Back
Home » Business
ഈ ട്രെയിനിൽ യാത്ര ചെയ്യുന്നവർ ഇനി മോഷ്ടാക്കളെ പേടിക്കേണ്ട
Good Returns | 9th Oct, 2019 12:34 PM
  • ട്രെയിനിലെ സൗകര്യങ്ങൾ

    ഈ ട്രെയിൻ യാത്രക്കാർക്ക് ടിക്കറ്റ് റീഫണ്ടും നൽകും. കൂടാതെ ബാഗേജ് പിക്ക് അപ്പ് ഡ്രോപ്പ് സൗകര്യം, എക്സ്ക്ലൂസീവ് ടിക്കറ്റ് ബുക്കിംഗ്, അഡ്വാൻസ്ഡ് റിസർവേഷൻ പിരീഡ്, കുറഞ്ഞ റദ്ദാക്കൽ നിരക്കുകൾ, വിവിധതരം ഭക്ഷണങ്ങൾ എന്നിവയും വാ​ഗ്ദാനം ചെയ്യുന്നുണ്ട്. ചായ, കോഫി വെൻഡിംഗ് മെഷീനുകളും ട്രെയിനിൽ സ്ഥാപിച്ചിട്ടുണ്ട്. കൂടാതെ ആവശ്യാനുസരണം ആർ‌ഒ മെഷീനുകൾ വഴി വെള്ളവും ലഭിക്കും.


  • വിമാനത്തിന് സമാനം

    ഫ്ലൈറ്റുകളിലെന്നപോലെ, യാത്രക്കാർക്കും ട്രോളിയിൽ ഓൺ‌ബോർഡ് ഭക്ഷണം സർവീസ് സ്റ്റാഫ് വിതരണം ചെയ്യും. ഒരു മണിക്കൂറിൽ കൂടുതൽ കാലതാമസമുണ്ടായാൽ 100 ​​രൂപയും രണ്ട് മണിക്കൂറിൽ കൂടുതൽ കാലതാമസത്തിന് 250 രൂപയും യാത്രക്കാർക്ക് ലഭിക്കും.

    ട്രെയിൻ യാത്രക്കാർ അറിഞ്ഞോ? അടുത്ത മാസം മുതൽ ഈ ട്രെയിനുകളുടെ ടിക്കറ്റ് നിരക്ക് കുറയ്ക്കും


  • ടിക്കറ്റ് നിരക്ക്

    ലഖ്‌നൗ മുതൽ ന്യൂഡൽഹി വരെ തേജസ് എക്സ്പ്രസ് എസി ചെയർ കാറിന് 1,125 രൂപയും എക്സിക്യൂട്ടീവ് ചെയർ കാറിന് 2,310 രൂപയുമാണ് നിരക്ക്. ന്യൂഡൽഹി മുതൽ ലഖ്‌നൗ വരെയുള്ള തേജസ് എക്സ്പ്രസ് ടിക്കറ്റിന് എസി ചെയർ കാറിന് 1,280 രൂപയും എക്സിക്യൂട്ടീവ് ചെയർ കാറിന് 2,450 രൂപയുമാണ് നിരക്ക്.

    ട്രെയിൻ യാത്രക്കാർക്ക് അറിയാമോ, പ്രീമിയം തത്ക്കാലും തത്ക്കാൽ ടിക്കറ്റും തമ്മിലുള്ള വ്യത്യാസം?


  • വിശ്രമമുറി

    തേജസ് എക്സ്പ്രസിലെ യാത്രക്കാർക്ക് ലഖ്‌നൗ ജംഗ്ഷൻ സ്റ്റേഷനിൽ വിശ്രമ മുറികളും ന്യൂഡൽഹി റെയിൽ‌വേ സ്റ്റേഷനിലെ എക്സിക്യൂട്ടീവ് ലോഞ്ചും ആവശ്യാനുസരണം മീറ്റിംഗുകൾക്കും മറ്റും ഉപയോഗിക്കാം.

    ട്രെയിൻ ടിക്കറ്റ് ബുക്ക് ചെയ്യാൻ ഇനി ഐമുദ്ര പേയ്‌മെന്റ് വാലറ്റ്: അറിയേണ്ട കാര്യങ്ങൾ എന്തൊക്കെ?




ഐആർ‌സി‌ടി‌സിയുടെ തേജസ് എക്സ്പ്രസ് ലഖ്‌നൗ മുതൽ ഡൽഹി വരെയുള്ള സർവ്വീസ് ആരംഭിച്ചു. ചൊവ്വാഴ്ച ഒഴികെ ആഴ്ചയിൽ ആറ് ദിവസവും തേജസ് എക്സ്പ്രസ് സർവ്വീസ് നടത്തുന്നുണ്ട്. തേജസ് എക്സ്പ്രസ് യാത്രക്കാർക്ക് മോഷണം, യാത്രയ്ക്കിടെയുള്ള കവർച്ച എന്നിവയ്‌ക്ക് ഒരു ലക്ഷം രൂപ വരെ ഇൻഷുറൻസ് കവറേജാണ് വാ​ഗ്ദാനം ചെയ്യുന്നത്. യാത്രക്കാർക്ക് 25 ലക്ഷം രൂപ സൗജന്യ ഇൻഷുറൻസും ട്രെയിൻ എത്താൻ ഒരു മണിക്കൂറിലധികം കാലതാമസം നേരിട്ടാൽ നഷ്ടപരിഹാരവും ലഭിക്കും.

malayalam.goodreturns.in