Back
Home » ഏറ്റവും പുതിയ
డెలిట్ చేయబడిన వాట్సాప్ చాట్‌లను తిరిగి పొందడం ఎలా?
Gizbot | 13th Aug, 2019 02:05 PM
  • బ్యాకప్‌ను ఎంచుకోవడం:

    చాట్ బ్యాకప్‌ను ఆన్ చేయడానికి వాట్సాప్ ను ఓపెన్ చేయండి.సెట్టింగ్‌లకు వెళ్లండి> చాట్‌లకు వెళ్లండి> చాట్ బ్యాకప్‌ను నొక్కండి. ఇక్కడ మీరు మీ చాట్ బ్యాకప్ యొక్క ఫ్రీక్వెన్సీని రోజువారీ, ఒక వారం, లేదా నెలవారీ విధంగా సెట్ చేయవచ్చు. లేకపోతే మీరు మాన్యువల్ గా కూడా బ్యాకప్ చేయవచ్చు. అదనంగా మీరు ఆండ్రాయిడ్ స్మార్ట్‌ఫోన్‌ను ఉపయోగిస్తే బ్యాకప్ ను స్టోర్ చేయడానికి Google ఖాతాను మీరు ఎంచుకోవాలి.

    ఒకవేళ మీరు ఐఫోన్ ను వినియోగిస్తున్నట్లు అయితే వాట్సాప్ ను ఓపెన్ చేయండి> చాట్స్ విభాగానికి వెళ్ళండి> చాట్ బ్యాకప్‌లోని సెట్టింగులను ఓపెన్ చేయండి. ఇక్కడ వున్న ఆటో బ్యాకప్ ఫ్రీక్వెన్సీని మీరు ఎంచుకోవచ్చు లేదా ఐక్లౌడ్‌కు బ్యాకప్‌ను మాన్యువల్‌గా ప్రారంభించడానికి బ్యాకప్ అప్ నౌని ఉపయోగించవచ్చు.


  • క్లౌడ్ బ్యాకప్ ద్వారా తొలగించబడిన వాట్సాప్ చాట్‌లను తిరిగి పొందడం:

    మీరు అనుకోకుండా చాట్‌లను తొలగించినట్లయితే మీ క్లౌడ్ బ్యాకప్‌లో చాట్ మెసేజ్ ఉండే అవకాశం ఉంది. మీ గూగుల్ డ్రైవ్ లేదా ఐక్లౌడ్ బ్యాకప్ అర్ధరాత్రి జరిగిందని మరియు ఉదయం మీరు అనుకోకుండా చాట్‌ను తొలగించారని అనుకుందాం. క్లౌడ్ బ్యాకప్‌లో ఇప్పటికీ చాట్ ఖచ్చితంగా ఉండి ఉంటుంది. మీరు దాన్ని తిరిగి ఎలా పొందాలో తెలుసుకోవడానికి కింద వున్న పద్ధతులు పాటించండి..

    1. మీ ఆండ్రాయిడ్ స్మార్ట్‌ఫోన్ లేదా ఐఫోన్ నుండి వాట్సాప్‌ను అన్‌ఇన్‌స్టాల్ చేయండి.

    2. వాట్సాప్‌ను మళ్లీ ఇన్‌స్టాల్ చేసి మీ ఫోన్ నంబర్‌తో లాగిన్ చేయండి.

    3. యాప్ సెటప్ చేసిన తర్వాత క్లౌడ్ బ్యాకప్ నుండి మెసేజ్ లను తిరిగి పొందమని అడుగుతుంది. ఈ బ్యాకప్ ఆండ్రాయిడ్ లోని గూగుల్ డిస్క్ మరియు iOS లో iCloud నుండి ఉంటుంది. రిస్టోర్ బటన్ ను నొక్కండి.

    4. ఇది మీరు అనుకోకుండా తొలగించిన సందేశాలను తిరిగి రిస్టోర్ చేయబడతాయి. క్లౌడ్ బ్యాకప్ తర్వాత మీకు మెసేజ్ వచ్చి దాన్ని కూడా మీరు తొలగించినట్లయితే దాన్ని తిరిగి పొందడానికి మాత్రం మార్గం లేదు.


  • ఆండ్రాయిడ్ యొక్క స్థానిక బ్యాకప్ ద్వారా తొలగించబడిన వాట్సాప్ చాట్‌లను రిస్టోర్ చేయడం:

    డెలిట్ చేయబడిన వాట్సాప్ చాట్‌లను రిస్టోర్ చేయడానికి ప్రయత్నించే మరో మార్గం మీ ఆండ్రాయిడ్ ఫోన్‌లోని స్థానిక బ్యాకప్‌ల నుండి తిరిగి పొందడం. ఈ పద్ధతి iOS లో పనిచేయదు. మీ గూగుల్ డ్రైవ్ బ్యాకప్ తొలగించిన మెసేజ్ లను తిరిగి రాస్తే ఈ దశలను అనుసరించండి.

    1. మీ ఫోన్ యొక్క ఫైల్ మేనేజర్‌కు వెళ్లండి (మీకు ఈ యాప్ ని కనుగొనలేకపోతే గూగుల్ ఫైల్‌ల యాప్ ని డౌన్‌లోడ్ చేసుకోండి). ఇప్పుడు వాట్సాప్ ఫోల్డర్ కు వెళ్ళండి > డేటాబేస్ ను ఓపెన్ చేయండి. డేటాబేస్ ఫోల్డర్ మీ ఫోన్‌లో స్థానికంగా స్టోర్ చేయబడిన అన్ని వాట్సాప్ బ్యాకప్ ఫైల్‌లను కలిగి ఉంది.

    2. Msgstore.db.crypt12 ఫైల్‌ను ఎంచుకొని దాన్ని msgstore_BACKUP.db.crypt12 గా పేరు మార్చండి. ఇది మీ ఇటీవలి బ్యాకప్ ఫైల్ మరియు ఇది తిరిగి వ్రాయబడకుండా నిరోధించడానికి మీరు పేరు మార్చాలి. ఒకవేళ విషయాలు తప్పుగా ఉంటే మీరు ఎప్పుడైనా ఈ ఫైల్‌ను దాని అసలు పేరుకు మార్చవచ్చు మరియు రిస్టోర్ చేయవచ్చు.

    3. ఇప్పుడు ఈ ఫోల్డర్‌లో msgstore-YYYY-MM-DD.1.db.crypt12 ఆకృతిలో కొన్ని ఫైళ్ళను చూస్తారు. ఇవి మీ పాత వాట్సాప్ బ్యాకప్‌లు. మీరు ఇటీవలి ఎంచుకొని దాన్ని msgstore.db.crypt12 గా పేరు మార్చవచ్చు.

    4. మీ స్మార్ట్‌ఫోన్‌లో గూగుల్ డ్రైవ్‌ను ఓపెన్ చేయండి. మూడు నిలువు వరుసలు గల చిహ్నాన్ని నొక్కండి > బ్యాకప్‌ ఆప్షన్ ను నొక్కండి. ఇప్పుడు అక్కడ వాట్సాప్ బ్యాకప్‌ను తొలగించండి. ఇది స్థానిక బ్యాకప్ నుండి రిస్టోర్ చేయడానికి వీలవుతుంది.

    5. ఇప్పుడు వాట్సాప్‌ను అన్‌ఇన్‌స్టాల్ చేసి ఆపై దాన్ని మళ్లీ ఇన్‌స్టాల్ చేయండి. తరువాత మీ యొక్క నెంబర్ తో సెటప్ చేసి పూర్తి చేసిన తర్వాత మీకు క్లౌడ్‌లో చాట్ బ్యాకప్ లేదని భావించి స్థానిక బ్యాకప్ నుండి చాట్‌లను రిస్టోర్ చేయడానికి మీకు ప్రాంప్ట్ వస్తుంది.

    6. రిస్టోర్ ఆప్షన్ పై నొక్కండి. తరువాత మీరు తొలగించిన చాట్‌లను తిరిగి పొందుతారు.

    మీరు మీ వాట్సాప్ చాట్‌లను అనుకోకుండా తొలగించిన పరిస్థితిలో లేదా మీరు తాజాగా వాట్సాప్‌ను ఇన్‌స్టాల్ చేసిన పరిస్థితిలో మరియు మీ పాత చాట్‌లను తిరిగి కోరుకునే పరిస్థితుల్లో మీరు ఉపయోగించగల రెండు పద్ధతులు ఇవి. పైన చెప్పినట్లుగా ఏదైనా సందేశాలను రిస్టోర్ చేయడానికి మీరు చాట్ బ్యాకప్ ఎంపికను ఆన్ చేయాలి.




మీరు ఎప్పుడైనా అనుకోకుండా పొరపాటున ఒక వాట్సాప్ చాట్‌ను తొలగించినందుకు చింతిస్తున్నారా? దాన్ని తిరిగి పొందడానికి శతవిధాల ప్రయత్నించి కుదరక మార్గం ఉందా అని ఆలోచిస్తున్నారా? మీకు సహాయం చేయడం కోసం ఇక్కడ కొన్ని మార్గాలను సూచించాము. తొలగించిన వాట్సాప్ చాట్‌లను తిరిగి మళ్ళీ పొందడానికి గల మార్గాన్ని కింద వివరించడం జరిగింది.

ఐక్లౌడ్ లేదా గూగుల్ డ్రైవ్ బ్యాకప్ ద్వారా వ్రాయబడిన వాట్సాప్ చాట్‌లను తిరిగి తీసుకురావడానికి ఒక పద్ధతిని మీకు అందిస్తున్నాము. వాట్సాప్ చాట్‌లను తిరిగి పొందడానికి ప్రయత్నించే ముందు వాట్సాప్‌లో మొదటి స్థానంలో బ్యాకప్ ఎంపికను ఆన్ చేసి ఉంటే మాత్రమే మీరు చాట్‌లను తిరిగి పొందడానికి వీలు అవుతుంది అని గుర్తుంచుకోండి. దీని అర్థం మీరు మీ చాట్‌ల బ్యాకప్‌ను ఎంపిక చేయకపోతే మీరు అనుకోకుండా తొలగించే సందేశాలు లేదా చాట్‌లను తిరిగి పొందలేరు.

ఇందులో గుర్తుపెట్టుకోవలసిన మరోక విషయం ఏమిటంటే తొలగించిన వాట్సాప్ మెసేజ్లను తిరిగి పొందడం కోసం కొంత డేటాను కోల్పోయే ప్రమాదం ఉంటుంది. డేటాను తిరిగి పొందడానికి కొంత కొంత డేటాను కోల్పోవలసి ఉంటుంది దీనికి సిద్ధంగా ఉంటే మాత్రమే ఈ కింది దశలను అనుసరించండి.