Back
Home » Business
ജൂവലറികളിൽ സ്വർണം വിൽക്കാൽ തിരക്ക്; സ്വർണത്തിന് എക്കാലത്തെയും ഉയർന്ന വില
Good Returns | 10th Aug, 2019 04:16 PM
  • വർഷം തോറും വർദ്ധനവ്

    കഴിഞ്ഞ ഒരു വർഷത്തിനിടെ 20 ശതമാനത്തിലേറെ വർധനയാണ് സ്വർണ്ണവിലയിൽ ഉണ്ടായിരിക്കുന്നത്. നാലു വര്‍ഷം കൊണ്ട് പവന് 7,480 രൂപയാണ് കൂടിയത്. 2015 ഓഗസ്റ്റില്‍ വില 18,720 രൂപയിലേയ്ക്ക് കുറഞ്ഞിരുന്നു. കഴിഞ്ഞ ഫെബ്രുവരിയിലാണ് സ്വര്‍ണവില ആദ്യമായി 25,000 രൂപ കടന്നത്. അതിന് ശേഷം കൂടിയും കുറഞ്ഞും നിന്ന വില മേയ് അവസാന വാരം മുതല്‍ ഉയരുകയായിരുന്നു.


  • സ്വർണ വില കൂടാൻ കാരണം

    അമേരിക്കയും ചൈനയും തമ്മിലുള്ള വ്യാപാര തര്‍ക്കം മൂര്‍ച്ഛിച്ചതും സാമ്പത്തിക മാന്ദ്യത്തിന്റെ ലക്ഷണങ്ങള്‍ വിപണിയില്‍ പ്രകടമായിതുടങ്ങിയതുമാണ് സ്വര്‍ണവിപണിയുടെ കുതിപ്പിനുപിന്നില്‍. അന്താരാഷ്ട്ര വിപണിയില്‍ സ്വര്‍ണവില ഉയരുന്നതും ഡോളറിനെതിരെ രൂപയുടെ മൂല്യത്തില്‍ ഇടിവുണ്ടാകുന്നതുമാണ് ആഭ്യന്തര വിപണിയില്‍ വിലവര്‍ധനയ്ക്ക് കാരണം.

    സ്വര്‍ണം അല്ലെങ്കില്‍ ഫിക്സഡ് ഡെപ്പോസിറ്റ് ഇതില്‍ ഏതാണ് നിങ്ങള്‍ക്ക് മികച്ച നിക്ഷേപം?


  • കേരളത്തിലെ വില

    കേരളത്തിൽ ഓണം, വിവാഹ സീസണുകൾ അടുത്തിരിക്കുന്നതിനാൽ വില വീണ്ടും കൂടാനും സാധ്യതയുണ്ട്. വില ഇങ്ങനെ തുടര്‍ന്നാല്‍ സ്വര്‍ണവില അടുത്തകാലത്ത് തന്നെ 28,000 ത്തിന് മുകളില്‍ എത്തിയേക്കുമെന്ന് വ്യാപാരികള്‍ പറയുന്നു. സ്വര്‍ണ്ണ വില കുതിച്ചുയരുന്നതിനാല്‍ ജ്വല്ലറികളില്‍ വില്‍പ്പനയിലും ഇടിവുണ്ടായിട്ടുണ്ട്. എന്നാൽ വില കൂടുമ്പോൾ സ്വർണം വിൽക്കുന്നവരുടെ എണ്ണത്തിൽ വർദ്ധനവുണ്ടായിട്ടുണ്ടെന്നാണ് വിവരം.

    നിങ്ങൾ അറിഞ്ഞോ? കൈയിലുള്ള സ്വർണം വിൽക്കാൻ ആളുകൾ ഉടൻ ജൂവലറികളിലേയ്ക്ക് ഓടും


  • സ്വർണം വിൽക്കുന്നവർ

    കഴിഞ്ഞ മാസം മുതൽ സ്വർണാഭരണങ്ങൾ വിൽക്കുന്നവരുടെ എണ്ണത്തിൽ 10 മുതൽ 15 ശതമാനം വരെ വാർഷിക വർദ്ധനവുണ്ടായിട്ടുണ്ടെന്ന് റിപ്പോർട്ട് പുറത്തു വന്നിരുന്നു. സ്വർണ വില കുതിച്ചുയർന്നതോടെ കൈയിലുള്ള ആഭരണങ്ങളെ കാശാക്കി മാറ്റുന്നവരുടെ എണ്ണത്തിൽ വർദ്ധനവുണ്ടെന്നാണ് വിവരം. ഇത്തവണത്തെ കേന്ദ്ര ബജറ്റിൽ സ്വർണത്തിന്റെ ഇറക്കുമതി തീരുവ വർദ്ധിപ്പിച്ചതും സ്വർണ വില കൂടാൻ കാരണമായി. നേരത്തെ 10 ശതമാനമായിരുന്ന ഇറക്കുമതി തീരുവ ഇപ്പോൾ 12.5 ശതമാനമായാണ് ഉയർത്തിയത്.

    സ്വര്‍ണ വില കുതിക്കുന്നു; ഇങ്ങനെ പോയാല്‍ എങ്ങനെ സ്വര്‍ണം വാങ്ങും?




ആഗോളതലത്തിലെ വില വർദ്ധനവിന്റെ ചുവട് പിടിച്ച് സംസ്ഥാനത്തും സ്വര്‍ണത്തിന് റെക്കോർഡ് വില. സംസ്ഥാനത്ത് പവന് 27,480 രൂപയും ഗ്രാമിന് 3,435 രൂപയുമാണ് ഇന്നത്തെ വില. ഏതാണ്ട് ഒരു മാസത്തിനിടെ 1360 രൂപയുടെ വര്‍ദ്ധനവാണ് ഒരു പവന് ഉണ്ടായിരിക്കുന്നത്. സ്വര്‍ണത്തിന് ചരിത്രത്തിലെ ഏറ്റവും ഉയര്‍ന്ന നിരക്കാണ് ഇന്നലെ മുതൽ രേഖപ്പെടുത്തിയിരിക്കുന്നത്.

malayalam.goodreturns.in