Back
Home » ಇತ್ತೀಚಿನ
ವಾಟ್ಸಪ್‌ ಬಳಕೆದಾರರೇ ಇನ್ಮುಂದೆ ನಿಮ್ಮ ಬೆರಳ ಗುರುತು ವಾಟ್ಸಪ್‌ ಕೀಲಿ ಕೈ!
Gizbot | 16th Aug, 2019 11:25 AM

ಜಗತ್ತಿನಲ್ಲಿಯೇ ಅತೀ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಒಳಗೊಂಡಿರುವ ವಾಟ್ಸಪ್‌ ಮೆಸೆಂಜರ್ ಅಪ್ಲಿಕೇಶನ್ ಈಗಾಗಲೇ ಬಳಕೆದಾರರಿಗಾಗಿ ಹಲವು ಪ್ರೈವೆಸಿ ಫೀಚರ್ಸ್‌ಗಳನ್ನು ಬಿಡುಗಡೆ ಮಾಡಿ ಮೆಚ್ಚುಗೆ ಪಡೆದಿದೆ. ಅದೇ ಹಾದಿಯಲ್ಲಿ ಮುನ್ನಡೆದಿರುವ ಸಂಸ್ಥೆಯು ಇತ್ತೀಚಿಗೆ ಹೊಸ ಫೀಚರ್ಸ್‌ಗಳನ್ನು ಅಳವಡಿಸಿಕೊಂಡಿದ್ದು, ಈಗ ಮತ್ತೆ ಗ್ರಾಹಕರು ಬಹುನಿರೀಕ್ಷಿತವಾಗಿ ಕಾಯುತ್ತಿದ್ದ ಫಿಂಗರ್‌ಪ್ರಿಂಟ್ ಅನ್‌ಲಾಕ್ ಫೀಚರ್ ಅನ್ನು ಪರಿಚಯಿಸಿದೆ.

ಹೌದು, ಫೇಸ್‌ಬುಕ್ ಮಾಲೀಕತ್ವದ ವಾಟ್ಸಪ್‌ ಅಪ್ಲಿಕೇಶನ್ ಪ್ರೈವೆಸಿ ಕುರಿತಾಗಿ ಹೆಚ್ಚಿನ ಆದ್ಯತೆ ನೀಡುತ್ತಾ ಸಾಗಿದ್ದು, ಅದಕ್ಕಾಗಿ ಈಗ ಫಿಂಗರ್‌ಪ್ರಿಂಟ್ ಅನ್‌ಲಾಕ್ ಫೀಚರ್‌ ಅನ್ನು ತನ್ನ ವಾಟ್ಸಪ್‌ ಬೇಟಾ ವರ್ಷನ್‌ನಲ್ಲಿ ಪರಿಚಯಿಸಿದೆ. ಪ್ರಸ್ತುತ ಬಹುತೇಕ ಬಳಕೆದಾರರು ವಾಟ್ಸಪ್‌ ಆಪ್‌ ಅನ್ನು ಲಾಕ್ ಮಾಡಲು ಥರ್ಡ್‌ಪಾರ್ಟಿ ಅಪ್ಲಿಕೇಶನ್‌ಗಳನ್ನು ಬಳಸುತ್ತಿದ್ದಾರೆ. ಆದ್ರೆ ಸಂಸ್ಥೆಯ ಈ ಹೊಸ ಫೀಚರ್‌ನಿಂದಾಗಿ ಇನ್ನು ಥರ್ಡ್‌ಪಾರ್ಟಿ ಲಾಕ್‌ ಆಪ್‌ ಅಗತ್ಯ ಇರುವುದಿಲ್ಲ.

ಆಂಡ್ರಾಯ್ಡ್‌ ಬೇಟಾ ವರ್ಷನ್‌ನಲ್ಲಿ ಸದ್ಯ ಈ ಫಿಂಗರ್‌ಪ್ರಿಂಟ್ ಅನ್‌ಲಾಕ್‌ ಫೀಚರ್ ಲಭ್ಯವಾಗಿದ್ದು, ಬೇಟಾ ವರ್ಷನ್‌ ಬಳಕೆದಾರರು ಇದರ ಪ್ರಯೋಜನ ಪಡೆದುಕೊಳ್ಳಬಹುದಾಗಿದೆ. ಹಾಗೂ ಶೀಘ್ರದಲ್ಲೇ ವಾಟ್ಸಪ್‌ ಅಪ್‌ಡೇಟ್‌ ವರ್ಷನ್‌ನಲ್ಲಿಯೂ ಈ ಫೀಚರ್ ಸೇರಿಕೊಳ್ಳಲಿದೆ. ಈ ಆಯ್ಕೆಯಲ್ಲಿ ಬಳಕೆದಾರರು ಬೆರಳಗುರುತನ್ನು ಸ್ಕ್ಯಾನ್‌ ಮಾಡುವ ಮೂಲಕ ಆಪ್‌ ಲಾಕ್‌ ಮಾಡಬಹುದು ಮತ್ತು ಅನ್‌ಲಾಕ್ ಮಾಡಬಹುದಾಗಿದೆ.

ಹಾಗೆಯೇ ಐಓಎಸ್‌ ಬಳಕೆದಾರರಿಗೂ ಟಚ್ ಐಡಿ ಲಾಕ್‌ ಫೀಚರ್‌ ಅನ್ನು ಕಂಪನಿಯು ಈಗಾಗಲೇ ಪರಿಚಯಿಸಿದ್ದು, ಇದೀಗ ಆಂಡ್ರಾಯ್ಡ್‌ ಓಎಸ್‌ ಬಳಕೆದಾರರಿಗೆ ಈ ಫಿಂಗರ್‌ಪ್ರಿಂಟ್ ಸೌಲಭ್ಯವನ್ನು ಸೇರಿಸುತ್ತಿದೆ. ಇದರಲ್ಲಿ ಬಳಕೆದಾರುರು ತಮ್ಮ ವಾಟ್ಸಪ್‌ಗೆ ಬರುವ ಮಸೆಜ್‌ಗಳನ್ನು ನೋಟಿಫಿಕೇಶನ್‌ನಲ್ಲಿಯೇ ವೀಕ್ಷಿಸುವ ಅಥವಾ ಕಾಣದಂತೆ ಸೆಟ್‌ ಮಾಡಿಕೊಳ್ಳವ ಆಯ್ಕೆಗೆ ಸಹ ಅವಕಾಶ ಇರಲಿದೆ.

ಓದಿರಿ : 'ಫಿಟ್ನೆಸ್‌ ಟ್ರಾಕರ್' ಖರೀದಿಸುವಾಗ ಈ ಅಂಶಗಳನ್ನು ಮರೆಯದೆ ಗಮನಿಸಿ!

ಸದ್ಯ ವಾಟ್ಸಪ್ ಬೇಟಾ ವರ್ಷನ್‌ನ ಪ್ರಾಯೋಗಿಕ ಹಂತಗಳಲ್ಲಿ ಲಭ್ಯವಾಗಿರುವ ಫಿಂಗರ್‌ಪ್ರಿಂಟ್ ಅನ್‌ಲಾಕ್ ಫೀಚರ್‌ ಹೊಸ ಅಪ್‌ಡೇಟ್‌ ವರ್ಷನ ಸೇರುವ ಸಮಯವು ಹತ್ತಿರದಲ್ಲಿದೆ. ಹಾಗಾದರೇ ಫಿಂಗರ್‌ಪ್ರಿಂಟ್ ಫೀಚರ್‌ ಸೆಟ್‌ ಮಾಡಲು ಅನುಸರಿಸಬೇಕಾದ ಕ್ರಮಗಳ ಬಗ್ಗೆ ತಿಳಿಯಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ.

* ವಾಟ್ಸಪ್‌ ಸೆಟ್ಟಿಂಗ್ ತೆರೆಯಿರಿ

* ಫಿಂಗರ್‌ಪ್ರಿಂಟ್ ಅನ್‌ಲಾಕ್‌ ಫೀಚರ್ ಸೆಲೆಕ್ಟ್ ಮಾಡಿರಿ

* ಫಿಂಗರ್‌ಪ್ರಿಂಟ್ ಆಯ್ಕೆ ಸಕ್ರಿಯ ಮಾಡಿರಿ

* ಆಗ ನಿಮ್ಮ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಸ್ಕ್ಯಾನ್ ಕೇಳುತ್ತದೆ.

* ನಂತರ ಅಲ್ಲಿರುವ ಟೈಮ್‌ ಲಿಮಿಟ್‌ನಲ್ಲಿ ನಿಮಗೆ ಅಗತ್ಯವಾದದನ್ನು ಸೆಟ್‌ ಮಾಡಿ.

ಓದಿರಿ : ಶುರುವಾಯ್ತು 'ಜಿಯೋ ಗಿಗಾಫೈಬರ್' ಅಬ್ಬರ್!..ಆಫರ್‌ ಭರಪೂರ!

   
 
ಹೆಲ್ತ್