Back
Home » ಇತ್ತೀಚಿನ
ಜಿಯೋದ 149ರೂ. ಪ್ಲ್ಯಾನ್‌ ಬೆಸ್ಟ್‌!..ಯಾಕೆ ಗೊತ್ತಾ?
Gizbot | 14th Dec, 2019 10:51 AM
  • ಜಿಯೋದ 149ರೂ.

    ಹೌದು, ಖಾಸಗಿ ಟೆಲಿಕಾಂ ಸಂಸ್ಥೆಗಳು ಇದೀಗ ದರ ಹೆಚ್ಚಳ ಮಾಡಿದ್ದರು, ಸಂಸ್ಥೆಗಳ ನಡುವೆ ಪೈಪೋಟಿ ಮುಂದುವರೆದಿದೆ. ಟೆಲಿಕಾಂ ಸಂಸ್ಥೆಗಳು ಕೆಲವು ಅಗ್ಗದ ಪ್ಲ್ಯಾನ್‌ಗಳನ್ನು ಪರಿಚಯಿಸಿದ್ದು ಈ ಮೂಲಕ ಚಂದಾದಾರರನ್ನು ಉಳಿಸಿಕೊಳ್ಳುವ ಪ್ರಯತ್ನಕ್ಕೆ ಮುಂದಾಗಿವೆ. ಮುಖ್ಯವಾಗಿ ಕಡಿಮೆ ಬೆಲೆಗೆ ಪ್ರತಿದಿನ 1GB ಡಾಟಾ ನೀಡುವುದು ಹಾಗೂ ಕನಿಷ್ಠ ತಿಂಗಳ ವ್ಯಾಲಿಡಿಟಿ ಅವಧಿ ಒದಗಿಸುವುದು ಅಜೆಂಡಾ ಮಾಡಿಕೊಂಡಿವೆ. ಈ ಪೈಕಿ ಜಿಯೋದ 149ರೂ. ಪ್ಲ್ಯಾನ್‌ ಆಕರ್ಷಕವಾಗಿ ಕಾಣುತ್ತದೆ. ಹಾಗಾದರೇ ಕಡಿಮೆ ದರದಲ್ಲಿ ಪ್ರತಿದಿನ 1GB ಡಾಟಾ ಸೌಲಭ್ಯ ಒದಗಿಸುವ ಪ್ಲ್ಯಾನ್‌ಗಳು ಬಗ್ಗೆ ಮಾಹಿತಿ ಮುಂದೆ ನೋಡೋಣ ಬನ್ನಿರಿ.


  • ಜಿಯೋ 149ರೂ. ಪ್ಲ್ಯಾನ್‌

    ರಿಲಯನ್ಸ್ ಜಿಯೋದ 149.ರೂಗಳ ಪ್ರೀಪೇಡ್‌ ಪ್ಲ್ಯಾನ್‌ನಲ್ಲಿ ಚಂದಾದಾರರಿಗೆ ಪ್ರತಿದಿನ 1 ಜಿಬಿ ಡೇಟಾ ಸಿಗುತ್ತದೆ. ಇನ್ನು ಈ ಪ್ಲ್ಯಾನ್ 24 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಪಡೆದುಕೊಂಡಿದೆ. ಇದಲ್ಲದೆ, ಜಿಯೋ ಟು ಜಿಯೋ ಕರೆಗಳು ಉಚಿತವಾಗಿರಲಿವೆ ಮತ್ತು ಇತರೆ ಟೆಲಿಕಾಂ ಆಪರೇಟರ್‌ಗಳಿಗೆ 300 ನಿಮಿಷಗಳ ಉಚಿತ ಕರೆಗಳ ಪ್ರಯೋಜನ ಲಭ್ಯವಾಗಲಿದೆ. ಹಾಗೆಯೇ ಪ್ರತಿದಿನ 100 ಉಚಿತ ಎಸ್‌ಎಂಎಸ್ ಸಹ ದೊರೆಯುತ್ತವೆ.


  • ಏರ್‌ಟೆಲ್ 148ರೂ.ಪ್ಲ್ಯಾನ್‌

    ಏರ್‌ಟೆಲ್‌ನ 148ರೂ ಪ್ರೀಪೇಡ್‌ ಪ್ಲ್ಯಾನ್‌ ಒಟ್ಟು 28 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಇದರೊಂದಿಗೆ ಅನಿಯಮಿತ ಉಚಿತ ಕರೆಗಳ ಸೌಲಭ್ಯ ಹಾಗೂ ಪ್ರತಿದಿನ 300ಎಸ್‌ಎಮ್‌ಎಸ್‌ ಜತೆಗೆ ಪೂರ್ಣ ವ್ಯಾಲಿಡಿಟಿ ಅವಧಿಗೆ 2GB ಡೇಟಾ ಸಹ ಲಭ್ಯ. ಅದೇ ಏರ್‌ಟೆಲ್‌ನ 219ರೂ. ಪ್ಲ್ಯಾನ್‌ನಲ್ಲಿ ಪ್ರತಿದಿನ 1GB ಡಾಟಾ ಲಭ್ಯವಾಗುತ್ತದೆ.


  • ವೊಡಾಫೋನ್‌ 149ರೂ. ಪ್ಲ್ಯಾನ್‌

    ವೊಡಾಫೋನಿನ 149ರೂ. ಪ್ಲ್ಯಾನ್‌ ಒಟ್ಟು 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಅನಿಯಮಿತ ಕರೆಗಳ ಪ್ರಯೋಜನ ಲಭ್ಯವಾಗಲಿದೆ. ಇದರೊಂದಿಗೆ ಪೂರ್ಣ ವ್ಯಾಲಿಡಿಟಿ ಅವಧಿಗೆ 1.5GB ಡೇಟಾ ಹಾಗೂ ಪ್ರತಿದಿನ 300 ಉಚಿತ ಎಸ್‌ಎಮ್‌ಎಸ್‌ಗಳ ಸೌಲಭ್ಯ ದೊರೆಯಲಿದೆ. ಈ ಪ್ಲ್ಯಾನಿನಲ್ಲಿ ಪ್ರತಿದಿನ 1GB ಡೇಟಾ ಸೌಲಭ್ಯ ಲಭ್ಯವಾಗುವುದಿಲ್ಲ.


  • ಕೊನೆಯ ಮಾತು

    149ರೂ ಪ್ರೈಸ್‌ಟ್ಯಾಗ್‌ನ ಆಸುಪಾಸಿನಲ್ಲಿ ಪ್ರತಿದಿನ 1GB ಡಾಟಾ ಸೌಲಭ್ಯ ಜಿಯೋ ಟೆಲಿಕಾಂನಲ್ಲಿ ಲಭ್ಯವುದೆ. ಹೀಗಾಗಿ ಕಡಿಮೆ ದರದಲ್ಲಿ ಪ್ರತಿದಿನ 1GB ಡಾಟಾ ಪ್ರಯೋಜನ ಬಯಸುವ ಗ್ರಾಹಕರು ನೀವಾಗಿದ್ದರೇ ಜಿಯೋ ಆಯ್ಕೆಯೇ ಉತ್ತಮ ಎನ್ನಬಹುದು. ಜಿಯೋ 149ರೂ. ಪ್ಲ್ಯಾನಿನಲ್ಲಿ ಪ್ರತಿದಿನ 1GB ಡಾಟಾ ಸಿಗುತ್ತದೆ. ಇನ್ನು ಈ ಮೊತ್ತಕ್ಕೆ ಏರ್‌ಟೆಲ್‌ ಮತ್ತು ವೊಡಾಫೋನ್‌ಗಳ ಪ್ಲ್ಯಾನಿನಲ್ಲಿ ಪ್ರತಿದಿನ 1GB ಡಾಟಾ ಲಭ್ಯವಿಲ್ಲ.




ದೇಶದಲ್ಲಿ ಟೆಲಿಕಾಂ ಸ್ಥಿತಿಗತಿಯ ಬೆಲೆ ಸದ್ಯ ಅಸ್ಥಿರವಾಗಿದ್ದು, ಏರ್‌ಟೆಲ್‌, ವೊಡಾಫೋನ್ ಮತ್ತು ಜಿಯೋ ಸಂಸ್ಥೆಗಳು ತಮ್ಮ ಪ್ರೀಪೇಡ್‌ ಪ್ಲ್ಯಾನ್‌ಗಳ ಬೆಲೆಯನ್ನು ಏರಿಕೆ ಮಾಡಿವೆ. ಅವುಗಳಲ್ಲಿ ದೀರ್ಘಾವಧಿಯ ಮತ್ತು ಅಧಿಕ ಡಾಟಾ ಪ್ಲ್ಯಾನ್‌ಗಳ ಬೆಲೆಯು ದುಪ್ಪಟ್ಟಾಗಿದೆ. ಇನ್ನು ಅಗ್ಗದ ದರದಲ್ಲಿ ಪ್ರತಿದಿನ 1GB ಡಾಟಾ ಸೌಲಭ್ಯದ ಪ್ಲ್ಯಾನ್‌ಗಳಲ್ಲಿ ಏರ್‌ಟೆಲ್‌, ವೊಡಾಫೋನ್‌ಗಿಂತ ಜಿಯೋ ಟೆಲಿಕಾಂ ಸಂಸ್ಥೆಯ ಪ್ಲ್ಯಾನ್‌ ಕಡಿಮೆ ಅನಿಸುತ್ತದೆ.

   
 
ಹೆಲ್ತ್