Back
Home » ಇತ್ತೀಚಿನ
ಗೂಗಲ್‌ಗೆ ಸೆಡ್ಡು!..ಹುವಾವೇಯ ಸ್ವಂತ ಓಎಸ್ ಆಂಡ್ರಾಯ್ಡ್‌ಗಿಂತ 60% ವೇಗವಾಗಿದೆ!
Gizbot | 12th Jul, 2019 01:00 PM

ಅಮೆರಿಕಾದ ನಿಷೇಧದ ನಂತರ, ಚೀನೀ ದೈತ್ಯ ಕಂಪನಿ ಹುವಾವೇ ಆಂಡ್ರಾಯ್ಡ್ ಓಎಸ್‌ಗೆ ಪರ್ಯಾಯವನ್ನು ನಿರ್ಮಿಸಲು ಕೆಲಸ ಮಾಡುತ್ತಿದೆ ಎಂದು ವರದಿಯಾಗಿತ್ತು. ಇದೀಗ ಬಂದಿರವ ವಿಶೇಷ ಸುದ್ದಿ ಏನೆಂದರೆ, ಹುವಾವೇಯ ಸ್ವಂತ ಓಎಸ್ ಆಂಡ್ರಾಯ್ಡ್‌ಗಿಂತ 60%ವೇಗವಾಗಿದೆ. ಇದು ಶೀಘ್ರದಲ್ಲೇ ಬಿಡುಗಡೆಗೂ ಸಿದ್ದವಾಗಿದೆ ಎಂದು ಅಲ್ಲಿನ ಮಾಧ್ಯಮ ವರದಿಗಳು ತಿಳಿಸಿವೆ.

ಹೌದು, ಹುವಾವೇ ಕಂಪನಿಯು ತನ್ನದೇ ಆದ ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಹೊಸ ಓಎಸ್ 'ಹಾಂಗ್‌ಮೆಂಗ್ ಓಎಸ್' ಅನ್ನು ಅಭಿವೃದ್ಧಿಪಡಿಸಿದೆ. ಈ 'ಹಾಂಗ್‌ಮೆಂಗ್ ಓಎಸ್ ಆಂಡ್ರಾಯ್ಡ್‌ಗಿಂತ 60% ವೇಗವಾಗಿದ್ದು, ಸ್ಮಾರ್ಟ್‌ಪೋನ್ ಮಾರುಕಟ್ಟೆಯಲ್ಲಿ ಆಂಡ್ರಾಯ್ಡ್‌ನ ಸಂಪೂರ್ಣ ಪ್ರಾಬಲ್ಯವವನ್ನು ತಡೆಯಲಿದೆ ಎಂದು ಕೆಲವು ವರದಿಗಳು ಸೂಚಿಸುತ್ತಿವೆ.

ಅಮೆರಿಕಾದ ಟ್ರಂಪ್ ಆಡಳಿತವು ಚೀನಾದ ದೈತ್ಯ ಹುವಾವೇಯನ್ನು ಅಪಾಯಕಾರಿ ಘಟಕದ ಪಟ್ಟಿಗೆ ಸೇರಿಸಿದಾಗ ಹುವಾವೇಯ ಸ್ವಂತ ಓಎಸ್ ಅಭಿವೃದ್ಧಿ ಪ್ರಾರಂಭವಾಯಿತು. ಇದೀಗ, ಹುವಾವೇ ತನ್ನ ಓಎಸ್ ಅನ್ನು ಟೆಕ್ ದೈತ್ಯ ಕಂಪನಿಗಳಾದ ವಿವೊ, ಒಪ್ಪೊ, ಟೆನ್ಸೆಂಟ್‌ನೊಂದಿಗೆ ಪರೀಕ್ಷಿಸುತ್ತಿದೆ ಮತ್ತು ಮುಂದಿನ ಕೆಲವು ತಿಂಗಳುಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ, ಹುವಾವೇ ಸಿಇಒ ರೆನ್ ಝೆಂಗ್ ಫೈ ತಮ್ಮ ಹಾಂಗ್‌ಮೆಂಗ್ ಓಎಸ್ ಆಂಡ್ರಾಯ್ಡ್ ಮತ್ತು ಮ್ಯಾಕ್ ಓಎಸ್ಗಿಂತ ಹೆಚ್ಚು ವೇಗವಾಗಿರುತ್ತದೆ ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲದೇ, ಹಾಂಗ್‌ಮೆಂಗ್ ಓಎಸ್ ಸ್ಮಾರ್ಟ್‌ಫೋನ್‌ಗಳಿಗೆ ಸಾಂಪ್ರದಾಯಿಕ ಆಪರೇಟಿಂಗ್ ಸಿಸ್ಟಮ್ ಅಲ್ಲ ಎಂದು ಅವರು ಹೇಳಿರುವುದು ಆಂಡ್ರಾಯ್ಡ್ ಪ್ರಾಬಲ್ಯಕ್ಕೆ ಧಕ್ಕೆ ತರಬಹುದಾಗಿದೆ.

'ರಿಯಲ್‌ಮಿ ಎಕ್ಸ್' ಖರೀದಿಗೆ 'ಬ್ಲೈಂಡ್ ಆರ್ಡರ್' ಬುಕ್ಕಿಂಗ್ ಆರಂಭ!

ಈ ಬಗ್ಗೆ ಹಲವು ವರದಿಗಳು ಅಭಿಪ್ರಾಯಪಟ್ಟಿದ್ದು, ಗಿಜ್‌ಮೋಚಿನಾದ ವರದಿ ಪ್ರಕಾರ, ಹುವಾವೇಯ ಸ್ವದೇಶಿ ಆಪರೇಟಿಂಗ್ ಸಿಸ್ಟಮ್ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಆಂಡ್ರಾಯ್ಡ್ ಸಂಪೂರ್ಣ ಪ್ರಾಬಲ್ಯವನ್ನು ಹಾಳು ಮಾಡುತ್ತದೆ ಎಂದಿದೆ. ಆದರೆ, 'ಹಾಂಗ್‌ಮೆಂಗ್ ಓಎಸ್' ಇನ್ನೂ ಗೂಗಲ್ ಪ್ಲೇ ಸ್ಟೋರ್ ಪರ್ಯಾಯವನ್ನು ಹೊಂದಿಲ್ಲ ಎಂಬುದನ್ನು ಸಹ ಪಟ್ಟಿ ಮಾಡಿದೆ.

ಫ್ಲಿಪ್‍ಕಾರ್ಟ್‌ನಿಂದ ಕೋ-ಬ್ರ್ಯಾಂಡೆಡ್ ಕ್ರೆಡಿಟ್ ಕಾರ್ಡ್ ಬಿಡುಗಡೆ!

   
 
ಹೆಲ್ತ್