Back
Home » ಇತ್ತೀಚಿನ
ವಿಶ್ವದ ಮೊಟ್ಟ ಮೊದಲ ಈ ಫ್ಲೆಕ್ಸಿಬಲ್ ಸ್ಮಾರ್ಟ್‌ವಾಚ್‌ಗೆ ಮನಸೋತ ಜಗತ್ತು!
Gizbot | 15th Apr, 2019 09:00 AM
  • ಹೇಗಿದೆ ನುಬಿಯಾ ಅಲ್ಫಾ ಸ್ಮಾರ್ಟ್‌ಫೋನ್ ​ವಾಚ್

    ನುಬಿಯಾ ಅಲ್ಫಾ ಸ್ಮಾರ್ಟ್​ವಾಚ್​ನ ಮತ್ತೊಂದು ವಿಶೇಷತೆ ಎಂದರೆ ಇದರ ಸ್ಕ್ರೀನ್​ ಅನ್ನು ಎಡ-ಬಲ ಮತ್ತು ಕೆಳಕ್ಕೆ ಸ್ಕ್ರಾಲ್ ಮಾಡುವ ಮೂಲಕ ನಿಯಂತ್ರಿಸಿಕೊಳ್ಳಬಹುದು. ಹಾಗೆಯೇ ಟೈಪಿಂಗ್​ಗಾಗಿ T9 ಆಲ್ಫಾನ್ಯೂಮರಿಕ್ ಡಯಲರ್ ಕೂಡ ಇದರಲ್ಲಿ ನೀಡಲಾಗಿದೆ. ಇದರ ವಿನ್ಯಾಸ ಮುಂದಿನ ದಿನಗಳಲ್ಲಿ ಮೊಬೈಲ್​ ಜಗತ್ತಿನಲ್ಲಿ ಹೊಸ ಹವಾ ಸೃಷ್ಟಿಸಲಿದೆ ಎನ್ನಲಾಗುತ್ತಿದೆ.


  • ನುಬಿಯಾ ಅಲ್ಫಾ ಸ್ಮಾರ್ಟ್‌ವಾಚ್ ಡಿಸ್‌ಪ್ಲೇ ಹೇಗಿದೆ?

    ನುಬಿಯಾ ಅಲ್ಫಾ ​ವಾಚ್‌ನಲ್ಲಿ 4 ಇಂಚಿನ ಪ್ಲೆಕ್ಸಿಬಲ್ OLED ಡಿಸ್​ಪ್ಲೇಯನ್ನು ಹೊಂದಿದ್ದು, ಇದರಲ್ಲಿ 960 x 192 ಪಿಕ್ಸೆಲ್​ ರೆಸಲ್ಯೂಷನ್ ನೀಡಲಾಗಿದೆ. ಸ್ಕ್ರೀನ್​ ಅನ್ನು ಎಡ-ಬಲ ಮತ್ತು ಕೆಳಕ್ಕೆ ಸ್ಕ್ರಾಲ್ ಮಾಡುವ ಮೂಲಕ ನಿಯಂತ್ರಿಸಿಕೊಳ್ಳಬಹುದು. ಅಷ್ಟೇ ಅಲ್ಲದೆ ಕ್ಯಾಮೆರಾಗಳನ್ನು ಈ ವಾಚ್​ ಹೊಂದಿದ್ದು, 6MP ಕ್ಯಾಮೆರಾ 82 ಡಿಗ್ರಿ ವೈಡ್ ಆಂಗಲ್ ಸೆನ್ಸರ್​ನಲ್ಲಿ ಬಳಸಬಹುದಾಗಿದೆ.


  • ನುಬಿಯಾ ಅಲ್ಫಾ ​ವಾಚ್ ಪ್ರೊಸೆಸರ್ ಮತ್ತು RAM

    ನುಬಿಯಾ ಅಲ್ಫಾ ​ವಾಚ್ ಅಡ್ರಿನೋ 304 ಜಿಪಿಯುನ 28nm ಸ್ನ್ಯಾಪ್​ಡ್ರಾಗನ್ ವೇರ್ 2100 ಪ್ರೊಸೆಸರ್​ನಿಂದ ಕಾರ್ಯನಿರ್ವಹಿಸುತ್ತದೆ. ಈ ಸ್ಮಾರ್ಟ್​ವಾಚ್​ನಲ್ಲಿ 1GB RAM ಮತ್ತು 8GB ಆಂತರಿಕ ಸಂಗ್ರಹವಿದೆ. ಆಂಡ್ರಾಯ್ಡ್​ ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯ ನಿರ್ವಹಿಸಲಿರುವ ಈ ವಾಚ್, ಇತ್ತೀಚಿನ ಆಂಡ್ರಾಯ್ಡ್ ಅಪ್‌ಡೇಟ್ ಅನ್ನು ಹೊಂದಿದೆ ಎಂದು ತಿಳಿದುಬಂದಿದೆ.


  • ಇತರೆ ಏನೆಲ್ಲಾ ಫೀಚರ್ಸ್ ಹೊಂದಿದೆ ನುಬಿಯಾ ಅಲ್ಫಾ?

    ಅಲ್ಫಾ ವಾಚ್​ ಜಲ ನಿರೋಧಕವಾಗಿದ್ದು, ಸಾಮಾನ್ಯ ಸ್ಟ್ಯಾಂಡರ್ಡ್​ ಸ್ಮಾರ್ಟ್​ವಾಚ್​ಗಳಿಗಿಂತ ಶೇ.230 ರಷ್ಟು ರಿಯಲ್ ಎಸ್ಟೇಟ್​ ಸ್ಕ್ರೀನ್ ಕ್ವಾಲಿಟಿ ಹೊಂದಿದೆ. ಇದರಲ್ಲಿ 5000 mAh ಬ್ಯಾಟರಿಯನ್ನು ನೀಡಲಾಗಿದ್ದು, ಒಂದು ಬಾರಿ ಚಾರ್ಜ್​ ಮಾಡಿದ್ರೆ 48 ಗಂಟೆಗಳವರೆಗೆ ಕಾರ್ಯ ನಿರ್ವಹಿಸಲಿದೆ ಎಂದು ಕಂಪೆನಿಯೇ ಹೇಳಿ ಕೊಂಡಿರುವುದು ವಿಶೇಷತೆ ಎಂದು ಹೇಳಬಹುದು.


  • ನುಬಿಯಾ ಅಲ್ಫಾ ಸ್ಮಾರ್ಟ್‌ವಾಚ್ ಬೆಲೆ ಎಷ್ಟು?

    ಚೀನಾದಲ್ಲಿ ನುಬಿಯಾ ಅಲ್ಫಾ ಸ್ಮಾರ್ಟ್‌ವಾಚ್ ಎರಡು ಮಾಡೆಲ್​ಗಳಲ್ಲಿ ಬಿಡುಗಡೆಯಾಗಿದ್ದು, ಇದರ ಬೆಲೆ ಕ್ರಮವಾಗಿ 3,499 ಹಾಗೂ 4,499 ಸಿಎನ್​ವೈಗಳಾಗಿವೆ. ಅಂದರೆ, ಭಾರತದಲ್ಲಿ ಈ ಫ್ಲೆಕ್ಸಿಬಲ್ ಸ್ಮಾರ್ಟ್​ವಾಚ್ ಬೆಲೆ 35 ಸಾವಿರದಿಂದ 45 ಸಾವಿರದೊಳಗೆ ಇರಲಿದೆ ಎಂದು ಹೇಳಬಹುದು. ಆದರೆ, ಇದು ಭಾರತದಲ್ಲಿ ಖರೀದಿಗೆ ಲಭ್ಯವಾಗುವ ಯಾವುದೇ ಮಾಹಿತಿ ಲಭ್ಯವಿಲ್ಲ.




ಈ ವರ್ಷದ ವರ್ಲ್ಡ್​​ ಮೊಬೈಲ್​ ಕಾಂಗ್ರೆಸ್‌ನಲ್ಲಿ ಗಮನಸೆಳೆದಿದ್ದ ಫ್ಲೆಕ್ಸಿಬಲ್ ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ಕಾಣಿಸಿಕೊಂಡಿದ್ದ ಚೀನಾದ ನುಬಿಯಾ ಸಂಸ್ಥೆಯ ವಿಶ್ವದ ಮೊಟ್ಟ ಮೊದಲ ಫ್ಲೆಕ್ಸಿಬಲ್ ಸ್ಮಾರ್ಟ್​ಫೋನ್ ವಾಚ್ ಮಾರುಕಟ್ಟೆಗೆ ಕಾಲಿಟ್ಟಿದೆ. ವಿಶ್ವದ ಅತಿರಥ ತಂತ್ರಜ್ಞಾನ ಕಂಪೆನಿಗಳ ನಡುವೆ ಗಮನ ಸೆಳೆಯುವಲ್ಲಿ ಚೀನಾದ ನುಬಿಯಾ ಸಂಸ್ಥೆ, ಯುರೋಪ್​ ಹಾಗೂ ಚೀನಾ ಮಾರುಕಟ್ಟೆಯಲ್ಲಿ ನುಬಿಯಾ 'ಅಲ್ಫಾ' ಎಂಬ ಹೆಸರಿನ ಈ ಸ್ಮಾರ್ಟ್​ವಾಚ್ ಅನ್ನು ಮಾರಾಟಕ್ಕೆ ತಂದಿದೆ.

ಹೌದು, ನುಬಿಯಾ 'ಅಲ್ಫಾ' ವಿಶ್ವದ ಮೊದಲ ಫ್ಲೆಕ್ಸಿಬಲ್ ಸ್ಮಾರ್ಟ್​ಫೋನ್ ವಾಚ್ (ಸ್ಮಾರ್ಟ್‌ವಾಚ್) ಆಗಿ ಮಾರುಕಟ್ಟೆಗೆ ಕಾಲಿಟ್ಟಿದ್ದು, ಈ ಸ್ಮಾರ್ಟ್​ಫೋನ್ ವಾಚ್ ಅನ್ನು 10 ಸಾವಿರ ಬಾರಿ ಬೆಂಡ್ ಮಾಡಿ ಪರೀಕ್ಷಿಸಲಾಗಿದೆ ಎಂದು ಕಂಪೆನಿ ತಿಳಿಸಿದೆ. ಇದಲ್ಲದೆ ಅಲ್ಫಾ ವಾಚ್​ ಜಲ ನಿರೋಧಕವಾಗಿದ್ದು, ಸಾಮಾನ್ಯ ಸ್ಟ್ಯಾಂಡರ್ಡ್​ ಸ್ಮಾರ್ಟ್​ವಾಚ್​ಗಳಿಗಿಂತ ಶೇ.230 ರಷ್ಟು ರಿಯಲ್ ಎಸ್ಟೇಟ್​ ಸ್ಕ್ರೀನ್ ಕ್ವಾಲಿಟಿ ಇದಕ್ಕೆ ನೀಡಲಾಗಿದೆ ಎಂದು ನುಬಿಯಾ ಕಂಪೆನಿ ಹೇಳಿಕೊಂಡಿರುವುದು ವಿಶೇಷವಾಗಿದೆ.

ಸ್ಮಾರ್ಟ್‌ಫೋನ್ ತಯಾರಿಕೆಯಲ್ಲೂ ಕೂಡ ಮುಂದಿರುವ ನುಬಿಯಾ ಕಂಪೆನಿ ಭಾರತದಲ್ಲಿ ಹೇಳಿಕೊಳ್ಳುವಂತಹ ಹೆಸರನ್ನೇನು ಮಾಡಲಿಲ್ಲ. ಆದರೆ, ಈ ಫ್ಲೆಕ್ಸಿಬಲ್ ಸ್ಮಾರ್ಟ್​ಫೋನ್ ವಾಚ್ ಮೂಲಕ ಭಾರತ ಸೇರಿದಂತೆ ವಿಶ್ವ ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ತಯಾರಾಗಿದೆ. ಹಾಗಾದರೆ, ವಿಶ್ವದ ಮೊದಲ ಫ್ಲೆಕ್ಸಿಬಲ್ ಸ್ಮಾರ್ಟ್​ಫೋನ್ ವಾಚ್ ಫೀಚರ್ಸ್ ಯಾವುವು?, ಈ ಸ್ಮಾರ್ಟ್‌ಫೋನ್ ವಾಚ್‌ನ ವಿಶೇಷತೆಗಳು ಯಾವುವು ಎಂಬುದನ್ನು ಮುಂದಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.

   
 
ಹೆಲ್ತ್