Back
Home » Business
സുസുക്കി മോട്ടോർസിന് ഇന്ത്യൻ വിപണിയോട് താത്പര്യം കുറയുന്നു
Good Returns | 8th Nov, 2019 03:31 PM

സുസുക്കി മോട്ടോർ കോർപ്പറേഷന് ഇന്ത്യൻ വിപണിയോടുള്ള താത്പര്യം കുറയുന്നു. വിൽപ്പനയിൽ വളർച്ചയില്ലാത്തതു തന്നെയാണ് കമ്പനിയ്ക്ക് ഇന്ത്യൻ വിപണിയോട് താത്പര്യം കുറയാൻ കാരണം. ഈ വർഷം ജനുവരിക്ക് ശേഷം മാരുതിയുടെ വിൽപ്പന താഴോട്ടാണ്. ജനുവരി വരെ വളർച്ച രേഖപ്പെടുത്തിയ മാരുതിയുടെ വിൽപ്പന 2019 ഫെബ്രുവരി മുതൽ സെപ്റ്റംബർ വരെ എല്ലാ മാസങ്ങളിൽ എല്ലാ മാസവും കുത്തനെ കുറയുകയായിരുന്നു.

ഈ ആഴ്ച പുറത്തുവിട്ട കമ്പനിയുടെ ത്രൈമാസ ലാഭത്തിലും വൻ ഇടിവാണ് ഉണ്ടായിരിക്കുന്നത്. ഇതിനെ തുടർന്നാണ് ജാപ്പനീസ് വാഹന നിർമാതാവായ സുസുക്കി മുന്നറിയിപ്പുമായി എത്തിയിരിക്കുന്നത്. ഈ പ്രതിസന്ധിയിൽ മാരുതി ഒറ്റയ്ക്കല്ല. ഫോക്സ്വാഗൺ, ഫോർഡ് മുതലായ വിദേശ നിർമ്മാതാക്കൾക്കും ഇന്ത്യൻ വിപണിയോടുള്ള താത്പര്യത്തിൽ അതൃപ്തി പ്രകടിപ്പിച്ചിട്ടുണ്ട്.

മാരുതി കാറുകൾക്ക് വീണ്ടും വില കുറച്ചു; കാർ വാങ്ങുന്നവർക്ക് വമ്പൻ ഓഫറുകൾ

ഉയർന്ന ജിഎസ്ടി നിരക്ക്, വൈദ്യുത വാഹന നയത്തിലെ അനിശ്ചിതത്വം, ഓല - ഊബർ കമ്പനികളുടെ അധിനിവേശം എന്നിവയെല്ലാം വിപണിയിൽ കാർ വിൽപ്പന കുറയാനുളള കാരണങ്ങളാണ്. ചെറു കാറുകളുടെ അഭാവവും പരിമിതമായ വിൽപ്പന ശൃഖലയും ആഗോള നിർമ്മാതാക്കളുടെ സ്ഥിതി ഇന്ത്യയിൽ പ്രതിസന്ധിയിലാക്കുന്നു.

ഫോർഡ്, ഫോക്‌സ്‌വാഗൺ, ഫിയറ്റ് തുടങ്ങിയ വമ്പൻ കമ്പനികളും അവരുടെ വിൽപ്പന തന്ത്രം പുന:പരിശോധിച്ചു കൊണ്ടിരിക്കുകയാണ്. ചെറിയ കാറുകൾക്ക് ആധിപത്യമുള്ള ഇന്ത്യൻ വിപണിയിൽ അതിക്രമിച്ച് കടക്കാനുള്ള പരിശ്രമത്തിലാണ് ഈ വമ്പന്മാർ. ലോകത്തിലെ ഏറ്റവും മികച്ച രണ്ട് കാർ വിപണികളാണ് ചൈനയും അമേരിക്കയും. ഇവിടെ കൂടുതൽ എസ്‌യുവികളും ആഡംബര കാറുകളുമാണ് വിൽക്കുന്നത്. എന്നാൽ ഇന്ത്യൻ വിപണിയിൽ ചെറുകാറുകൾക്കാണ് പ്രിയം.

പ്രതിസന്ധി രൂക്ഷം: മാരുതി പ്ലാന്റുകൾ രണ്ട് ദിവസത്തേയ്ക്ക് അടച്ചിടും

malayalam.goodreturns.in