Back
Home » Business
ബാങ്ക് മേധാവികളില്‍ കൂടുതല്‍ ശമ്പളം വാങ്ങി എച്ച്ഡിഎഫ്‌സി മാനേജിങ് ഡയറക്ടര്‍
Good Returns | 13th Aug, 2019 01:19 PM
  • പട്ടികയിൽ മുന്നിൽ ഇവർ

    ആക്‌സിസ് ബാങ്ക് സിഇഒ, അമിതാഭ് ചൗധരിയാണ് അദിത്യ പുരിക്ക് പിന്നില്‍. 30 ലക്ഷം രൂപയാണ് അടിസ്ഥാന ശമ്പളമായി ഇദ്ദേഹം പ്രതിമാസം കൈപ്പറ്റുന്നത്. രാജ്യത്തെ ഏറ്റവും വലിയ മൂന്നാമത്തെ സ്വകാര്യ ബാങ്കാണ് ആക്‌സിസ് ബാങ്ക്. കൊഡാക്ക് മഹീന്ദ്ര ബാങ്ക് മേധാവി ഉദയ് കൊഡാക്ക്, പട്ടികയില്‍ മുന്നാമനാണ്. 27 ലക്ഷം രൂപയുണ്ട് ഇദ്ദേഹത്തിന്റെ അടിസ്ഥാന ശമ്പളം.


  • പട്ടികയിൽ ചന്ത കൊച്ചാറും

    വാര്‍ഷിക കണക്കുകള്‍ അടിസ്ഥാനപ്പെടുത്തുന്നതിനാല്‍ മുന്‍ ഐസിഐസിഐ ബാങ്ക് മേധാവി ചന്ത കൊച്ചാറിനെ പട്ടികയില്‍ നാലാമത് കാണാം. വിരമിക്കും വരെ 26 ലക്ഷം രൂപയായിരുന്നു ഇവരുടെ ശമ്പളം. ചന്ത കൊച്ചാറിന് പിന്‍ഗാമിയായി എത്തിയ സന്തീപ് ബക്ഷിക്ക് 22 ലക്ഷം രൂപ പ്രതിമാസം ശമ്പളമുണ്ട്. പട്ടികയില്‍ അഞ്ചാമനാണ് ബക്ഷി.


  • പിൻഗാമി ബക്ഷി

    ഒക്ടോബറില്‍ ബാങ്കിന്റെ സിഇഒ പദവിയിലേറിയ ബക്ഷി, ജൂണില്‍ കൊച്ചാര്‍ സ്ഥാനമൊഴിഞ്ഞതോടെ ചീഫ് ഓപ്പറേറ്റിങ് ഓഫീസറായി ചുമതലയേറ്റു. ഇന്‍ഡസ്ഇന്‍ഡ് ബാങ്ക് മേധാവി റോമേഷ് സോബ്തിയാണ് 16 ലക്ഷം രൂപ അടിസ്ഥാന ശമ്പളം വാങ്ങി പട്ടികയില്‍ ആറാമത്.

    കര്‍ഷകര്‍ക്ക് സന്തോഷ വാര്‍ത്ത; പ്രധാന്‍ മന്ത്രി ഫസല്‍ ഭീമാ യോജന വഴി വിളകള്‍ക്ക് ഇന്‍ഷുറന്‍സ് സ്‌കീം ഉടന്‍ ലഭ്യമാവും


  • നിയന്ത്രണങ്ങളുണ്ട്

    അടുത്തകാലം മുതലാണ് ലാഭ-നഷ്ട കണക്കുകള്‍ക്കും, കിട്ടാകടങ്ങള്‍ക്കുമൊപ്പം ബാങ്ക് മേധാവിമാരുടെ ശമ്പളം ചര്‍ച്ച ചെയ്യപ്പെടാന്‍ തുടങ്ങിയത്. മുന്‍ റിസര്‍വ് ബാങ്ക് ഗവര്‍ണര്‍ ഉര്‍ജിത് പട്ടേലിന് കീഴില്‍ ബാങ്ക് മേധാവിമാരുടെ ശമ്പളത്തില്‍ കടുത്ത നിയന്ത്രണങ്ങളുണ്ടായിരുന്നു. പലപ്പോഴും സിഇഒ തലത്തിലുള്ള ബോണസുകള്‍ റിസര്‍വ് ബാങ്ക് പിടിച്ചുവെച്ചിരുന്നു. അടിസ്ഥാന ശമ്പളത്തിന് പുറമെ ബോണസായും ഓഹരിയായും നല്ലൊരു വിഹിതം മേധാവിമാര്‍ക്ക് ബാങ്കുകള്‍ നല്‍കാറുണ്ട്.




മുംബൈ: രാജ്യത്തെ ബാങ്ക് മേധാവികളില്‍ ഏറ്റവും കൂടുതല്‍ ശമ്പളം എച്ച്ഡിഎഫ്‌സി ബാങ്ക് മാനേജിങ് ഡയറക്ടര്‍, അദിത്യ പുരിക്ക്. ഈ സാമ്പത്തിക വര്‍ഷം ത്രൈമാസപാദം 89 ലക്ഷം രൂപയാണ് അടിസ്ഥാന ശമ്പളമായി ഇദ്ദേഹം വാങ്ങിയത്. രാജ്യത്തെ ഏറ്റവും വലിയ സ്വകാര്യ ബാങ്കായി എച്ച്ഡിഎഫ്‌സി ബാങ്കിനെ ഉയര്‍ത്തിയതില്‍ അദിത്യ പുരിക്ക് നിര്‍ണായക പങ്കുണ്ട്. 25 വര്‍ഷം മുന്‍പാണ് എച്ച്ഡിഎഫ്‌സി ബാങ്ക് ഇന്ത്യയില്‍ പ്രവര്‍ത്തനം ആരംഭിച്ചത്.