Back
Home » ಸಿನಿ ಸಮಾಚಾರ
ಯೂಟ್ಯೂಬ್ ನಲ್ಲಿ ಯುವರತ್ನ ಅಬ್ಬರ: ಎರಡನೇ ದಿನಕ್ಕೆ ದಾಖಲೆ
Oneindia | 9th Oct, 2019 08:18 PM

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆಯ ಯುವರತ್ನ ಸಿನಿಮಾದ ಟೀಸರ್ ದಸರಾ ಹಬ್ಬದ ಪ್ರಯುಕ್ತ ಬಿಡುಗಡೆಯಾಗಿತ್ತು. ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಯುವರತ್ನ ಟೀಸರ್ ಯೂಟ್ಯೂಬ್ ನಲ್ಲಿ ಅಬ್ಬರಿಸಿತ್ತು.

ಯುವರತ್ನ ಟೀಸರ್ ಬಿಡುಗಡೆಯಾಗಿ 48 ಗಂಟೆಗಳು ಕಳೆದಿದ್ದು, 2 ಮಿಲಿಯನ್ (20 ಲಕ್ಷ) ವೀವ್ಸ್ ಕಂಡಿದೆ. ಅದರಲ್ಲಿ 109 ಲೈಕ್ಸ್ ಬಂದಿದ್ದು, 6.2 ಡಿಸ್ ಲೈಕ್ಸ್ ಬಂದಿದೆ. ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ 6ನೇ ಸ್ಥಾನದಲ್ಲಿದೆ.

ಯುವರತ್ನ ಚಿತ್ರದಲ್ಲಿ ಅಪ್ಪು ಜೆರ್ಸಿ ನಂ 29: ಏನಿದರ ಸೀಕ್ರೆಟ್?

ಇನ್ನು ಈ ಟೀಸರ್ ಗೆ 40 ಸಾವಿರಕ್ಕೂ ಹೆಚ್ಚು ಕಾಮೆಂಟ್ ಬಂದಿದ್ದು, ದಕ್ಷಿಣ ಭಾರತದಲ್ಲಿ ಅತಿ ಹೆಚ್ಚು ಕಾಮೆಂಟ್ ಪಡೆದ ಕನ್ನಡ ಟೀಸರ್ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದೆ.

ಅಪ್ಪು, ಅಭಿ ಸಿನಿಮಾಗಳ ಬಳಿಕ ಪುನೀತ್ ರಾಜ್ ಕುಮಾರ್ ಅವರು ಕಾಲೇಜ್ ಸ್ಟೂಡೆಂಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದು, ಯುವರತ್ನ ಸಿನಿಮಾ ಸಖತ್ ಸದ್ದು ಮಾಡ್ತಿದೆ.

'ಯುವರತ್ನ' ಟೀಸರ್ ನೋಡಿ ಪ್ರಶಾಂತ್ ನೀಲ್ ಏನ್ ಹೇಳಿದ್ರು?

ವಿಶೇಷ ಅಂದ್ರೆ ಈ ಸಿನಿಮಾದಲ್ಲಿ ಅಪ್ಪು ರಗ್ಬಿ ಆಟಗಾರನಾಗಿಯೂ ಅಭಿನಯಿಸಿದ್ದಾರೆ. ಶಿಕ್ಷಣ ಉದ್ಯಮದಲ್ಲಿ ನಡೆಯುವ ಹಗರಣದ ವಿರುದ್ಧ ಪುನೀತ್ ಧ್ವನಿ ಎತ್ತುವ ಪಾತ್ರದಲ್ಲಿ ನಟಿಸಿದ್ದಾರೆ.

'ರಾಜಕುಮಾರ' ಸಿನಿಮಾ ಬಳಿಕ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಮತ್ತು ಪುನೀತ್ ರಾಜ್ ಕುಮಾರ್ ಜೋಡಿಯಲ್ಲಿ ಯುವರತ್ನ ಸಿನಿಮಾ ಬರ್ತಿದೆ. ಹೊಂಬಾಳೆ ಫಿಲಂಸ್ ಬ್ಯಾನರ್ ನಲ್ಲಿ ವಿಜಯ್ ಕಿರಗಂದೂರ್ ನಿರ್ಮಿಸುತ್ತಿದ್ದಾರೆ. ಸಯೀಶಾ ಸೈಗಲ್ ನಾಯಕಿಯಾಗಿದ್ದು, ವಸಿಷ್ಠ ಸಿಂಹ, ಧನಂಜಯ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

   
 
ಹೆಲ್ತ್