Back
Home » Business
ಆರ್ಬಿಐನಿಂದ ಬ್ಯಾಂಕುಗಳಿಗೆ ಖಡಕ್ ಸೂಚನೆ! ಸಾಲ ಪಡೆಯುವವರಿಗೆ ಸಿಹಿಸುದ್ದಿ
Good Returns | 6th Dec, 2018 09:24 AM

ಭಾರತೀಯ ರಿಸರ್ವ್ ಬ್ಯಾಂಕ್ ಸಾಲದ ಬಡ್ಡಿದರ ವ್ಯವಸ್ಥೆಯಲ್ಲಿ ಬದಲಾವಣೆ ಮಾಡಿದ್ದು, ಎಂಸಿಎಲ್ಆರ್, ಬೇಸ್ ರೇಟ್, ಪಿಎಲ್ಆರ್ ಮತ್ತು ಬಿಪಿಎಲ್ಆರ್ ಅಡಿಯಲ್ಲಿ ಸಾಲ ನೀಡುವ ವ್ಯವಸ್ಥೆಯನ್ನು ರದ್ದು ಮಾಡಿದೆ.

ನಿಯಂತ್ರಣ ಮತ್ತು ಮೇಲ್ವಿಚಾರಣೆ ಬಲಪಡಿಸುವ ಹಿನ್ನೆಲೆಯಲ್ಲಿ ಅಭಿವೃದ್ಧಿ ಮತ್ತು ನಿಯಂತ್ರಕ ನೀತಿ ಕ್ರಮಗಳು ಕೈಗೊಳ್ಳಬೇಕಾಗುತ್ತದೆ ಎಂದು ಆರ್ಬಿಐ ಹೇಳಿದೆ.

2019 ಏಪ್ರಿಲ್ 1 ರ ನಂತರ ಬ್ಯಾಂಕುಗಳು ಗೃಹ ಸಾಲ, ವಾಹನ ಸಾಲ ಮತ್ತು ವೈಯಕ್ತಿಕ ಸಾಲ ನೀಡುವ ನಿಯಮದಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕು. ಜೊತೆಗೆ ಎಂಎಸ್ಎಂಇ ಸಾಲ ನೀಡುವ ವ್ಯವಸ್ಥೆ ಬದಲಾಗುತ್ತಿದೆ.

ಇನ್ಮುಂದೆ ಬ್ಯಾಂಕ್ ಗಳು ಆರ್ಬಿಐನ ರೆಪೋ ದರದ ಆಧಾರದ ಮೇಲೆ ಸಾಲ ಒದಗಿಸಬೇಕಾಗುತ್ತದೆ. ತಮಗಿಷ್ಟ ಬಂದಂತೆ ಸಾಲ ನೀಡುವುದಾಗಲಿ, ಬಡ್ಡಿದರ ವಿಧಿಸುವುದಾಗಲಿ ಮಾಡುವಂತಿಲ್ಲ. ಬ್ಯಾಂಕುಗಳಿಗೆ ಅಂಕುಶ ಹಾಕಲು ಆರ್ಬಿಐ ಈ ನಿರ್ಧಾರ ಕೈಗೊಂಡಿದೆ.

ಒಂದು ವಿಭಾಗಕ್ಕೆ ಒಂದೇ ಮಾನದಂಡ ನಿಗದಿ ಮಾಡುವಂತೆ ಆರ್ಬಿಐ ಸೂಚಿಸಿದೆ. ಉದಾಹರಣೆಗೆ ಬ್ಯಾಂಕುಗಳು ರೆಪೋ ದರದಲ್ಲಿ ಗೃಹ ಸಾಲ ನೀಡುತ್ತಿದ್ದಲ್ಲಿ, ಅದೇ ದರದಲ್ಲಿ ಸಾಲ ನೀಡಬೇಕಾಗಿದ್ದು ಅದನ್ನು ಬದಲಿಸುವಂತಿಲ್ಲ.

   
 
ಹೆಲ್ತ್