Back
Home » Business
റിലയന്‍സ് എന്‍പിഎസിലെ ഫണ്ട് മാനേജര്‍ സ്ഥാനത്തുനിന്ന് പിന്മാറി
Good Returns | 11th Aug, 2019 09:07 AM

മുംബൈ: റിലയന്‍സ് ക്യാപിറ്റല്‍ ഫണ്ട് ലിമിറ്റഡ് എന്‍പിഎസിലെ പെന്‍ഷന്‍ ഫണ്ട് മാനേജര്‍ സ്ഥാനത്തുനിന്ന് പിന്മാറി. ഓഗസ്റ്റ് 10 മുതല്‍ ഇത് പ്രാബല്യത്തില്‍ വന്നിരിക്കുകയാണ്. റിലയന്‍സ് ക്യാപിറ്റലിനെ ഫണ്ട് മാനേജരാക്കിയിട്ടുള്ളവരെ എല്‍ഐസി പെന്‍ഷന്‍ ഫണ്ടിലേയ്ക്ക് മാറ്റിയിട്ടുണ്ട്. പകരം ഫണ്ട് മാനേജരെ നിര്‍ദേശിക്കാത്തവരെയാണ് എല്‍ഐസിയിലേയ്ക്ക് മാറ്റിയിട്ടുള്ളത്.

പച്ചക്കറികള്‍ക്ക് തീവില; മഴ കടുത്തതോടെ 40 ശതമാനം വരെ വിലവര്‍ധന

റിലയന്‍സ് പെന്‍ഷന്‍ ഫണ്ട് 2009 മെയ് 21നാണ് നിലവില്‍വന്നത്.നേരിട്ടുള്ള വിദേശ നിക്ഷേപ പരിധിയായ 49ശതമാനത്തേക്കാള്‍ അധികമായതാണ് റിലയന്‍സ് പിന്മാറാന്‍ കാരണം.റിലയന്‍സ് കഴിഞ്ഞാല്‍ ഏഴ് പെന്‍ഷന്‍ ഫണ്ടുമാനേജര്‍മാരാണ് നിലവിലുണ്ടാകുക. അതില്‍ തന്നെ പ്രകടനത്തില്‍ മുന്നില്‍ നില്‍ക്കുന്നത് എച്ച്ഡിഎഫ്സി പെന്‍ഷന്‍ ഫണ്ടാണ്. പെന്‍ഷന്‍ ഫണ്ടില്‍ വരിക്കാരായവര്‍ക്ക് വര്‍ഷത്തിലൊരിക്കല്‍ ഫണ്ട് മാനേജരെ മാറ്റാന്‍ അനുവാദമുണ്ട്. എക്സിറ്റ് ലോഡോ ഏതെങ്കിലും നികുതിയോ ഇതിന് ബാധകമാല്ല.

കഴിഞ്ഞ ബജറ്റില്‍, കാലാവധി പൂര്‍ത്തിയാക്കുമ്പോള്‍ പിന്‍വലിക്കാവുന്ന 60 ശതമാനം തുകയക്കും നികുതിയിളവ് പ്രഖ്യാപിച്ചിരുന്നു. നേരത്തെ പിന്‍വലിക്കാന്‍ കഴിയുന്ന തുകയായ 60 ശതമാനത്തില്‍ 40 ശതമാനുമാത്രമായിരുന്നു ആദായ നികുതിയിളവുണ്ടായിരുന്നത്.60 ശതമാനത്തിനുബാക്കിയുള്ള 40 ശതമാനംതുക നിര്‍ബന്ധമായും ആന്വിറ്റി പ്ലാനില്‍ നിക്ഷേപിക്കേണ്ടതുണ്ട്. ഈ തുകഉപയോഗിച്ചാണ് ഇന്‍ഷുറന്‍സ് കമ്പനികള്‍ പെന്‍ഷന്‍ നല്‍കുക.

പോര്‍ട്ട്ഫോളിയോ വരിക്കാര്‍ക്ക് അവരുടെ പോര്‍ട്ട്ഫോളിയോയ്ക്കായി പുതിയ പെന്‍ഷന്‍ ഫണ്ട് മാനേജരെ തിരഞ്ഞെടുക്കുന്നതിന് ഒരു മാസത്തെ സമയം നല്‍കും, അല്ലാത്തപക്ഷം എല്‍ഐസി പെന്‍ഷന്‍ ഫണ്ട് അവരുടെ ഫണ്ട് മാനേജരായി തുടരും.

എസ്ബിഐ പെന്‍ഷന്‍ ഫണ്ടുകള്‍, യുടിഐ റിട്ടയര്‍മെന്റ് സൊല്യൂഷന്‍സ്, ഐസിഐസിഐ പ്രുഡന്‍ഷ്യല്‍ പെന്‍ഷന്‍ ഫണ്ട് മാനേജ്‌മെന്റ്, കൊട്ടക് മഹീന്ദ്ര പെന്‍ഷന്‍ ഫണ്ട്, എച്ച്ഡിഎഫ്‌സി പെന്‍ഷന്‍ മാനേജ്‌മെന്റ്, ആദിത്യ ബിര്‍ള സണ്‍ ലൈഫ് പെന്‍ഷന്‍ മാനേജ്‌മെന്റ്, എല്‍ഐസി പെന്‍ഷന്‍ ഫണ്ട് എന്നിവയില്‍ നിന്ന് വരിക്കാര്‍ക്ക് തിരഞ്ഞെടുക്കാം.