Back
Home » ಇತ್ತೀಚಿನ
5.8 ಗ್ರಾಂ ತೂಕದ 'ಮೀ ಏರ್​ಡಾಟ್ಸ್'​ ಬಿಡುಗಡೆ!...ಬೆಲೆ ಕೇವಲ___?!
Gizbot | 11th Jan, 2019 12:58 PM
  • ಹೇಗಿದೆ 'ಮೀ ಏರ್​ಡಾಟ್ಸ್ ಪ್ರೊ'? ​

    'ಮೀ ಏರ್​ಡಾಟ್ಸ್ ಪ್ರೊ' 7mm ನಿಯೋಡಿಮಿಯಮ್ ಕಬ್ಬಿಣದ ಬೋರಾನ್ ಮ್ಯಾಗ್ನೆಟಿಕ್ ಮತ್ತು ಟೈಟಾನಿಯಮ್-ಲೇಪಿತ ಡಯಾಫ್ರಾಮ್ ಡೈನಾಮಿಕ್ ರಿಂಗ್ ಸ್ಪೀಕರ್ ಅನ್ನು ಹೊಂದಿದ್ದು, ಟಚ್​ ಮೂಲಕವೇ ಸಂಗೀತವನ್ನು ಆಲಿಸಲು ಮತ್ತು ಕರೆಗಳನ್ನು ಸ್ವೀಕರಿಸುವ ಸೌಲಭ್ಯ ಇದರಲ್ಲಿ ನೀಡಲಾಗಿದೆ. ಇದರ ಒಟ್ಟು ತೂಕ ಕೇವಲ 5.8 ಗ್ರಾಂಗಳಷ್ಟಿದೆ ಎಂದು ಶಿಯೋಮಿ ತಿಳಿಸಿದೆ.


  • ಆಪಲ್​ನ ಏರ್​ಪೋಡ್ಸ್ ಫೀಚರ್ಸ್!

    ಆಪಲ್​ನ ಏರ್​ಪೋಡ್ಸ್​ನಲ್ಲಿ ನೀಡಲಾಗಿರುವ ಬಹುತೇಕ ಎಲ್ಲಾ ಫೀಚರ್​ಗಳನ್ನು ಈ 'ಮಿ ಏರ್​ಡಾಟ್ಸ್ ಪ್ರೊ​'ನಲ್ಲಿ ನೀಡಲಾಗಿದೆ. ಇದರ ಇಯರ್​ಬಡ್ಸ್​ ಅನ್ನು ಕೂಡ ಚಾರ್ಜರ್ ಬಾಕ್ಸ್​ನಲ್ಲಿರಿಸಿ ಚಾರ್ಜ್​ ಮಾಡಿಕೊಳ್ಳಬಹುದಾದ ಆಯ್ಕೆ ಲಭ್ಯವಿದೆ. ಈ 'ಏರ್​ಡಾಟ್ಸ್ ಪ್ರೊ'​ ಬಾಕ್ಸ್​ನ್ನು ಯುಎಸ್​ಬಿ ಟೈಪ್​ ಸಿ ಚಾರ್ಜರ್​ನಿಂದ ಚಾರ್ಜ್​ ಮಾಡಬೇಕಾಗುತ್ತದೆ ಎಂದು ಪ್ರಾಡೆಕ್ಟ್ ರಿವ್ಯೂವಿನಲ್ಲಿ ತಿಳಿದುಬಂದಿದೆ.


  • 10 ಗಂಟೆಗಳವರೆಗೆ ಸತತ ಬಳಕೆ!

    ಈ ನೂತನ ಮಿ ಏರ್‌ಡಾಟ್ಸ್ ಪ್ರೊ ಅ​ನ್ನು ಕೇವಲ ಒಂದು ಗಂಟೆಯಲ್ಲಿ ಪೂರ್ಣ ಚಾರ್ಜ್ ಮಾಡಿಕೊಳ್ಳಬಹುದು ಎಂದು ಶಿಯೋಮಿ ಕಂಪೆನಿಯುವ ಬಿಡುಗಡೆ ವೇಳೆ ತಿಳಿಸಿದೆ. ಹಾಗೆಯೇ, ಒಂದು ಬಾರಿ ಇದ​ನ್ನು ಪೂರ್ತಿ ಚಾರ್ಜ್​ ಮಾಡಿಕೊಂಡರೆ ಸತತವಾಗಿ 10 ಗಂಟೆಗಳವರೆಗೆ ಅನಿಯಮಿತವಾಗಿ ಉತ್ಕೃಷ್ಟ ಗುಣಮಟ್ಟದ ಸಂಗೀತವನ್ನು ಆಲಿಸಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ.


  • ಇನ್ನಿತರ ಫೀಚರ್ಸ್ ಯಾವುವು?

    ನೂತನ ಮಿ ಏರ್‌ಡಾಟ್ಸ್ ಪ್ರೊ ಬ್ಲೂಟೂತ್ 4.2 ಬೆಂಬಲಿಸಲಿದ್ದು, ವರ್ಧಿತ ಆಡಿಯೊಗಾಗಿ ಎಎಸಿ ಕೋಡೆಕ್ (ಸಕ್ರಿಯ ಶಬ್ದ ರದ್ದತಿ) ಅನ್ನು ಬೆಂಬಲಿಸುತ್ತದೆ ಮತ್ತು ಐಪಿಎಕ್ಸ್4 ವಾಟರ್ ರೆಸಿಸ್ಟೆಂಟ್ ಫೀಚರ್ ಇದರ ಮತ್ತೊಂದು ಪ್ರಮುಖ ವಿಶೇಷತೆ ಎನ್ನಬಹುದು. ಇನ್ನುಳಿದಂತೆ ಈ ಇಯರ್​ ಬಡ್ಸ್​​​ ಅನ್ನು ಆಂಡ್ರಾಯ್ಡ್​ ಮತ್ತು ಐಒಎಸ್​ ಸ್ಮಾರ್ಟ್​ಫೋನ್​ಗಳಲ್ಲಿ ಕನೆಕ್ಟ್​ ಮಾಡಿಕೊಳ್ಳಬಹುದು.


  • ಬೆಲೆ ಎಷ್ಟು?

    ಸದ್ಯ ಈ ಮಿ ಏರ್‌ಡಾಟ್ಸ್ ಪ್ರೊ ಚೀನಾದಲ್ಲಿ ಮಾತ್ರ ಬಿಡುಗಡೆಗಿದ್ದು, ಅಲ್ಲಿ ಇದರ ಬೆಲೆ 399 ಸಿಎನ್​ಐ. ಅಂದರೆ ಭಾರತದಲ್ಲಿ ಇದರ ಬೆಲೆ ಸರಿಸುಮಾರು 4 ಸಾವಿರ ಆಗಿರಲಿದೆ ಎಂದು ಅಂದಾಜಿಸಬಹುದು. ಸದ್ಯ ದೇಶದಲ್ಲಿ ಐಫೋನ್ ಏರ್​ಪೋಡ್​ ಬೆಲೆ 12 ಸಾವಿರವಿದ್ದು, ಮೀ ಏರ್​ಡಾಟ್ಸ್ ಬಿಡುಗಡೆಯಾದರೆ ಆಪಲ್​ ಏರ್​ಪೋಡ್‌ಗೆ ಹೊಡೆತಬೀಳುವುದು ಖಂಡಿತ.




2016ರಲ್ಲಿ ಆಪಲ್‌ ಬಿಡುಗಡೆ ಮಾಡಿದ್ದ ಏರ್​ಪೋಡ್ ನಕಲಿಯಂತಿರುವ ನೂತನ 'ಶಿಯೋಮಿ ಮೀ ಏರ್​ಡಾಟ್ಸ್ ಪ್ರೊ'​ ಚೀನಾದಲ್ಲಿ ಇದೀಗ ಮಾರುಕಟ್ಟೆಗೆ ಕಾಲಿಟ್ಟಿದೆ. ಈ ಹಿಂದೆ ಐಫೋನ್​ನ ಕೆಲವು ಫೀಚರ್​ಗಳನ್ನೇ ನಕಲಿಸಿರುವ ಆರೊಪ ಹೊತ್ತಿರವ ಶಿಯೋಮಿ, ಇದೀಗ ಐಫೋನ್​ನ ದುಬಾರಿ ಏರ್​ಪೋಡ್​​ಗೆ ಸ್ಫರ್ಧಿಯಾಗಿ 'ಮೀ ಏರ್​ಡಾಟ್ಸ್ ಪ್ರೊ'​ ಇಯರ್​ ಫೋನ್​ ಅನ್ನು ಮಾರುಕಟ್ಟೆಗೆ ತಂದಿದೆ.

ನೋಡಲು ಥೇಟ್ ಆಪಲ್​ನ ಏರ್​ಪೋಡ್ಸ್​ನಂತೆಯೇ ಕಾಣುತ್ತಿರುವ ಈ ನೂತನ ಶಿಯೋಮಿ 'ಮೀ ಏರ್​ಡಾಟ್ಸ್ ಪ್ರೊ'​ ಇಯರ್​ ಫೋನಿನ ಫೀಚರ್ಸ್ ಮತ್ತು ವಿನ್ಯಾಸಗಳೆಲ್ಲವೂ ಅದೇ ರೀತಿಯಲ್ಲಿದೆ. ಆದರೆ, ಈ 'ಮೀ ಏರ್​ಡಾಟ್ಸ್ ಪ್ರೊ'​ ಆಪಲ್ ಏರ್​ಪೋಡ್ಸ್ ಖರೀದಿಗಿಂತ ಬೆಸ್ಟ್ ಆಗಿದ್ದು, ಗ್ರಾಹಕರ ಜೇಬಿಗೆ ಹೊರೆಯಾಗದಂತಹ ಬೆಲೆ ಮತ್ತು ಫೀಚರ್ಸ್‌ಗಳನ್ನು ಹೊಂದಿರುವುದು ವಿಶೇಷವಾಗಿದೆ.

ಶಿಯೋಮಿಯ ಹೊಸ ಇಯರ್​ ಬಡ್ಸ್​​​ ಅನ್ನು ಆಂಡ್ರಾಯ್ಡ್​ ಮತ್ತು ಐಒಎಸ್​ ಸ್ಮಾರ್ಟ್​ಫೋನ್​ಗಳಲ್ಲಿ ಕನೆಕ್ಟ್​ ಮಾಡಿಕೊಳ್ಳಬಹುದಾಗಿದ್ದು, ಇದರ ತೂಕ ಕೇವಲ 5.8 ಗ್ರಾಂಗಳಷ್ಟಿದೆ. ಕಿವಿಗೂ ಮತ್ತು ಜೇಬಿಗೂ ಭಾರವೆನಿಸುವುದಂತಹ ಫೀಚರ್ಸ್ ಹೊಂದಿರುವ ಇದು ಚೀನಾದಲ್ಲಿ ಈಗ ಬಿಡುಗಡೆಯಾಗಿದೆ. ಹಾಗಾದರೆ, ಶಿಯೋಮಿ 'ಮೀ ಏರ್​ಡಾಟ್ಸ್ ಪ್ರೊ'​ ಇಯರ್​ ಫೋನಿನ ಫೀಚರ್ಸ್ ಮತ್ತು ಬೆಲೆಗಳನ್ನು ಮುಂದೆ ಓದಿ ತಿಳಿಯಿರಿ.

   
 
ಹೆಲ್ತ್