Back
Home » ಇತ್ತೀಚಿನ
ಬಳಕೆದಾರರಿಗೆ ಭಾರಿ ಬೇಸರ ತಂದ 'ರಿಯಲ್‌ ಮಿ' ನಡೆ!
Gizbot | 4th Dec, 2019 11:01 AM
  • ಸ್ಮಾರ್ಟ್‌ಫೋನ್‌ಗಳು

    ಹೌದು, ಇಂದಿನ ಬಹುತೇಕ ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್‌ 10 ಓಎಸ್‌ ಅಪ್‌ಡೇಟ್‌ ಪಡೆದುಕೊಳ್ಳುತ್ತಿವೆ. ಆ ಲಿಸ್ಟಿಗೆ ಶಿಯೋಮಿ, ಸ್ಯಾಮ್‌ಸಂಗ್, ಒನ್‌ಪ್ಲಸ್‌, ಸೇರಿದಂತೆ ಪ್ರಮುಖ ಕಂಪನಿಗಳ ಫೋನ್‌ಗಳು ಸೇರಿವೆ. ಆದ್ರೆ ರಿಯಲ್‌ ಮಿ ಸಂಸ್ಥೆಯ ನಾಲ್ಕು ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್ 10 ಓಎಸ್‌ ಅಪ್‌ಡೇಟ್ ಆಗುವುದಿಲ್ಲ ಎನ್ನುವ ಸಂಗತಿ 'ರಿಯಲ್‌ ಮಿ'ಯ ಆ ಫೋನ್‌ಗಳ ಬಳಕೆದಾರರಿಗೆ ಶಾಕ್ ಅನಿಸಿದೆ. ಹಾಗಾದರೇ ರಿಯಲ್‌ ಮಿ'ಯ ಆ ನಾಲ್ಕು ಸ್ಮಾರ್ಟ್‌ಫೋನ್‌ಗಳು ಯಾವುವು ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.


  • ರಿಯಲ್‌ ಮಿ U1

    ರಿಯಲ್‌ ಮಿ U1 ಸ್ಮಾರ್ಟ್‌ಫೋನ್ 6.3 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, ಮೀಡಿಯಾ ಟೆಕ್ ಹಿಲಿಯೊ ಪಿ70 ಪ್ರೊಸೆಸರ್‌ ಹೊಂದಿದೆ. ಹಿಂಬದಿಯಲ್ಲಿ ಡ್ಯುಯಲ್ ಕ್ಯಾಮೆರಾ ಜೊತೆಗೆ 25ಎಂಪಿ ಸೆಲ್ಫಿ ಕ್ಯಾಮೆರಾ ಹೊಂದಿದೆ. ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್‌ 8.1 ಓರಿಯೊ ಆಪರೇಟಿಂಗ್ ಸಿಸ್ಟಮ್‌fನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಫೋನಿಗೆ ಆಂಡ್ರಾಯ್ಡ್‌ 10 ಓಎಸ್‌ಗೆ ಅಪ್‌ಡೇಟ್ ಆಗುವ ಭಾಗ್ಯವಿಲ್ಲ.


  • ರಿಯಲ್‌ ಮಿ 2

    ರಿಯಲ್‌ ಮಿ 2 ಸ್ಮಾರ್ಟ್‌ಫೋನ್ 6.2 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, ಹಿಂಬದಿಯಲ್ಲಿ ಡ್ಯುಯಲ್ ಕ್ಯಾಮೆರಾ ಜೊತೆಗೆ 8ಎಂಪಿ ಸೆಲ್ಫಿ ಕ್ಯಾಮೆರಾ ಹೊಂದಿದೆ. ಈ ಸ್ಮಾರ್ಟ್‌ಫೋನ್ ಸಹ ಆಂಡ್ರಾಯ್ಡ್‌ 8.1 ಓರಿಯೊ ಆಪರೇಟಿಂಗ್ ಸಿಸ್ಟಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಸ್ಮಾರ್ಟ್‌ಫೋನ್ ಸಹ ಆಂಡ್ರಾಯ್ಡ್‌ 10 ಓಎಸ್‌ಗೆ ಅಪ್‌ಡೇಟ್ ಆಗುವುದಿಲ್ಲ.


  • ರಿಯಲ್‌ ಮಿ C1

    ರಿಯಲ್‌ ಮಿ ಕಂಪನಿಯ ಅಗ್ಗದ ಬೆಲೆಯ ಫೋನ್‌ಗಳಲ್ಲಿ 'ರಿಯಲ್‌ ಮಿ C1' ಸಹ ಒಂದಾಗಿದೆ. ಕ್ವಾಲ್ಕಮ್ ಸ್ನ್ಯಾಪ್‌ಡ್ರಾಗನ್ 450 ಪ್ರೊಸೆಸರ್‌ ಹೊಂದಿರುವ ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್‌ 8.1 ಓರಿಯೊ ಆಪರೇಟಿಂಗ್ ಸಿಸ್ಟಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಉಳಿದಂತೆ ಹಿಂಬದಿಯಲ್ಲಿ ಡ್ಯುಯಲ್ ಕ್ಯಾಮೆರಾ ಜೊತೆಗೆ 5ಎಂಪಿ ಸೆಲ್ಫಿ ಕ್ಯಾಮೆರಾ ಹೊಂದಿದೆ.


  • ರಿಯಲ್‌ ಮಿ 1

    ರಿಯಲ್‌ ಮಿ 1 ಸ್ಮಾರ್ಟ್‌ಫೋನ್ ಕೂಡಾ ಆಂಡ್ರಾಯ್ಡ್‌ 8.1 ಓರಿಯೊ ಆಪರೇಟಿಂಗ್ ಸಿಸ್ಟಮ್‌ ಅನ್ನು ಹೊಂದಿದ್ದು, ಜೊತೆಗೆ ಮೀಡಿಯಾ ಟೆಕ್ ಹಿಲಿಯೊ ಪಿ60 ಪ್ರೊಸೆಸರ್‌ ಸಾಮರ್ಥ್ಯವನ್ನು ಪಡೆದಿದೆ. ಹಿಂಬದಿಯಲ್ಲಿ 13ಎಂಪಿಯ ಸಿಂಗಲ್ ರಿಯರ್‌ ಕ್ಯಾಮೆರಾ ಮತ್ತು 8ಎಂಪಿಯ ಸೆಲ್ಫಿ ಕ್ಯಾಮೆರಾವನ್ನು ಪಡೆದುಕೊಂಡಿದೆ. ಈ ಫೋನ್ ಕೂಡಾ ಆಂಡ್ರಾಯ್ಡ್‌ 10ಗೆ ಅಪ್‌ಡೇಟ್ ಪಡೆಯಲ್ಲ.


  • ಆಂಡ್ರಾಯ್ಡ್‌ 10 ಓಎಸ್‌ ಅಲಭ್ಯ

    ರಿಯಲ್‌ ಮಿ ಕಂಪನಿಯ ಈ ಜನಪ್ರಿಯ ಸ್ಮಾರ್ಟ್‌ಫೋನ್‌ಗಳು 2018ರಲ್ಲಿ ಮಾರುಕಟ್ಟೆಗೆ ಬಂದಿವೆ. ಹಾಗೂ ಈ ನಾಲ್ಕು ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್‌ 8.1 ಓಎಸ್‌ ಸಿಸ್ಟಮ್‌ ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಆಂಡ್ರಾಯ್ಡ್‌ 10 ಓಎಸ್‌ ಬೆಂಬಲ ಲಭ್ಯವಾಗುವುದಿಲ್ಲ. ಆದರೆ ಆಂಡ್ರಾಯ್ಡ್ 9 ಪೈ ಓಎಸ್‌ ಲಭ್ಯವಾಗುವ ಸಾಧ್ಯತೆಗಳಿವೆ.




ಸ್ಮಾರ್ಟ್‌ಫೋನ್‌ಗಳಲ್ಲಿನ ಪ್ರೊಸೆಸರ್‌ಗಳ ಕಾರ್ಯವೈಖರಿಗೆ ಬೆಂಬಲ ನೀಡುವ ಆಂಡ್ರಾಯ್ಡ್‌ ಓಎಸ್‌ ಈಗಾಗಲೇ ಹಲವು ಆವೃತ್ತಿಗಳಲ್ಲಿ ಅಪ್‌ಡೇಟ ಕಂಡಿದೆ. ಸದ್ಯ ಬಹುತೇಕ ಸ್ಮಾರ್ಟ್‌ಫೋನ್‌ಗಳು 'ಆಂಡ್ರಾಯ್ಡ್ 9 ಪೈ ಆಪರೇಟಿಂಗ್ ಸಿಸ್ಟಮ್'ನಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಆದ್ರೆ ಇತ್ತೀಚಿಗಷ್ಟೆ ಹೊಸದಾಗಿ ಆಂಡ್ರಾಯ್ಡ್ 10 ಓಎಸ್‌ ಲಗ್ಗೆ ಇಟ್ಟಿದ್ದು, ಸ್ಮಾರ್ಟ್‌ಫೋನ್‌ಗಳಲ್ಲಿ ಹೊಸತನವನ್ನು ಪರಿಚಯಿಸಿದೆ.

   
 
ಹೆಲ್ತ್