Back
Home » ಇತ್ತೀಚಿನ
24 ಗಂಟೆ ಬರುವ ಬ್ಯಾಟರಿ ಬಾಳಿಕೆಯನ್ನು 48 ಗಂಟೆ ಬರುವಂತೆ ಮಾಡುವುದು ಹೇಗೆ?
Gizbot | 23rd Mar, 2019 12:49 PM
  • ಮೊಬೈಲ್ ಆಪ್‌ಗಳಿಗೆ ಫ್ರೀಜರ್ ಆಪ್!

    ಮೊಬೈಲ್ ಆಪ್‌ಗಳಿಗೂ ಫ್ರೀಜರ್ ಎಂಬ ಒಂದು ಆಪ್ ಇದೆ. ಈ ಆಪ್ ಅನ್ನು ನೀವು ಡೌನ್‌ಲೋಡ್ ಮಾಡಿಕೊಂಡು ಅದರೊಳಕ್ಕೆ ಯಾವುದೇ ಇತರೆ ಆಪ್ ಅನ್ನು ಡ್ರ್ಯಾಗ್ ಆಂಡ್ ಡ್ರಾಪ್ ಮಾಡಿದರೆ ಆ ಆಪ್‌ಗಳು ಹಿನ್ನಲೆಯಲ್ಲಿ ಕೆಲಸವನ್ನು ನಿಲ್ಲಿಸುತ್ತವೆ. ಹಿನ್ನೆಲೆಯಲ್ಲಿ ಸಕ್ರಿಯವಾಗುತ್ತಿರುವ ಆಪ್‌ಗಳ ಕೆಲಸ ನಿಂತರೆ ಅದು ಬ್ಯಾಟರಿ ಉಳಿತಾಯಕ್ಕೆ ಕಾರಣವಾಗುತ್ತದೆ.


  • ಪವರ್ ಸೇವಿಂಗ್ ಮೋಡ್

    ಬ್ಯಾಟರಿ ಚಾರ್ಜ್ ಉಳಿತಾಯ ಮಾಡಬಲ್ಲ ಪವರ್ ಸೇವಿಂಗ್ ಮೋಡ್ ಇದ್ದರೆ (ಇತ್ತೀಚಿನ ಫೋನ್‌ಗಳಲ್ಲಿ ಸೆಟ್ಟಿಂಗ್ಸ್ ಮೆನುವಿನಲ್ಲಿರುತ್ತದೆ) ಅದನ್ನು ಬಳಸಿ. ಇನ್ನು ನಿಮ್ಮ ಸ್ಮಾರ್ಟ್‌ಫೋನಿನ ಸ್ಕ್ರೀನ್ ಬ್ರೈಟ್‌ನೆಸ್ ಕಡಿಮೆ ಮಾಡಿಕೊಳ್ಳಿ. ನಿಮಗೆ ಗೊತ್ತಿರಲಿ, ಪೋನಿನಲ್ಲಿ ಅತಿಹೆಚ್ಚು ಬ್ಯಾಟರಿಯನ್ನು ಸ್ಕ್ರೀನ್ ಬಳಸಿಕೊಳ್ಳುತ್ತದೆ. ಮತ್ತು ಇದರಿಂದ ಕಣ್ಣುಗಳಿಗೂ ಹಿತ, ಬ್ಯಾಟರಿಗೂ ಒಳಿತು.


  • ಮೊಬೈಲ್ ಡೇಟಾ ಆಫ್ ಮಾಡಿ

    ಪ್ಪತ್ತನಾಲ್ಕು ಗಂಟೆ ಆನ್‌ಲೈನ್ ಇದ್ದರೆ ಮೊಬೈಲ್ ಬ್ಯಾಟರಿ ಬಾಳಿಕೆ ಬರುವುದು ಹೇಗೆ?, ಹಾಗಾಗಿ, ಉಪಯೋಗವಿಲ್ಲದಾಗ ಮೊಬೈಲ್ ಡೇಟಾವನ್ನು ಆಫ್ ಮಾಡಿಬಿಡಿ. ಸಾಧ್ಯವಿದ್ದಾಗಲೆಲ್ಲ ಇಂಟರ್ನೆಟ್‌ಗಾಗಿ ಮೊಬೈಲ್ ಡೇಟಾ ಬದಲು, ವೈಫೈ ಬಳಸಿ. ವೀಡಿಯೊ ಮತ್ತು ಗೇಮ್ಸ್ ಹೆಚ್ಚಾದರೂ ಮೊಬೈಲ್ ಬ್ಯಾಟರಿ ಚಾರ್ಜ್ ಬೇಗನೇ ಖಾಲಿಯಾಗುತ್ತದೆ ಎಂಬುದು ನೆನಪಿರಲಿ.


  • ಪಾಪ್‌ಅಪ್ ಜಾಹೀರಾತು ಕ್ಲಿಕ್ ಮಾಡಲೇಬೇಡಿ.

    ಇಂಟರ್ನೆಟ್‌ನಲ್ಲಿ ಬ್ರೌಸ್ ಮಾಡುವಾಗ ಪಾಪ್ಅಪ್ ಆಗುವ ಜಾಹೀರಾತುಗಳನ್ನು ನೋಡದೇ ಕ್ಲಿಕ್ ಮಾಡಲೇಬೇಡಿ. ಬ್ರೌಸ್ ಮಾಡುವಾಗ ಪಾಪ್ಅಪ್ ಜಾಹಿರಾತುಗಳು ಕ್ರಿಮಿನಲ್‌ ಕೆಲಸಕ್ಕಾಗಿರುತ್ತವೆ. ಜೊತೆಗೆ ಅವುಗಳು ನಿಮ್ಮ ಬ್ಯಾಟರಿ ಖಾಲಿ ಮಾಡಬಲ್ಲ ಅನಗತ್ಯ ತಂತ್ರಾಂಶಗಳನ್ನು/ಮಾಲ್‌ವೇರ್‌ಗಳನ್ನು ಅಳವಡಿಸುವ ತಂತ್ರಗಳು ಸಹ ಆಗಿರಬಹುದು.


  • ಈ ಸಮಯದಲ್ಲಿ ಫ್ಲೈಟ್ ಮೋಡ್‌ನಲ್ಲಿ ಇಡಿ

    ನಿಮ್ಮ ಸ್ಮಾರ್ಟ್‌ಫೋನನ್ನು ಪ್ರಯಾಣದ ಸಮಯದಲ್ಲಿ ಅಗತ್ಯವಿಲ್ಲವೆಂದಾದರೆ ಯಾವಾಗಲೂ ಫ್ಲೈಟ್ ಮೋಡ್‌ನಲ್ಲಿ ಇಡಿ. ಏಕೆಂದರೆ, ಸಿಗ್ನಲ್ ಸಮಸ್ಯೆ ಇರುವಾಗ ನಿಮ್ಮ ಮೊಬೈಲ್ ಸಿಗ್ನಲ್‌ಗಾಗಿ ಹುಡುಕಾಡುತ್ತಿರುತ್ತದೆ. ಇದು ಬ್ಯಾಟರಿಯನ್ನು ಹೀರಿಕೊಳ್ಳುತ್ತದೆ. ಹಾಗಾಗಿ, ಸೂಕ್ತ ನೆಟ್‌ವರ್ಕ್ ಕವರೇಜ್ ಇರುವ ಸ್ಥಳಕ್ಕೆ ಬಂದಾಗ, ಫ್ಲೈಟ್ ಮೋಡ್ ಆಫ್ ಮಾಡಿ.


  • ಬ್ಯಾಟರಿ ಉಳಿಸಲು ಇತರೆ ಸಲಹೆಗಳು!

    ಈ ಮೇಲೆ ತಿಳಿಸಿದ ಸಲಹೆಗಳು ಖಂಡಿತವಾಗಿಯೂ ನಿಮ್ಮ ಫೋನ್ ಬ್ಯಾಟರಿ ಬಾಳಿಕೆಯನ್ನು ಹೆಚ್ಚಿಸುತ್ತವೆ. ಜೊತೆಗೆ, ವೈಬ್ರೇಷನ್ ಆಫ್ ಮಾಡುವುದು, ಬ್ಲೂಟೂತ್, ವೈಫೈ ಸಂಪರ್ಕಗಳನ್ನು ಆಫ್ ಕ್ಯಾಮೆರಾ ಬಳಸುವಾಗಅನಗತ್ಯ ಫ್ಲ್ಯಾಶ್ ಲೈಟ್ ಆನ್ ಆಗದಂತೆ ನೋಡಿಕೊಳ್ಳುವುದು ಮತ್ತು ಮೊಬೈಲ್ ಫೋನನ್ನು ರೀಸ್ಟಾರ್ಟ್ ಮಾಡುವುದು ಬ್ಯಾಟರಿ ಬಾಳಿಕೆಯನ್ನು ಹೆಚ್ಚಿಸುತ್ತದೆ.




ಇಂದಿನ ಸ್ಮಾರ್ಟ್‌ಫೋನ್ ಬಳಕೆದಾರರು ಹೆಚ್ಚು ಕೇಳುವ ಪ್ರಶ್ನೆ ಎಂದರೆ, ಯಾವುದೇ ಸ್ಮಾರ್ಟ್‌ಫೋನ್ ಖರೀದಿಸಿದರೂ ಬ್ಯಾಟರಿ ಬಾಳಿಕೆ ಸಾಕಾಗುತ್ತಿಲ್ಲ. ನಾವು ಖರೀದಿಸಿದ ಫೋನಿನಲ್ಲಿ ಮೊಬೈಲ್ ಕಂಪನಿಗಳು ಎಷ್ಟೇ ಬ್ಯಾಟರಿ ಸಾಮರ್ಥ್ಯವಿದೆ ಅಂತ ಹೇಳಿಕೊಂಡರೂ ಸಹ, ಅದರಲ್ಲಿ ಚಾರ್ಜ್ ಇರುವುದು ಅಬ್ಬಬ್ಬಾ ಅಂದ್ರೆ 24 ಗಂಟೆ ಮಾತ್ರ. ಯಾಕೆ ಹೀಗೆ.?

ಹೌದು, ಯಾಕೆ ಹೀಗೆ?, ಮೊದಲೆಲ್ಲಾ 2000Amh ಬ್ಯಾಟರಿ ಶಕ್ತಿ ಹೊಂದಿರುವ ಸ್ಮಾರ್ಟ್‌ಪೋನ್ ಖರೀದಿಸಿದ್ದರೂ ಅದರ ಬಾಳಿಕೆ ಈಗಿನಷ್ಟೇ ಇತ್ತು. ಆದರೆ, ಈಗ ಹಾಗಿಲ್ಲ. ನೀವು 5000Amh ಬ್ಯಾಟರಿ ಶಕ್ತಿ ಹೊಂದಿರುವ ಸ್ಮಾರ್ಟ್‌ಫೋನ್ ಖರೀದಿಸಿದರೂ ಬ್ಯಾಟರಿ ಒಂದು ದಿನದ ಮೇಲೆ ನಿಲಲ್ಲ.! ಇದಕ್ಕೆ ಕಾರಣ ಏನು ಎಂದು ಹುಡುಕಿ ಹೊರಟರೇ ಅದಕ್ಕೆ ಕಾರಣಗಳು ಹಲವು.

ಒಂದು ಕಾರಣವೆಂದರೆ, ಇತ್ತೀಚಿನ ನಿಮ್ಮ ಫೋನ್ ಹೆಚ್ಚು ಫೀಚರ್ಸ್ ಹೊತ್ತು ಹೆಚ್ಚು ಕೆಲಸಗಳನ್ನು ಮಾಡುವುದರಿಂದ ನಿಮ್ಮ ಸ್ಮಾರ್ಟ್‌ಫೋನ್ ಹೆಚ್ಚು ಬ್ಯಾಟರಿಯನ್ನು ಉಪಯೋಗಿತ್ತುತ್ತಿದೆ. ಮತ್ತೊಂದು ನೀವು ನಿಮ್ಮ ಬ್ಯಾಟರಿಯನ್ನು ಸರಿಯಾಗಿ ವಿನಿಯೋಗಿಸುತ್ತಿಲ್ಲ. ಹಾಗಾಗಿ, ಇಂದಿನ ಲೇಖನದಲ್ಲಿ ಹೆಚ್ಚು ಬ್ಯಾಟರಿ ಬಾಳಿಕೆ ಬರುವಂತೆ ಮಾಡುವುದು ಹೇಗೆ ಎಂದು ತಿಳಿಯೋಣ.

   
 
ಹೆಲ್ತ್