಿಂಕ್ರೊನೈಸ್ ಮಾಡುವುದರಲ್ಲಿ ಮೆಲಾನೊಪ್ಸಿನ್ ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಪ್ರಕಾಶಮಾನವಾದ ಬೆಳಕಿನಲ್ಲಿ, ನಮ್ಮ ದೈನಂದಿನ ನಿದ್ರೆಯನ್ನು ನಿಯಂತ್ರಿಸುವ ಜವಾಬ್ದಾರಿಯನ್ನು ಹಾರ್ಮೋನ್ ಮೆಲಟೋನಿನ್ ನಿಗ್ರಹಿಸುತ್ತದೆ.

    ಮೆಲನೋಪ್ಲಿನ್ ಕೋಶಗಳಿಗೆ ಹಾನಿ:

    ಕಣ್ಣಿನ ಇತರೆ ಸಂವೇದನಾ ಕೋಶಗಳಿಗೆ ಹೋಲಿಸಿದರೆ ಮೆಲನೋಪ್ಲಿನ್ ಕೋಶಗಳು ಬೆಳಕು ಅಂತ್ಯಕೊಂಡ ಕೂಡಲೇ ಅಥವಾ ಕೆಲವೇ ಸೆಕೆಂಡಿಗೆ ಪ್ರತಿಕ್ರಿಯೆ ನಿಲ್ಲಿಸುತ್ತವೆ ಆದರೆ ಇವುಗಳ ಡಿಸೈನ್ ದೀರ್ಘಕಾಲದ ಬೆಳಕನ್ನು ಮಾತ್ರ ಪ್ರತಿಕ್ರಿಯಿಸುವುದಕ್ಕಾಗಿ ರಚನೆ ಆಗಿರುತ್ತದೆ. ಇದರ ವಿರುದ್ಧವಾಗಿ ನಡೆಯುವುದು ತೊಂದರೆದಾಯಕವಾಗಿರುತ್ತದೆ ಎಂದು ವಿಜ್ಞಾನಿ ಲುಡೋವಿಕ್ ಮ್ಯೂರ್ ತಿಳಿಸಿದ್ದಾರೆ.

    ಇಲಿಗಳ ಮೇಲೆ ಮೊದಲ ಪ್ರಯೋಗ:

    ಇಲಿಗಳಲ್ಲಿ ರೆಟಿನಲ್ ಕೋಶಗಳಲ್ಲಿ ಮೆಲನೋಪ್ಸಿನ್ನ ಉತ್ಪಾದನೆಯನ್ನು ಆನ್ ಮಾಡಲು ಸಂಶೋಧಕರು ಆಣ್ವಿಕ ಸಲಕರಣೆಗಳನ್ನು ಬಳಸಿ ಪ್ರಯೋಗ ಮಾಡಿದ್ದಾರೆ.

    ಈ ಕೋಶಗಳಲ್ಲಿ ಕೆಲವು ಬೆಳಕಿನ ಪುನರಾವರ್ತಿತ ದೀರ್ಘ ಪ್ರಭೇದಗಳಿಗೆ ಒಡ್ಡಿಕೊಂಡಾಗ ಬೆಳಕಿನ ಪ್ರತಿಸ್ಪಂದನೆಯನ್ನು ಉಳಿಸಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಕಂಡುಹಿಡಿದಿದ್ದು ಇತರ ಕೆಲವು ಕೋಶಗಳು ವಿಷಪೂರಿತವಾಗುತ್ತವೆ ಎಂಬುದನ್ನು ಕೂಡ ತಿಳಿಸಿದ್ದಾರೆ.

    ಇಲಿಗಳಲ್ಲಿ ಈ ಪ್ರಯೋಗವನ್ನು ಮಾಡಿದಾಗ ಬಂಧನ ಪ್ರೋಟೀನ್ನ ಆವೃತ್ತಿ (ಬೀಟಾ ಬಂಧನ 1 ಮತ್ತು ಬೀಟಾ ಬಂಧನ 2) ಇಲ್ಲವಾದರೆ, ಮೆಲನೋಪ್ಸಿನ್-ಉತ್ಪಾದಿಸುವ ರೆಟಿನಾದ ಕೋಶಗಳು ಸುದೀರ್ಘವಾದ ಬೆಳಕಿನಲ್ಲಿ ಬೆಳಕಿಗೆ ತಮ್ಮ ಸಂವೇದನೆಯನ್ನು ಉಳಿಸಿಕೊಳ್ಳಲು ವಿಫಲವಾದವು.ಇದಕ್ಕೆ ಕಾರಣ ಇಷ್ಟೇ. ರೆಟಿನಾದ ಕೋಶಗಳಲ್ಲಿ ಮೆಲನೋಪ್ಸಿನ್ ಪುನರುತ್ಪಾದನೆಯಾಗುತ್ತದೆ.

    ಒಟ್ಟಾರೆ ಅಧ್ಯಯನದಿಂದ ತಿಳಿದುಬಂದಿರುವ ಅಂಶವೆಂದರೆ ಸ್ಮಾರ್ಟ್ ಫೋನ್ ಗಳನ್ನು ಬಿಟ್ಟೂಬಿಡದೆ ಬಳಕೆ ಮಾಡಿದರೆ ಕಣ್ಣಿನ ಸಮಸ್ಯೆ ಸೇರಿದಂತೆ ಇತರೆ ಕಾಯಿಲೆಗಳು ಬರುವುದು ಖಂಡಿತ. ಅದಕ್ಕಾಗಿ ಸ್ಮಾರ್ಟ್ ಪೋನ್ ಬಳಕೆಗಾಗಿ ನಿಮ್ಮಲ್ಲೊಂದು ಹಿಡಿತ ಇರಬೇಕು. ದಿನದ ಎಷ್ಟು ತಾಸು ಮೊಬೈಲ್ ಬಳಸಬೇಕು ಎಂಬ ಪರಿಕಲ್ಪನೆ ನಿಮ್ಮಲ್ಲಿರಬೇಕು.




ಮನುಷ್ಯನ ನಿದ್ರಾಹೀನತೆಗೆ ಇತ್ತೀಚಿನ ದಿನಗಳಲ್ಲಿ ಕಂಪ್ಯೂಟರ್ ಮತ್ತು ಸ್ಮಾರ್ಟ್ ಫೋನ್ ಗಳು ಕಾರಣವಾಗುತ್ತಿದೆ. ಕಂಪ್ಯೂಟರ್ ಮತ್ತು ಸ್ಮಾರ್ಟ್ ಫೋನ್ ಗಳಿಂದ ಬರುವ ಕೃತಕ ಲೈಟ್ ಅಥವಾ ಬೆಳಕು ಹೇಗೆ ಮನುಷ್ಯನ ನಿದ್ದೆಯ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ ಎಂಬ ಬಗ್ಗೆ ವಿಜ್ಞಾನಿಗಳು ಈಗಾಗಲೇ ಅಧ್ಯಯನ ಮಾಡಿದ್ದಾರೆ. ಹಾಗಾಗಿ ಮೈಗ್ರೇನ್, ಇನ್ಸೋಂಮ್ನಿಯಾ, ಜೆಟ್ ಲ್ಯಾಗ್, ಸಿರ್ಕಾಡಿಯನ್ ನಂತರ ಕಾಯಿಲೆಗಳಿಗೆ ಹೊಸ ರೀತಿಯ ಚಿಕಿತ್ಸೆಯ ಅಗತ್ಯತೆಯ ಬಗ್ಗೆ ಸಂಶೋಧನೆ ನಡೆದಿದೆ.

   
 
ಹೆಲ್ತ್