Back
Home » ટોપ
Raksha Bandhan 2019: એક દોરો ભાભીના નામે.... જાણો કેમ?
Oneindia | 14th Aug, 2019 09:54 AM
  • આ પર્વ છે વચનોનું....

    રક્ષાબંધન માત્ર એક તહેવાર નથી આ પર્વ છે વચનોનું, પ્રેમનુ, ત્યાગનુ અને ભરોસાનું, એ ભરોસ જે આખી જિંદગી માટે માત્ર બે દોરામાં સમેટાઈ જાય છે. આ બંધન એ શીખવે છે કે કોઈ પણ સંબંધનો પાયો જ વિશ્વાસ પર ટકેલો હોય છે. સામાન્ય રીતે બહેનો આ દિવસે ભાઈના હાથે રાખડી બાંધે છે પરંતુ એવુ નથી કે રાખડી માત્ર ભાઈને જ બાંધી શકીએ છીએ.


  • ‘ચૂડા રાખડી' કે ‘લૂંબા રાખડી'

    રાખડીના તહેવારને સમગ્ર ભારતમાં અલગ રીતે મનાવવામાં આવે છે. તમને જાણીને નવાઈ લાગશે કે રાજસ્થાનમાં રાખડી માત્ર ભાઈઓ જ નહિ પરંતુ ભાભીઓને પણ બાંધવામાં આવે છે જેના ચૂડા રાખડી કે લૂંબા રાખડી પણ કહેવામાં આવે છે. કહેવાય છે કે લગ્ન બાદ ભાઈના સુખ-દુઃખની સાથી તેની પત્ની હોય છે એટલા માટે પતિનુ વચન પણ પત્નીનું વચન જ થયુ એટલા માટે ભાભીને રાખડી બાંધવાની પરંપરા છે અહીં.

    આ પણ વાંચોઃ ચીનની સેના હૉંગકૉંગ તરફ આગળ વધી રહી છેઃ ટ્રમ્પ


  • ‘કાન્હાજી' કે ‘રામજી'ને રાખડી બાંધે છે

    પરંપરાઓના દેશમાં ઘણી જગ્યાએ પંડિતગણ પણ ભક્તોને રક્ષા-સૂત્ર બાંધે છે. તો ઘણા લોકો કાન્હાજી કે રામજીને રાખડી બાંધે છે અને તેમને પોતાના અને પોતાના પરિવારને ખુશ રાખવા અને રક્ષા કરવાની પ્રાર્થના કરે છે. એટલુ જ નહિ મહારાષ્ટ્રમાં આ તહેવાર નાળિયેર પૂર્ણિમાના નામથી ઓળખાય છે. આ દિવસે મરાઠી લોકો નદી કે સમુદ્રના તટ પર જઈ પોતાની જનોઈ બદલે છે અને સમુદ્રની પૂજા કરે છે. તો અમુક આદિવાસી સમાજ આ દિવસે વૃક્ષોને રાખડી બાંધીને તેમની ધરાને હરી ભરી રાખવાની પ્રાર્થના કરે છે અને તેમની પૂજા અર્ચના કરે છે.


  • રક્ષાબંધનનું મુહૂર્ત

    પૂર્ણિમા તિથિનો આરંભ 14 ઓગસ્ટના રોજ 15:45 વાગ્યાથી થઈ રહ્યો છે. જેનું સમાપન 15 ઓગસ્ટના રોજ 17:58ના રોજ થઈ રહ્યુ છે. એવામાં બહેનો ભાઈઓને 15 ઓગસ્ટના સૂર્યોદયથી સાંજના 5.58 સુધી રાખડી બાંધી શકશે.


  • ખાસ વાતો

    રક્ષાબંધન શ્રાવણનો છેલ્લો દિવસ હોય છે જેના કારણે તેને શ્રાવણી કે સલૂનો પણ કહે છે. રાખડી સામાન્યતઃ બહેનો ભાઈને જ બાંધે છે પરંતુ આપણા દેશમાં બ્રાહ્મણો, ગુરુઓ અને નેતા કે પ્રતિષ્ઠિક વ્યક્તિને પણ રાખડી બાંધવામાં આવે છે. દેશમાં ઘણી જગ્યાએ વૃક્ષને અને ભગવાનને પણ રાખડી બાંધવાની પરંપરા છે. આ દિવસે રાષ્ટ્રીય સ્વયંસેવક સંઘના પ્રમુખ ભાઈચારા માટે એકબીજાને ભગવા રંગની રાખડી બાંધે છે.




શ્રાવણ મહિનાની પૂનમના રોજ ભાઈ-બહેનના પ્રેમનો તહેવાર રક્ષાબંધન મનાવવામાં આવે છે. આ વર્ષે રક્ષાબંધન 15 ઓગસ્ટના દિવસે ગુરુવારે છે. રક્ષાબંધનનો તહેવાર ગુરુવારે હોવાથી આનુ મહત્વ ખૂબ વધી ગયુ છે. આ દિવસે ભદ્રા નથી અને ના કોઈ ગ્રહણ છે. આના કારણે આ વર્ષે રક્ષાબંધન શુભ સંયોગવાળો છે.