Back
Home » ഏറ്റവും പുതിയ
రెడ్‌మి 8 స్పెసిఫికేషన్స్ అదుర్స్..... ధర కూడా తక్కువ
Gizbot | 9th Oct, 2019 05:20 PM
  • షియోమి

    షియోమి ఇండియా MD అనుజ్ శర్మ రెడ్‌మి 8 లాంచ్ షోను ప్రారంబించారు. గత వారం ముగిసిన Mi దీపావళి సేల్‌తో కంపెనీ గురించి మాట్లాడటంతో ఆయన కార్యక్రమాన్ని ప్రారంభించారు. ఈ అమ్మకం సమయంలో షియోమి 5.3 మిలియన్ డివైస్ లను విక్రయించినట్లు శర్మ వెల్లడించారు. ఈ 5.3 మిలియన్ పరికరాలలో 3.8 మిలియన్లు స్మార్ట్‌ఫోన్‌లు ఉన్నాయి అని తెలిపారు.

    Mi దీపావళి సేల్‌ : ఫోన్‌లు,టీవీలపై ఆఫర్లే ఆఫర్లు


  • కెమెరా

    తరువాత శర్మ రెడ్‌మి 8 యొక్క అన్ని వివరాలను వెల్లడించారు. దీని వెనుక భాగంలో డ్యూయల్ కెమెరా సెటప్ మరియు ఆర్టిఫిషియల్ ఇంటెలిజెన్స్ సహాయంతో వస్తుంది. ఈ కెమెరా సెటప్‌లో 12 మెగాపిక్సెల్ మెయిన్ కెమెరా 1.4 మైక్రో పిక్సెల్ సైజు, ఎఫ్ / 1.8 ఎపర్చరు మరియు సోనీ IMX363 ఇమేజ్ సెన్సార్ తో ఉంటుంది. రెండవ కెమెరా షూటర్ పోర్ట్రెయిట్‌లకు సహాయపడటానికి 2 మెగాపిక్సెల్ డీప్ సెన్సార్ తో వస్తుంది. ఇతర కెమెరా లక్షణాలలో AI డిటెక్షన్ మరియు గూగుల్ లెన్స్ సపోర్ట్ ఉన్నాయి. అలాగే ముందు భాగంలో 8 మెగాపిక్సెల్ AI సెల్ఫీ కెమెరాతో వస్తుంది.

    ఫ్లిప్‌కార్ట్‌లో ఆసుస్ స్మార్ట్ ఫోన్ లపై రూ.7000 వరకు డిస్కౌంట్


  • స్పెసిఫికేషన్

    ఇతర స్పెసిఫికేషన్లలో రెడ్‌మి 8 స్మార్ట్‌ఫోన్ వెనుకవైపు ఫింగర్ ప్రింట్ సెన్సార్, ఫేస్ అన్‌లాక్ సపోర్ట్ మరియు 18W ఫాస్ట్ ఛార్జింగ్ సపోర్ట్‌తో 5,000 ఎంఏహెచ్ బ్యాటరీతో ప్యాక్ చేయబడి వస్తుంది. అద్భుతమైన బ్యాటరీ లైఫ్ ను అందించడానికి రెడ్‌మి 8 అనేక AI బ్యాటరీ మెరుగుదలలతో వస్తుందని శర్మ పేర్కొన్నారు. ఇది USB టైప్-సి పోర్ట్ ను కూడా కలిగి ఉంటుంది. డిజైన్ విభాగంలో రెడ్‌మి 8 స్మార్ట్‌ఫోన్ షియోమి యొక్క స్పోర్ట్స్ ఆరా మిర్రర్ డిజైన్ ను కలిగి ఉంటుంది. ఇది బ్లూ, రూబీ రెడ్ మరియు ఒనిక్స్ బ్లాక్ వంటి కలర్ లలో అందించబడుతుంది.


  • స్నాప్‌డ్రాగన్

    రెడ్‌మి 8 స్మార్ట్‌ఫోన్ క్వాల్కమ్ స్నాప్‌డ్రాగన్ 439 SoC చేత శక్తిని కలిగి ఉండి 4GB ర్యామ్‌తో జతచేయబడి ఉంటుంది. దీని ఇంటర్నల్ స్టోరేజ్ 64GB వరకు ఉందని శర్మ వెల్లడించారు. అదనంగా రెడ్‌మి 8 లో డ్యూయల్ సిమ్ సపోర్ట్ మరియు అంకితమైన మైక్రో SD కార్డ్ స్లాట్ కూడా ఉంది. ముందు భాగంలో గొరిల్లా గ్లాస్ 5, 3.5 ఎంఎం ఆడియో జాక్ మరియు ఎఫ్‌ఎం రేడియో వంటి ఫీచర్స్ కూడా ఉన్నాయి.


  • ధర

    తరువాత మను కుమార్ జైన్ వేదికపైకి వచ్చి రెడ్‌మి 8 స్మార్ట్‌ఫోన్ యొక్క ధరను వెల్లడించాడు. రెడ్‌మి 8 స్మార్ట్‌ఫోన్ 3 జీబీ ర్యామ్‌ + 32 జీబీ స్టోరేజ్, 4 జీబీ ర్యామ్‌ + 64 జీబీ స్టోరేజ్ అనే రెండు వేరియంట్లలో అందించనున్నారు. ఇందులో 3 జీబీ ర్యామ్ వేరియంట్‌ యొక్క ధర రూ.7,999 కాగా, 4 జీబీ ర్యామ్ వేరియంట్ ధర 8,999 రూపాయలు. ఇండియాలో 100 మిలియన్ల షియోమి స్మార్ట్‌ఫోన్ సేల్స్ జరిగిన సందర్బంగా రెడ్‌మి 8 యొక్క మొదటి 5 మిలియన్ ఆర్డర్‌లలో 3 జీబీ ర్యామ్ వేరియంట్ తో సహా 4 జీబీ ర్యామ్ వేరియంట్‌ను కూడా కంపెనీ కేవలం రూ.7,999 లకు అందించనున్నది.


  • అమ్మకం

    రెడ్‌మి 8 స్మార్ట్‌ఫోన్ యొక్క మొదటి అమ్మకం అక్టోబర్ 12 న ఉదయం 00:01 గంటలకు Mi.కామ్, ఫ్లిప్‌కార్ట్, మరియు Mi హోమ్ స్టోర్స్‌ ద్వారా జరుగనున్నాయి. షియోమి తన 64 మెగాపిక్సెల్ కెమెరా ఫోన్‌ను కూడా అక్టోబర్ 16 న దేశంలో లాంచ్ చేయనున్నట్లు వెల్లడించారు.




ప్రముఖ చైనా స్మార్ట్‌ఫోన్ తయారీ సంస్థ షియోమి ఈ రోజు తన ఎంట్రీ లెవల్ స్మార్ట్‌ఫోన్ రెడ్‌మి 8ను ఇండియాలో విడుదల చేసింది. రెడ్‌మి 7కు అప్డేట్ వెర్షన్ గా వచ్చిన రెడ్‌మి 8 స్మార్ట్‌ఫోన్ అక్టోబర్ 12 నుండి మార్కెట్‌లో అందుబాటులో ఉంటుంది. రెడ్‌మి 8 తో షియోమి సంస్థ స్మార్ట్‌ఫోన్ బ్యాటరీ మరియు కెమెరా యొక్క రెండు ప్రధాన అంశాలపై దృష్టి సారించింది.