Back
Home » ಆರೋಗ್ಯ
ಬರೀ ಎರಡೇ ಗಂಟೆಯಲ್ಲಿ ಅಧಿಕ ರಕ್ತದೊತ್ತಡ ಕಡಿಮೆ ಮಾಡುವ ಶಕ್ತಿ ಮಾವಿನ ಹಣ್ಣಿನಲ್ಲಿದೆ
Boldsky | 13th May, 2019 04:03 PM
  • ಹೊಸ ಅಧ್ಯಯನವೊಂದರ ಪ್ರಕಾರ

    ಪ್ರಕಟಗೊಂಡಿರುವಂತಹ ಹೊಸ ಅಧ್ಯಯನವೊಂದರ ಪ್ರಕಾರ ಅಧಿಕ ರಕ್ತದೊತ್ತಡ ಇರುವಂತಹ ವ್ಯಕ್ತಿಗಳು ಎರಡು ಮಾವಿನ ಹಣ್ಣುಗಳನ್ನು ತಿಂದರೆ ಆಗ ಎರಡನೇ ಗಂಟೆಯಲ್ಲಿ ರಕ್ತದೊತ್ತಡ ಕಡಿಮೆ ಆಗುವುದು. ಮಾವಿನ ಹಣ್ಣಿನಲ್ಲಿ ಇರುವಂತಹ ಕೆಲವೊಂದು ಅಂಶಗಳಾಗಿರುವಂತಹ ಮ್ಯಾಂಗಿಫೆರಿನ್, ಕ್ವಾರ್ಸೆಟಿನ್, ಗ್ಯಾಲ್ಲೊಟಾನಿನ್ಸ್ ಮತ್ತು ಗಾಲ್ಲಿಕ್ ಆಮ್ಲವು ಹೃದಯ ಮತ್ತು ಅಪಧಮನಿ ಆರೋಗ್ಯಕ್ಕೆ ತುಂಬಾ ಸಹಕಾರಿ ಆಗುವುದು ಎಂದು ಅಧ್ಯಯನ ಲೇಖಕರು ತಿಳಿಸಿರುವರು.


  • ಕಡಿಮೆ ರಕ್ತದೊತ್ತಡ ಇರುವಂತಹ ವ್ಯಕ್ತಿಗಳಲ್ಲಿ

    ಕಡಿಮೆ ರಕ್ತದೊತ್ತಡ ಇರುವಂತಹ ವ್ಯಕ್ತಿಗಳಲ್ಲಿ ಮಾವಿನ ಹಣ್ಣಿನಲ್ಲಿ ಇರುವಂತಹ ಕೆಲವೊಂದು ಅಂಶಗಳು ರಕ್ತದಲ್ಲಿನ ಸಮತೋಲನ ಕಾಪಾಡುವುದು ಎಂದು ಅಧ್ಯಯನಗಳು ಹೇಳಿವೆ. ಇದರಿಂದಾಗಿ ಮಾವಿನ ಹಣ್ಣನ್ನು ಕಡೆಗಣಿಸ ಬೇಕಾಗಿಯೂ ಇಲ್ಲ. ರಕ್ತದಲ್ಲಿ ಸಮತೋಲನ ಕಾಪಾಡಿಕೊಳ್ಳುವಂತಹ ಅಂಶಗಳು ಮಾತ್ರ ಮಾವಿನ ಹಣ್ಣು ತಿನ್ನಲು ಕಾರಣವಲ್ಲ. ಇದರಲ್ಲಿ ಇರುವಂತಹ ಅಲ್ಪಾ ಕ್ಯಾರೊಟಿನ್, ಬೆಟಾ ಕ್ಯಾರೊಟಿನ್, ಲುಟೇನ್ ಮತ್ತು ಝಿಕ್ಸಾಂಥಿನ್ ಅಂಸಗಳು ಕಣ್ಣು ಮತ್ತು ಅದರ ದೃಷ್ಟಿಯನ್ನು ರಕ್ಷಿಸುವುದು. ಇದರಿಂದ ಮಾವಿನ ಹಣ್ಣು ತಿನ್ನಲು ನಿಮಗೆ ಇನ್ನೊಂದು ಕಾರಣ ಸಿಕ್ಕಿದಂತಾಗಿದೆ.


  • ಸಂಧಿವಾತದಂತಹ ನೋವಿದ್ದರೆ

    ಒಂದು ಮಾವಿನ ಹಣ್ಣಿನಲ್ಲಿ ಸುಮಾರು 77 ಮಿ.ಗ್ರಾಂ. ಒಮೆಗಾ 3 ಕೊಬ್ಬಿನಾಮ್ಲಗಳು ಇವೆ ಮತ್ತು ಇದು ಉರಿಯೂತ ಕಡಿಮೆ ಮಾಡುವುದು ಮತ್ತು ಮೆದುಳು ಮತ್ತು ಪ್ರತಿರೋಧಕ ಆರೋಗ್ಯ ಕಾಪಾಡುವುದು. ಸಂಧಿವಾತದಂತಹ ನೋವಿನ ಸಮಸ್ಯೆಯಿಂದಲೂ ಇದು ನಮ್ಮನ್ನು ರಕ್ಷಣೆ ಮಾಡುವುದು.


  • ಸಂಧಿವಾತದಂತಹ ನೋವಿದ್ದರೆ

    ಮೆಡಿಕಲ್ ಜರ್ನಲ್ ಫ್ರಾಂಟಿಯರ್ಸ್ ಇನ್ ನ್ಯೂಟ್ರಿಷನ್ ನಲ್ಲಿ ಪ್ರಕಟಗೊಂಡಿರುವಂತಹ ಅಧ್ಯಯನ ವರದಿಯ ಪ್ರಕಾರ ಸಂಧಿವಾತದ ನೋವನ್ನು ಕಡಿಮೆ ಮಾಡುವಲ್ಲಿ ಮಾವಿನ ಹಣ್ಣು ತುಂಬಾ ಪ್ರಮುಖ ಪಾತ್ರ ನಿರ್ವಹಿಸುವುದು. ಇದರಲ್ಲಿ ಇರುವಂತಹ ಕೆಲವೊಂದು ಅಂಶಗಳ ಬಗ್ಗೆ ತಿಳಿಯಲು ದೊಡ್ಡ ಮಟ್ಟದ ವಿಜ್ಞಾನ ಕಲಿಯಬೇಕಾಗಿಲ್ಲ. ಯಾಕೆಂದರೆ ಈ ಹಣ್ಣನ್ನು ತಿಂದು ಅದರಲ್ಲಿ ಇರುವಂತಹ ಲಾಭಗಳನ್ನು ಪಡೆಯಬೇಕು. ಇದು ತಾಜಾ, ಶೀತಲೀಕರಿಸಿದ ಮತ್ತು ಒಣ ರೂಪದಲ್ಲಿ ಸಿಗುವ ಕಾರಣದಿಂದಾಗಿ ಇದು ತುಂಬಾ ರುಚಿಕರವಾಗಿರುವುದು.




ಹಣ್ಣುಗಳ ರಾಜ ಮಾವಿನ ಹಣ್ಣು. ಎಲ್ಲರಿಗೂ ಎಲ್ಲಾ ಹಣ್ಣುಗಳು ಇಷ್ಟವಾಗದೇ ಇದ್ದರೂ ಮಾವಿನ ಹಣ್ಣನ್ನು ಇಷ್ಟಪಡದೇ ಇರುವ ವ್ಯಕ್ತಿಗಳು ಇಲ್ಲವೇ ಇಲ್ಲವೆನ್ನಬಹುದು. ಮಾವಿನ ಹಣ್ಣುಗಳಲ್ಲಿ ಎಷ್ಟೋ ತಳಿಗಳಿವೆ. ಎಲ್ಲವೂ ಸಿಹಿಯಾಗಿಯೇ ಇರುತ್ತವೆ ಎಂದು ಹೇಳಲು ಸಾಧ್ಯವಿಲ್ಲ. ಕೆಲವು ಕೊಂಚ ಹೆಚ್ಚೇ ಹುಳಿ ಇರಬಹುದು. ಜಗತ್ತಿನಲ್ಲಿ 63 ತಳಿ ಇವೆಯಂತೆ...! ಆದರೆ ಅಷ್ಟೂ ತಳಿಗಳು ಒಂದೇ ಕಡೆ ಬೆಳೆಯುವ ಊರೆಂದರೆ ನಮ್ಮ ಕರ್ನಾಟಕದ ಶ್ರೀನಿವಾಸಪುರ!

ಮಾವು ಕೊಂಚ ಹುಳಿ ಎಂದಾಕ್ಷಣ ಇದರಲ್ಲಿ ಪೋಷಕಾಂಶಗಳು ಇಲ್ಲವೆಂದಲ್ಲ, ಇದರಲ್ಲಿರುವ ಕೆಲವು ವಿಶಿಷ್ಟ ಪೋಷಕಾಂಶಗಳ ಕಾರಣವಾಗಿಯೇ ಇವು ಕೊಂಚ ಹುಳಿಯಾಗಿವೆ! ಸಿಹಿಯನ್ನು ಆಸ್ವಾದಿಸುವ ಹುಮ್ಮಸ್ಸಿನಲ್ಲಿ ಹೆಚ್ಚಿನವರು ಇದರ ಆರೋಗ್ಯಕರ ಗುಣಗಳನ್ನೇ ಮರೆತುಬಿಡುತ್ತಾರೆ! ಹೌದು ಇದರಲ್ಲಿರುವ ಆರೋಗ್ಯಕಾರಿ ಪ್ರಯೋಜನಗಳ ಬಗ್ಗೆ ಕೇಳಿದರೆ, ದಂಗಾಗಿ ಬಿಡುವಿರಿ! ನಿಮಗೆ ಗೊತ್ತೇ ಬರೀ ಎರಡೇ ಗಂಟೆಯಲ್ಲಿ ರಕ್ತದೊತ್ತಡ ಕಡಿಮೆ ಮಾಡುವ ಪವರ್ ಈ ಮಾವಿನ ಹಣ್ಣಿನಲ್ಲಿದೆಯಂತೆ!.. ಮುಂದೆ ಓದಿ...

   
 
ಹೆಲ್ತ್