Back
Home » ಇತ್ತೀಚಿನ
ಐಫೋನ್‌ನ ಹೊಸ ಅಪ್‌ಡೇಟ್‌ನಲ್ಲಿ ಈ ಪದಗಳು ಸ್ವೈಪ್‌ ಆಗೋದೆ ಇಲ್ಲ..!
Gizbot | 8th Oct, 2019 06:50 PM
  • ರೆಡ್ಡಿಟ್‌ನಲ್ಲಿ ಬೆಳಕಿಗೆ ಬಂದ ನ್ಯೂನ್ಯತೆ

    ಆಪಲ್‌ನ ಹೊಸ ಫೀಚರ್‌ನ ನ್ಯೂನ್ಯತೆ ಬಗ್ಗೆ ರೆಡ್ಡಿಟ್‌ನಲ್ಲಿ ಹಲವಾರು ಐಒಎಸ್ 13ರ ಬಳಕೆದಾರರು ಈ ಬಗ್ಗೆ ಬರೆದುಕೊಂಡಿದ್ದಾರೆ. ಒಎಸ್ ಅಪ್‌ಡೇಟ್‌ನ ನಂತರದಲ್ಲಿ ಸ್ಟಾಕ್ ಕೀಬೋರ್ಡ್ ಸ್ವೈಪ್ ಮಾಡಿದಾಗ ಹಾಟ್‌ ಚಾಕೊಲೇಟ್‌ ಪದವನ್ನು ಸರಿಯಾಗಿ ತೋರಿಸಲು ಐಫೋನ್‌ನಿಂದ ಸಾಧ್ಯವಾಗಿಲ್ಲ.


  • ವಿಭಿನ್ನ ಪದಗಳು

    ಐಫೋನ್‌ ಬಳಕೆದಾರರ ಪ್ರಕಾರ, ನೀವು 'ಹಾಟ್ ಚಾಕೊಲೇಟ್' ಪದವನ್ನು ಸ್ವೈಪ್ ಮಾಡಿದಾಗ ನಿಮಗೆ ನಿಖರವಾದ ಪದ ಸಿಗುವುದಿಲ್ಲ. ಆದಾಗ್ಯೂ, ಕೀಬೋರ್ಡ್ ನಿಮಗೆ ಹೂಟ್ ಚಾಕೊಲೇಟ್, ತೋಟಗಾರಿಕೆ, ಬಕ್ ಇಟ್, ಗಾಟ್ ಚಾಕೊಲೇಟ್, ಹೋಲಿ ಚಾಕೊಲೇಟ್, ನಾಟ್ ಚಾಕೊಲೇಟ್, ಹೂಟ್ ಚಿ ಕೌಚರ್, ಹಿಟ್ ಚಾಕೊಲೇಟ್, ಹಾಟ್ ಕೋಲ್, ಗಾಟ್ ಚಾಕೊಲೇಟ್, ಹಾಪಿ ಚಾಕೊಲೇಟ್, ಜಾಯ್ ಚಾಕೊಲೇಟ್ ಎಂಬಂತಹ ವಿಭಿನ್ನ ಪದಗಳನ್ನು ನಿಮ್ಮ ಮುಂದಿರಿಸುತ್ತದೆ.


  • ಕೆಲವು ಪದಗಳಿಗೆ ಅನುಮತಿಯಿಲ್ಲ

    ಆಟೋ ಕರೆಕ್ಟ್‌ ಆಫ್‌ ಫೀಚರ್‌ ಮಾಡಿದ ನಂತರವೂ ಹಾಟ್‌ ಚಾಕೊಲೇಟ್‌ ಪದ ಸ್ವೈಪ್ ಮಾಡಿದಾಗಲೂ ಪದವನ್ನು ಸ್ಪಷ್ಟವಾಗಿ ಐಫೋನ್‌ ಪ್ರದರ್ಶಿಸುವುದಿಲ್ಲ. 'ಡ್ರಾಗೊಂಟಾಲಜಿ' ಹೆಸರಿನ ಬಳಕೆದಾರರೊಬ್ಬರು ಸಮಸ್ಯೆಯನ್ನು ವಿವರಿಸುತ್ತಾ, ಆಪಲ್ ಕೀಬೋರ್ಡ್ ಕೆಲವು ಪದಗಳನ್ನು ಸ್ವೈಪ್ ಮಾಡಲು ನಿಮಗೆ ಅನುಮತಿಸುವುದಿಲ್ಲ ಹಾಗೂ ಅದನ್ನು ನಿಷ್ಕ್ರಿಯಗೊಳಿಸಲು ಐಫೋನ್‌ನಲ್ಲಿ ಯಾವುದೇ ಮಾರ್ಗವಿಲ್ಲ ಎನ್ನುತ್ತಾರೆ.


  • ಈ ಪದಗಳಿಗೆ ಅನುಮತಿಯಿಲ್ಲ

    ಹೊಸ ಅಪ್‌ಡೇಟ್‌ನಲ್ಲಿ 'ಕಿಲ್' ಎಂದು ಟೈಪ್ ಮಾಡಿದ ನಂತರ ನೀವು 'ಹಿಮ್‌ಸೆಲ್ಫ್‌, ಹರ್‌ಸೆಲ್ಫ್‌ ಎಂಬಂತಹ ಪದಗಳನ್ನು ಸ್ವೈಪ್ ಮಾಡಲು ಸಾಧ್ಯವಿಲ್ಲ ಎಂದು ಬಳಕೆದಾರರು ಹೇಳುತ್ತಾರೆ. ಅಂತೆಯೇ, ನೀವು 'ಮರ್ಡರ್‌', 'ಅಮ್ಮೋ' ಮತ್ತು 'ಬುಲೆಟ್ಸ್‌' ನಂತಹ ಪದಗಳನ್ನು ಸ್ವೈಪ್ ಮಾಡಲು ಸಾಧ್ಯವಿಲ್ಲ. ಆದಾಗ್ಯೂ, ಪಟ್ಟಿಯಲ್ಲಿ 'ಹಾಟ್ ಚಾಕೊಲೇಟ್' ಏಕೆ ಬರುತ್ತಿಲ್ಲ ಎಂಬುದು ಇನ್ನೂ ಪ್ರಶ್ನೆಯಾಗಿಯೇ ಉಳಿದಿದೆ.


  • ಸ್ವೈಪ್‌ ಬದಲು ಟೈಪ್‌ ಮಾಡಿ

    ಇಷ್ಟೆಲ್ಲಾ ಸಮಸ್ಯೆ ಇದ್ದರೂ, ಈ ಸಮಸ್ಯೆಗೆ ಸರಳ ಪರಿಹಾರವಿದೆ. ಕೀಬೋರ್ಡ್ ಸ್ವೈಪ್ ಮಾಡುವ ಬದಲು ಕೀಲಿಗಳನ್ನು ಟ್ಯಾಪ್ ಮಾಡುವ ಮೂಲಕ ನೀವು ಈ ಪದಗಳು ಮತ್ತು ನುಡಿಗಟ್ಟುಗಳನ್ನು ಟೈಪ್ ಮಾಡಬಹುದು. 'ಹಾಟ್' ಮತ್ತು 'ಚಾಕೊಲೇಟ್' ಪ್ರಕಾರವನ್ನು ಪ್ರತ್ಯೇಕವಾಗಿ ಸ್ವೈಪ್ ಮಾಡಲು ಸಾಧ್ಯವಿದೆ ಹೊರತು ಒಟ್ಟಿಗೆ ಸ್ವೈಪ್‌ ಮಾಡಲು ಸಾಧ್ಯವಿಲ್ಲ.




ಜಗತ್ತಿನಲ್ಲಿ ತನ್ನ ಉತ್ಪನ್ನಗಳಿಂದಲೇ ಜನರಿಗೆ ಅಚ್ಚುಮೆಚ್ಚಾಗಿರುವ ಆಪಲ್‌ ಕಂಪನಿ ತನ್ನ ಐಫೋನ್‌ಗಳಿಗೆ ಐಒಎಸ್ 13ರ ಅಪ್‌ಡೇಟ್‌ನ್ನು ನೀಡಿ ಒಂದೇರಡು ವಾರ ಕಳೆದಿದೆ. ಐಒಎಸ್ 13ರ ರೋಲ್‌ಔಟ್‌ನೊಂದಿಗೆ ಮೂರು ಹೊಸ ನಿರ್ವಹಣೆ ಅಪ್‌ಡೇಟ್‌ಗಳನ್ನು ಕಾಣಬಹುದಾಗಿದೆ. ಈ ಒಎಸ್ ಆವೃತ್ತಿಯ ಅತಿದೊಡ್ಡ ಫೀಚರ್‌ ಏನೆಂದರೆ ಸ್ಟಾಕ್ ಆಪಲ್ ಕೀಬೋರ್ಡ್‌ನಲ್ಲಿನ ಸ್ವೈಪ್ ಟೈಪಿಂಗ್ ಗೆಸ್ಚರ್ ಆಗಿದ್ದು, ಇದನ್ನು ಆಪಲ್ 'ಕ್ವಿಕ್ ಟೈಪ್' ಎಂದು ಕರೆಯಲಾಗುತ್ತದೆ. ಆದರೆ, ಇಂತಹ ಸ್ವಾಗತಾರ್ಹ ವೈಶಿಷ್ಟ್ಯವು 'ಹಾಟ್ ಚಾಕೊಲೇಟ್' ಪದವನ್ನು ಸರಿಯಾಗಿ ಉಚ್ಚರಿಸಲು ಅಸಮರ್ಥವಾಗಿದ್ದು, ಹಿನ್ನಡೆ ಕಂಡಿದೆ.

   
 
ಹೆಲ್ತ್