மனிதனின் உடல் அமைப்பு பலவித மாற்றங்களை கொண்டது. நமது உடலில் ஏற்படுகின்ற ஒவ்வொரு மாற்றத்துக்கும் ஒரு முக்கிய அர்த்தம் உள்ளது. ஆண்களின் உடல் அதிக வெப்பமாக இருப்பதற்கும், பெண்களின் உடல் ஜில்லுனு இருப்பதற்கும் அவரவரின் உடல் அமைப்பு தான் முதல் காரணம்.

ஆண்களின் உடலும் பெண்களின் உடலும் தட்பவெப்பத்தில் மாறுபடும். இது தான் ஆண்களின் உடல் உண்மையில் வெப்ப நிலையில் இருப்பதற்கு முக்கிய காரணம். அதாவது, பெண்களின் தட்பவெப்ப நிலை ஆண்களை காட்டிலும் குறைவாகவே இருக்குமாம். இது நாள் முழுக்க இப்படி தான் இருக்கும் என ஆய்வுகள் கூறுகின்றன.

பெண்கள் அதிக நேரம் ஓடினாலும், குளிர் நிலையில் அதிக நேரம் இருந்தாலும் அவர்களின் உடல் மிகவும் ஜில்லென்று மாறி விடும். குறிப்பாக படுக்கையில் இருந்தாலும் இவர்களின் உடல் குளிர் நிலையில் அதிக நேரம் இருக்குமாம். படுக்கையில் உங்களின் மனைவி அல்லது காதலியின் கைகளை தொட்டு பார்த்தாலும் உங்களை விட குளிர்ந்த நிலையில் தான் இருக்குமாம்.

பெண்களின் உடலிலும் ஆண்களின் உடலிலும் வெவ்வேறு விதமான ஹார்மோன் மாற்றங்கள் ஏற்படும். இப்படி பெண்களின் உடல் குளிர் நிலையில் இருப்பதற்கு ஹார்மோன்களும் முக்கிய காரணிகள் ஆகும். பெண்களின் மாதவிடாயின் போது, இது முற்றிலுமாக வேறுபடும். இந்த குளிர்ந்த உடல் நிலை பெண்களின் மாதவிடாயை பொருத்தே நிர்ணயிக்க படுகிறதாம்.

Most Read: ஆண்களே, உங்களின் முடியை வைத்தே உங்களுக்கு 10 வயதை குறைப்பது எப்படி...

ஆண்களின் உடலை காட்டிலும் பெண்கள் உடலின் செயல்திறன் கொஞ்சம் குறைவானது தான். எனவே, உடலில் கலோரிகள் வேகமாக எரிய கூடும். இது ஆண்களின் உடலுக்கும் பெண்களின் உடலுக்கும் சற்று மாறுதலாகவே இருக்கும் என ஆய்வுகள் சொல்கின்றன.

உடல் அமைப்பிலும் இந்த மாற்றம் உண்டு. பெண்களின் உடல் ஆண்களை காட்டிலும் சிறியதாக இருக்கும். இது உயரத்திலும், எடையிலும் ஆண்களை காட்டிலும் குறைவாக இருக்கும். ஆண்களின் உடல் பெரிதாக இருப்பதால் எளிதாக வெப்ப நிலை அடையும். எனவே, பெண்களின் உடல் அமைப்பும் இதற்கு ஒரு முக்கிய காரணம்.

பொதுவாக பெண்களின் உடலானது உறுப்புகளுக்குள் வெப்பத்தை தக்க வைத்து கொள்ளும் ஆற்றல் வாய்ந்தது. ஆதலால், மிதமான வெப்பத்துடன் பெண்களின் உடல் எப்போதும் இருக்க கூடும். எனவே, இவர்கள் ஓடும் போதும், உடற்பயிற்சி செய்யும் போதும் இது போன்று ஜில்லென்று மாறி விடுகிறது.

Most Read: இதய பிரச்சினைகளை தடுத்து, ரத்த ஓட்டத்தை சீராக்கும் உணவு வகைகள் என்னென்ன..?

ஒவ்வொரு கால நிலையிலும் நமது உடல் பல்வேறு மாற்றங்களை சந்திக்க கூடும். அந்த வகையில் அதிக வெப்ப காலத்தில் குறைந்த தட்பவெப்பத்தில், குளிர் காலத்தில் மிக குறைந்த தட்பவெப்பத்திலும் பெண்களின் உடல் இருக்குமாம். இதற்கு மேற்கூறியவை தான் முக்கிய காரணிகளாக உள்ளது.