Back
Home » Business
എസ്‌ബി‌ഐ ഭവന, കാർ വായ്പാ നിരക്കുകൾ നാളെ മുതൽ കുറയ്ക്കും
Good Returns | 9th Dec, 2019 02:13 PM

ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) വായ്പകളുടെ എം‌സി‌എൽ‌ആർ നിരക്ക് 10 ബേസിസ് പോയിന്റ് കുറയ്ക്കാൻ തീരുമാനിച്ചു.ഇതോടെ എം‌സി‌എൽ‌ആറുമായി ബന്ധിപ്പിച്ചിരിക്കുന്ന എസ്‌ബി‌ഐയുടെ വീട്, കാർ, മറ്റ് റീട്ടെയിൽ വായ്പകൾ എന്നിവയുടെ പലിശ നിരക്ക് കുറയും. പുതിയ നിരക്കുകൾ ഡിസംബർ 10 മുതൽ പ്രാബല്യത്തിൽ വരും.

വായ്പാ നിരക്ക് 8.00 ശതമാനത്തിൽ നിന്ന് 7.90 ശതമാനമായാണ് കുറയുന്നത്. ഈ സാമ്പത്തിക വർഷം എസ്‌ബി‌ഐ എം‌സി‌എൽ‌ആർ നിരക്ക് തുടർച്ചയായി എട്ടാം തവണയാണ് വെട്ടിക്കുറച്ചിരിക്കുന്നത്. ഭവനവായ്പയിലും വാഹന വായ്പയിലും 25 ശതമാനം വിപണി വിഹിതമാണ് ബാങ്കിനുള്ളതെന്നും എസ്‌ബി‌ഐ പറയുന്നു.

മുതിർന്നപൗരൻമാർക്കുള്ള എസ് സി എസ് പദ്ധതി നികുതി ബാധകമോ? എസ്ബിഐ കണ്ടെത്തിയ കാര്യങ്ങളറിയാം

നിങ്ങളുടെ ഭവനവായ്പ എസ്‌ബി‌ഐയുടെ എം‌സി‌എൽ‌ആർ നിരക്കുമായി ബന്ധിപ്പിച്ചിട്ടുണ്ടെങ്കിൽ‌, ഏറ്റവും പുതിയ നിരക്ക് കുറയ്ക്കൽ നിങ്ങളുടെ ഇ‌എം‌ഐകളെ ഉടനടി കുറയ്ക്കില്ല. എം‌സി‌എൽ‌ആർ അടിസ്ഥാനമാക്കിയുള്ള വായ്പകളുടെ ഇഎംഐ കുറയണമെങ്കിൽ സാധാരണയായി ഒരു വർഷത്തെ കാലാവധിയാണുള്ളത്.

ഈ മാസം ആദ്യം ആർ‌ബി‌ഐയുടെ റിപ്പോ നിരക്ക് 5.15 ശതമാനമായി നിലനിർത്തിയിരുന്നു. എന്നാൽ ഈ വർഷം ഇതുവരെ റിസർവ് ബാങ്ക് ബെഞ്ച്മാർക്ക് വായ്പാ നിരക്ക് 135 ബേസിസ് പോയിൻറാണ് കുറച്ചിരിക്കുന്നത്. ആസ്തി, നിക്ഷേപം, ശാഖകൾ, ഉപഭോക്താക്കൾ, ജീവനക്കാർ എന്നിവയുടെ അടിസ്ഥാനത്തിൽ ഇന്ത്യയിലെ ഏറ്റവും വലിയ വാണിജ്യ ബാങ്കാണ് എസ്‌ബി‌ഐ. 2019 സെപ്റ്റംബർ 30 ലെ കണക്കനുസരിച്ച് എസ്‌ബി‌ഐക്ക് 30 ലക്ഷം കോടി രൂപയുടെ നിക്ഷേപ അടിത്തറയാണുള്ളത്.

നിങ്ങളുടെ എസ്ബിഐ അക്കൌണ്ട് കാലിയാകും, ഈ നിയമങ്ങൾ അറിഞ്ഞില്ലെങ്കിൽ