Back
Home » Business
ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന് എൽഐസിയും
Good Returns | 7th Dec, 2019 05:42 PM
  • ഓൺലൈൻ വഴി എൽഐസി പ്രീമിയം അടയ്‌ക്കുന്നതെങ്ങനെ?

    1. ആദ്യം www.licindia.in എന്ന എൽഐസിയുടെ വെബ്‌സൈറ്റിൽ പ്രവേശിക്കുക. നിങ്ങളുടെ പ്രീമിയം അടയ്‌ക്കേണ്ട പോളിസികളുടെ ലിസ്റ്റ് കാണുന്നതിന് 'പേ പ്രീമിയം ഓൺ‌ലൈൻ' എന്ന ലിങ്കിൽ ക്ലിക്ക് ചെയ്യുക. അതിന് ശേഷം പ്രീമിയം അടയ്‌ക്കേണ്ട പോളിസികൾ തിരഞ്ഞെടുക്കുക. (പേയ്‌മെന്റ് നടത്തുന്നതിന് മുൻപ് നിങ്ങളുടെ പോളിസി ഇൻഷുറൻസ് കമ്പനിയുമായോ ഇൻഷുററുമായോ എൻറോൾ ചെയ്‌തിട്ടുണ്ടോയെന്ന് ഉറപ്പാക്കുക). നിങ്ങൾ ഉപഭോക്തൃ പോർട്ടൽ ഓപ്‌ഷൻ തിരഞ്ഞെടുക്കുകയാണെങ്കിൽ ക്രെഡൻഷ്യലുകൾ ഉപയോഗിച്ച് ലോഗിൻ ചെയ്യണം. പോർട്ടലിൽ രജിസ്റ്റർ ചെയ്യാൻ താൽപ്പര്യമില്ലെങ്കിൽ 'LIC PayDirect' ഓപ്‌ഷൻ ഉപയോഗിച്ച് പണമടയ്‌ക്കാം. ഇതിൽ നിങ്ങൾക്ക് പ്രീമിയം തുക അടയ്‌ക്കൽ, എൽഐസി പുതുക്കൽ, വായ്‌പ തിരിച്ചടയ്‌ക്കൽ തുടങ്ങിയവ ചെയ്യാം.


  • ഘട്ടം

    2. മുകളിൽ പറഞ്ഞ ഘട്ടം കഴിഞ്ഞാൽ ഒരു പേജ് തുറക്കുന്നതാണ്. ഇതിൽ നിങ്ങളുടെ ഉപയോക്തൃ ഐഡി, പാസ്‌വേഡ് പോലുള്ള ലോഗിൻ വിശദാംശങ്ങൾ നൽകുക. ക്രെഡൻഷ്യൽ നൽകി കഴിഞ്ഞാൽ പേയ്‌മെന്റ് പേജിലേക്ക് പോകുന്നതാണ്. ഇവിടെ നിങ്ങൾക്ക് മൂന്ന് ഓപ്‌ഷൻ കാണാം - നെറ്റ് ബാങ്കിംഗ്, ക്രെഡിറ്റ് കാർഡ്, ഡെബിറ്റ് കാർഡ് എന്നിവ. പ്രീമിയം തുക അടയ്‌ക്കാൻ നിങ്ങൾക്ക് ഈ ഓപ്‌ഷൻ തിരഞ്ഞെടുക്കാം. ഇൻഷുറൻസ് കമ്പനിയുമായി പോളിസികൾ എൻറോൾ ചെയ്ത ഉപഭോക്താക്കൾക്ക് മാത്രമേ ഈ സൗകര്യം ലഭ്യമാകൂ.

    ആധാർ കാർഡിന് അപേക്ഷിക്കാൻ ഇനി തിരിച്ചറിയൽ രേഖകളോ വിലാസ തെളിവോ വേണ്ട, പകരം ചെയ്യേണ്ടതെന്ത്?


  • നെറ്റ്‌ബാങ്കിംഗ്

    3. നിങ്ങൾ തിരഞ്ഞെടുത്തത് നെറ്റ്‌ബാങ്കിംഗ് ഓപ്‌ഷൻ ആണെങ്കിൽ നിങ്ങളുടെ ബാങ്ക് വെബ്‌സൈറ്റിലേക്ക് പോകുന്നതാണ്. ഇവിടെ ബാങ്ക് ക്രെഡൻഷ്യൽ ഉപയോഗിച്ച് ലോഗിൻ ചെയ്‌ത ശേഷം പണമടയ്‌ക്കാവുന്നതാണ്. ഇതിന് ശേഷം നിങ്ങളുടെ സ്‌ക്രീനിൽ എൽഐസിയ്‌ക്ക് പണം നൽകിയതായി സന്ദേശം ലഭിക്കും. ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിച്ചാണ് നിങ്ങൾ പണമടയ്‌ക്കുന്നതെങ്കിൽ കാർഡിന്റെ ക്രെഡൻഷ്യൽ നൽകിയാൽ മതി.




ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെ ഭാഗമായി പൊതുമേഖലാ ഇന്‍ഷൂറന്‍സ്‌ സ്ഥാപനമായ ലൈഫ് ഇൻഷൂറൻസ് കോർപ്പറേഷനും ( എൽഐസി) ഓൺലൈൻ പേയ്‌മെന്റുകൾ സ്വീകരിക്കാൻ തുടങ്ങി. ഇനിമുതൽ ഉപഭോക്താക്കൾക്ക് ക്രെഡിറ്റ്, ഡെബിറ്റ് കാർഡുകൾ ഉപയോഗിച്ചും ഓൺലൈൻ വഴിയും പ്രീമിയം അടയ്‌ക്കാൻ കഴിയും. ക്രെഡിറ്റ് കാർഡുകൾ ഉപയോഗിച്ച് നടത്തുന്ന ഇടപാടുകൾക്ക് (പ്രീമിയം പുതുക്കൽ, വായ്‌പ തിരിച്ചടയ്‌ക്കൽ) പ്രത്യേക ചാർജുകളൊന്നും ഈടാക്കില്ല.