Back
Home » Business
പ്രവാസികള്‍ക്കൊരു സന്തോഷവാര്‍ത്ത ; പ്രതിസന്ധികള്‍ക്ക് പരിഹാരമായി നിക്ഷേപ കമ്പനി വരുന്നു
Good Returns | 11th Jul, 2019 01:20 PM

കേരളത്തിലെ പ്രവാസി സമൂഹം നേരിടുന്ന പ്രശ്‌നങ്ങള്‍ക്ക് പരിഹാരം കാണുക എന്ന ലക്ഷ്യത്തില്‍ പ്രവാസി നിക്ഷേപ കമ്പനി (എന്‍ആര്‍കെ ഇന്‍വെസ്റ്റ്‌മെന്റ് ആന്‍ഡ് ഹോള്‍ഡിങ് കമ്പനി ലിമിറ്റഡ്) രൂപീകരിക്കാന്‍ തീരുമാനം. പ്രവാസി മലയാളികളുടെ ഓഹരി പങ്കാളിത്തത്തോടെ കമ്പനി രൂപീകരിക്കാനുളള പദ്ധതിയ്ക്ക് സംസ്ഥാന മന്ത്രിസഭ അനുമതി നല്‍കി.

കമ്പനിയുടെ 74 ശതമാനം ഓഹരി പ്രവാസികള്‍ക്കും 26 ശതമാനം സര്‍ക്കാരിനുമായിരിക്കും. പ്രവാസി നിക്ഷേപ കമ്പനിയ്ക്ക് കീഴില്‍ പ്രത്യേക ഉദ്ദേശ്യ കമ്പനിയോ സബ്‌സിഡിയറി കമ്പനിയോ രൂപീകരിക്കാനും പദ്ധതിയുണ്ട്. നോര്‍ക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസറെ കമ്പനിയുടെ സ്‌പെഷ്യല്‍ ഓഫീസറായി നിയമിക്കും.

വനിതാ ജീവനക്കാരെ ഇരട്ടിയാക്കാനുള്ള പദ്ധതിയുമായി ഫേസ്ബുക്ക്

പ്രവാസിമലയാളികള്‍ നേരിടുന്ന വിവിധ പ്രശ്‌നങ്ങള്‍ക്ക് പരിഹാരം കാണാനാണ് കമ്പനിയിലൂടെ ലക്ഷ്യമിടുന്നത്. എന്‍.ആര്‍.ഐ. ടൗണ്‍ഷിപ്പ്, പശ്ചാത്തലസൗകര്യ വികസനം തുടങ്ങിയ മേഖലകളില്‍ വിവിധ പദ്ധതികള്‍ നടപ്പാക്കാനും കമ്പനിയിലൂടെ ലക്ഷ്യമിടുന്നുണ്ട്. ലോക കേരളസഭയുടെ സ്റ്റാന്‍ഡിങ് കമ്മറ്റി ശുപാര്‍ശകളില്‍ പ്രധാനപ്പെട്ട ഒന്നായിരുന്നു പ്രവാസി നിക്ഷേപ കമ്പനി രൂപീകരണം. പ്രവാസികളുടെ നിക്ഷേപ പദ്ധതികള്‍ക്ക് ഏകജാലകസംവിധാനം നടപ്പാക്കാനാണ് സര്‍ക്കാര്‍ ഉദ്ദേശം. നവകേരള നിര്‍മ്മാണത്തിന്റെ ഭാഗമായുളള വിവിധ പദ്ധതികള്‍ക്കും പുതിയ കമ്പനി മുന്‍ഗണന നല്‍കും.