Back
Home » ಇತ್ತೀಚಿನ
ವಿಕಲಚೇತನ ಮತದಾರರಿಗೆ 'ಓಲಾ'ದಿಂದ ಉಚಿತ ಪ್ರಯಾಣ ಸೇವೆ!
Gizbot | 18th Apr, 2019 12:26 PM

ಕರ್ನಾಟಕದಲ್ಲಿ ಇಂದು (ಏ.18) ಮೊದಲ ಹಂತದ ಲೋಕಸಭಾ ಚುನಾವಣೆ ಶುರುವಾಗಿದ್ದು, ಮತದಾರರು ತಮ್ಮ ಮತ ಚಲಾಯಿಸಲು ಮತಗಟ್ಟೆಗಳತ್ತ ದೌಡಾಯಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ವಿಕಲಚೇತನ ಮತದಾರಿಗಾಗಿ ಓಲಾ ಸಂಸ್ಥೆ ನೆರವಿಗೆ ಮುಂದಾಗಿದ್ದು, ಮತ ಚಲಾಯಿಸಲು ಮತಗಟ್ಟೆಗಳಿಗೆ ಬರುವ ವಿಕಲಚೇತನ ಮತದಾರರಿಗೆ ಉಚಿತ ಪ್ರಯಾಣ ಸೇವೆ ಒದಗಿಸುವ ಕಾರ್ಯಕ್ಕೆ 'ಓಲಾ ಸಂಸ್ಥೆ' ಸಜ್ಜಾಗಿದೆ.

ಹೌದು, ಈ ಭಾರಿ ಮತದಾನದ ಪ್ರಮಾಣವನ್ನು ಹೆಚ್ಚಿಸುವ ಉದ್ದೇಶದಿಂದ ಚುನಾವಣಾಧಿಕಾರಿಗಳ ಸಹಯೋಗದೊಂದಿಗೆ ಓಲಾ ಟ್ಯಾಕ್ಸಿ ಸಂಸ್ಥೆ ಈ ನಿರ್ಧಾರ ಕೈಗೊಂಡಿದೆ. ಈ ವಿಶೇಷ ಉಚಿತ ಸೇವೆಗಾಗಿ ಈಗಾಗಲೇ 270 ಕ್ಯಾಬ್‌ಗಳನ್ನು ಕಂಪನಿಯು ನಿಯೋಜಿಸಲಾಗಿದ್ದು, ಇಂದು ಬೆಂಗಳೂರು, ಮಂಗಳೂರು ಮತ್ತು ಮೈಸೂರಿನಲ್ಲಿ ಓಲಾದ ಈ ಉಚಿತ ಸೇವೆಯು ಲಭ್ಯವಿರಲಿದೆ.

ವಿಕಲಚೇತನರು ಓಲಾ ಸಂಸ್ಥೆ ಹೆಲ್ಪ್​ಲೈನ್ ನಂಬರ್​ 9071464553 ಅಥವಾ 7624915133 ಕರೆ ಮಾಡಿ ಈ ಸೇವೆಯನ್ನು ಪಡೆದುಕೊಳ್ಳಬಹುದಾಗಿದೆ. ಎರಡನೇ ಹಂತದ ಚುನಾವಣೆಯಲ್ಲಿಯೂ ಓಲಾ ಉಚಿತ ಸೇವೆ ಒದಗಿಸಲಿದ್ದು, ಹುಬ್ಬಳ್ಳಿ-ಧಾರವಾಡ, ಕಲಬುರಗಿ, ಬಳ್ಳಾರಿ ಸೇರಿದಂತೆ ಬೆಳಗಾವಿ ಜಿಲ್ಲೆಗಳಲ್ಲಿರುವ ವಿಕಲಚೇತನ ಸಹ ಈ ಉಚಿತ ಸೇವೆಯನ್ನು ಪಡೆದುಕೊಳ್ಳಬಹುದಾಗಿದೆ.

ಪ್ರತಿಯೊಬ್ಬರು ಮತದಾನ ಮಾಡಬೇಕು ಎನ್ನುವ ಉದ್ದೇಶದಿಂದ ಖಾಸಗಿ ವಲಯದ ಕಾರ್ಖಾನೆಗಳು ಮತ್ತು ಕಂಪನಿಗಳಿಗಳು ವೇತನ ಸಹಿತ ರಜೆ ನೀಡಿವೆ. ಹೀಗಾಗಿ ಮತದಾನ ಮಾಡುವುದನ್ನು ಮರೆಯದಿರಿ. ಮತದಾನ ಪ್ರತಿಯೊಬ್ಬರ ಹಕ್ಕು, ಉತ್ತಮ ರಾಷ್ಟ್ರ ನಿರ್ಮಾಣಕ್ಕೆ ಮರೆಯದೇ ಮತ ಚಲಾಯಿಸಬೇಕು ಈ ಮೂಲಕ ಮತದಾನದ ಪ್ರಮಾಣವು ಸಹ ಹೆಚ್ಚಾಗುತ್ತದೆ.

ಓದಿರಿ : ವೋಟರ್‌ ಐಡಿ ಇಲ್ಲದಿದ್ದರೂ ಮತ ಚಲಾಯಿಸಿ!

   
 
ಹೆಲ್ತ್