Back
Home » ಇತ್ತೀಚಿನ
'ಐಫೋನ್ 11'ಗೆ ಅಮೆಜಾನ್ ನೀಡಿರುವ ಡಿಸ್ಕೌಂಟ್ ತಿಳಿದ್ರೆ, ಶಾಕ್ ಆಗ್ತೀರಾ!
Gizbot | 20th Jan, 2020 05:09 PM
  • ಅಮೆಜಾನ್ ಗ್ರೇಟ್ ಇಂಡಿಯನ್ ಸೇಲ್

    ಹೌದು, ಅಮೆಜಾನ್ ಆಯೋಜಿಸಿರುವ ಅಮೆಜಾನ್ ಗ್ರೇಟ್ ಇಂಡಿಯನ್ ಸೇಲ್ ಮೇಳದಲ್ಲಿ ಸ್ಮಾರ್ಟ್‌ಫೋನ್‌ಗಳಿಗೆ ಟಾಪ್‌ ಡೀಲ್ ತಿಳಿಸಿದೆ. ಆಪಲ್, ಸ್ಯಾಮ್‌ಸಂಗ್, ಶಿಯೋಮಿ ಕಂಪನಿಯ ಪ್ರಮುಖ ಸ್ಮಾರ್ಟ್‌ಫೋನ್‌ಗಳು ಸಹ ಅತ್ಯುತ್ತಮ ಡೀಲ್ ಪಡೆದಿವೆ. ಆದ್ರೆ ಅವುಗಳಲ್ಲಿ ಐಫೋನ್ 11 ಫೋನಿನ ಡಿಸ್ಕೌಂಟ್ ಬೆಲೆ ನೋಡಿದರೇ ಒಂದು ಕ್ಷಣ ನೀವು ನಿಮ್ಮ ಕಣ್ಣುಗಳನ್ನೆ ನಂಬುವುದಿಲ್ಲ. ಖಂಡಿತಾ ಅಚ್ಚರಿ ಪಡ್ತಿರಾ.


  • ಐಫೋನ್ 11

    ಇತ್ತೀಚಿಗೆ ಆಪಲ್ ಸಂಸ್ಥೆಯು ಬಿಡುಗಡೆ ಮಾಡಿರುವ ಐಫೋನ್ 11 ಫೋನ್ 6.1 ಇಂಚಿನ ಡಿಸ್‌ಪ್ಲೇ ಮತ್ತು ಡ್ಯುಯಲ್ ಕ್ಯಾಮೆರಾ ಆಯ್ಕೆಯನ್ನು ಒಳಗೊಂಡಿದೆ. ವೇಗದ ಚಿಪ್‌ಸೆಟ್‌ ಬೆಂಬಲದೊಂದಿಗೆ A13 ಬಯೋನಿಕ್ ಪ್ರೊಸೆಸರ್‌ ಪಡೆದುಕೊಂಡಿದೆ. ಆಪಲ್‌ ಎಕ್ಸ್‌ಆರ್‌ಗಿಂತ ಇದರ ಬ್ಯಾಟರಿ ಲೈಫ್ ಅಧಿಕವಾಗಿದೆ. ಹಿಂಬದಿಯ ಎರಡು ಕ್ಯಾಮೆರಾಗಳು 12ಎಂಪಿ ಸೆನ್ಸಾರ್‌ ಬೆಂಬಲವನ್ನು ಪಡೆದಿದ್ದು, ಇದರೊಂದಿಗೆ ನೈಟ್‌ಮೋಡ್‌, 4K ವಿಡಿಯೊ, ಸ್ಲೋ ಮೋಶನ್ ಫೀಚರ್ಸ್‌ಗಳನ್ನು ಪಡೆದಿದೆ.


  • 64GB ವೇರಿಯಂಟ್ 64,900ರೂ

    ಹಲವು ಅತ್ಯುತ್ತಮ ಫೀಚರ್ಸ್‌ಗಳಿಂದ ಗ್ರಾಹಕರನ್ನು ಸೆಳೆದಿರುವ ಐಫೋನ್ 11 ಫೋನ್ 64GB ವೇರಿಯಂಟ್ ಬೆಲೆಯು ಅಮೆಜಾನ್‌ನಲ್ಲಿ 64,900ರೂ ಆಗಿದ್ದು, ಅಮೆಜಾನ್ ಟಾಪ್‌ ಡೀಲ್‌ನಲ್ಲಿ ಕೇವಲ 1ರೂ. ಡಿಸ್ಕೌಂಟ್‌ ಪಡೆದಿದ್ದು, 64,899ರೂ.ಗಳಿಗೆ ಲಭ್ಯವಿದೆ. ಇನ್ನು 128GB ವೇರಿಯಂಟ್ ಫೋನ್ ಸಹ 1ರೂ. ಡಿಸ್ಕೌಂಟ್‌ನೊಂದಿಗೆ 69,899ರೂ.ಗೆ ಮತ್ತು 256GB ವೇರಿಯಂಟ್ ಫೋನ್ 79,899ರೂ.ಗಳಿಗೆ ಲಭ್ಯ ಇದೆ. ಇನ್ನು ಈ ಡೀಲ್ ಇಂದೇ ಕೊನೆಯಾಗಲಿದ್ದು, ಕೆಲವೇ ಗಂಟೆಗಳು ಭಾಕಿ ಉಳಿದಿವೆ. ಇಎಮ್‌ಐ ಆಯ್ಕೆಗಳನ್ನು ಸಹ ನೀಡಿದೆ.




ಅಧಿಕ ಡಿಸ್ಕೌಂಟ್ ನೀಡುವ ಪ್ರಮುಖ ಇ-ಕಾಮರ್ಸ್‌ ತಾಣಗಳ ಪೈಕಿ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ ತಾಣಗಳು ಅತೀ ಮುಂಚೂಣಿಯಲ್ಲಿ ಕಾಣಿಸಿಕೊಳ್ಳುತ್ತವೆ. ಅದರಲ್ಲಿಯೂ ಅಮೆಜಾನ್ ಹಬ್ಬದ ದಿನಗಳಂದು ವಿಶೇಷ ರಿಯಾಯಿತಿ ಘೋಷಿಸುತ್ತದೆ. ಹಾಗೆಯೇ ತಿಂಗಳ ಕೊನೆಯ ದಿನಗಳಲ್ಲಿ ಸೇಲ್ ಮೇಳಗಳನ್ನು ಆಯೋಜಿಸಿ ಗ್ರಾಹಕರನ್ನು ಸೆಳೆಯುತ್ತದೆ. ಮುಖ್ಯವಾಗಿ ಸ್ಮಾರ್ಟ್‌ಫೋನ್‌ಗಳಿಗೆ ಭರ್ಜರಿ ಡಿಸ್ಕೌಂಟ್ ನೀಡುತ್ತದೆ. ಅದೇ ರೀತಿ ಈ ಬಾರಿ ಐಫೋನ್ 11 ಫೋನಿಗೆ ಅಮೆಜಾನ್ ನೀಡಿರುವ ಡಿಸ್ಕೌಂಟ್ ತಿಳಿದ್ರೆ ನೀವು ಶಾಕ್ ಆಗ್ತಿರಾ.

   
 
ಹೆಲ್ತ್