Back
Home » ಇತ್ತೀಚಿನ
ಬೇರೆಯವರ ಕೈಗೆ ನಿಮ್ಮ ಫೋನ್ ಕೊಡುವ ಮುನ್ನ ಈ ಸೆಟ್ಟಿಂಗ್ ತಪ್ಪದೇ ಮಾಡಿ!
Gizbot | 14th Feb, 2020 12:49 PM
  • ಏನಿದು ಸ್ಕ್ರೀನ್ ಪಿನ್ನಿಂಗ್

    ಸ್ಕ್ರೀನ್ ಪಿನ್ನಿಂಗ್ ಆಯ್ಕೆಯು ಸ್ಮಾರ್ಟ್‌ಫೋನ್‌ನಲ್ಲಿ ಪಿನ್ನ ಮಾಡಿರುವ ಸ್ಕ್ರೀನ್ ಬಿಟ್ಟು ಫೋನಿನಲ್ಲಿ ಇತರೆ ಯಾವುದೇ ಆಪರೇಟಿಂಗ್ ಚಟುವಟಿಕೆಗಳನ್ನು ನಡೆಸಲು ಅನುವು ಮಾಡಿಕೊಡಲ್ಲ. ಹೀಗಾಗಿ ಅಗತ್ಯ ಸಂದರ್ಭದಲ್ಲಿ ಬೇರೆಯವರ ಕೈಗೆ ಫೋನ್ ಕೊಡುವಾಗ ಈ ಆಯ್ಕೆಯನ್ನು ಆನ್ ಮಾಡಿ ಕೊಟ್ಟರೇ ಅವರು ನಿಮ್ಮ ಫೋನಿನಲ್ಲಿ ಅಗತ್ಯ ಸ್ಕ್ರೀನ್ ಬಿಟ್ಟು, ಬೇರೆ ಏನನ್ನು ವೀಕ್ಷಿಸಲು ಸಾಧ್ಯವಾಗುವುದಿಲ್ಲ.


  • ಸ್ಕ್ರೀನ್ ಪಿನ್ನಿಂಗ್ ಆಯ್ಕೆ ಲಭ್ಯತೆ

    ಸ್ಕ್ರೀನ್‌ ಪಿನ್ನಿಂಗ್ ಆಯ್ಕೆ ವಿಶೇಷವಾಗಿದ್ದು, ಈ ಆಯ್ಕೆಯು ಇತ್ತೀಚಿನ ಹೊಸ ಆಂಡ್ರಾಯ್ಡ್‌ 10 ಓಎಸ್‌ ಆವೃತ್ತಿಯಲ್ಲಿ ಮತ್ತು ಆಂಡ್ರಾಯ್ಡ್‌ 9 ಪೈ ಓಎಸ್‌ನಲ್ಲಿ ಲಭ್ಯವಾಗುತ್ತದೆ. ನೂತನ ಓಎಸ್‌ ಫೋನ್‌ಗಳಲ್ಲಿ ಈ ಆಯ್ಕೆಯನ್ನು ಇನ್‌ಬಿಲ್ಟ್‌ ಆಗಿ ನೀಡಿದ್ದಾರೆ. ಹೀಗಾಗಿ ಆಂಡ್ರಾಯ್ಡ್‌ 10 ಓಎಸ್‌ ಬಳಕೆದಾರರು ಪ್ರತ್ಯೇಕವಾಗಿ ಥರ್ಡ್‌ಪಾರ್ಟಿ ಆಪ್ಸ್‌ ಇನ್‌ಸ್ಟಾಲ್ ಮಾಡುವ ಅಗತ್ಯವೇ ಇಲ್ಲ.


  • ಸ್ಕ್ರೀನ್‌ ಪಿನ್ನಿಂಗ್ ಸೆಟ್ಟಿಂಗ್ ಮಾಡುವುದು ಹೇಗೆ?

    * ಸ್ಮಾರ್ಟ್‌ಫೋನ್‌ನಲ್ಲಿ ಸೆಟ್ಟಿಂಗ್ ಆಯ್ಕೆ ತೆರೆಯಿರಿ
    * ಕೆಲವು ಫೋನ್‌ಗಳಲ್ಲಿ ಸೆಕ್ಯುರಿಟಿ ಮತ್ತು ಲಾಕ್‌ ಹಾಗೆಯೇ ಇನ್ನು ಕೆಲವು ಫೋನ್‌ಗಳಲ್ಲಿ ಬಯೋಮೆಟ್ರಿಕ್ ಮತ್ತು ಸೆಕ್ಯುರಿಟಿ.
    * ನಂತರ ಸ್ಕಾಲ್ ಮಾಡಿ ಸ್ಕ್ರೀನ್ ಪಿನ್ನಿಂಗ್ ಆಯ್ಕೆ ಸೆಲೆಕ್ಟ್ ಮಾಡಿ. ಆನ್ ಮಾಡಿರಿ.
    * ಆಗ ಸ್ಕ್ರೀನ್ ಪಿನ್ನಿಂಗ್ ಸಕ್ರಿಯ ಆಗಿರುತ್ತದೆ.
    * ಬೇರೆಯವರಿಗೆ ಫೋನ್ ಕೊಡುವಾಗ ರಿಸೆಂಟ್ ಮೆನು ಆಯ್ಕೆಯನ್ನು ಸೆಲಕ್ಟ್ ಮಾಡಿರಿ.
    * ನಂತರ ಬಲ ಭಾಗದಲ್ಲಿ ಕಾಣುವ ಮೂರು ಡಾಟಗಳಲ್ಲಿ ಸ್ಕ್ರೀನ್ ಪಿನ್ನಿಂಗ್ ಚಾಲ್ತಿ ಮಾಡಿ.




ಪ್ರಸ್ತುತ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಅವರ ಸ್ಮಾರ್ಟ್‌ಫೋನ್ ಅತೀ ಖಾಸಗಿ ವಸ್ತುವಾಗಿದೆ. ಸ್ಮಾರ್ಟ್‌ಫೋನ್‌ ಅನ್ನು ಬಿಟ್ಟಿರುವುದು ಕಷ್ಟದ ಕೆಲಸವಾಗಿದೆ. ಈ ನಿಟ್ಟಿನಲ್ಲಿ ಎಷ್ಟೇ ಆತ್ಮೀಯರಿದ್ದರೂ ಅವರ ಕೈಗೆ ಸ್ಮಾರ್ಟ್‌ಫೋನ್ ನೀಡುವುದಕ್ಕೆ ಹಿಂದುಮುಂದು ನೋಡುತ್ತಾರೆ. ಏಕೆಂದರೇ ಬೇರೆಯವರ ಕೈಗೆ ಸ್ಮಾರ್ಟ್‌ಫೋನ್ ನೀಡಿದಾಗ ಅನವಶ್ಯಕವಾಗಿ ಅವರು ಎಲ್ಲಿ ಫೋನಿನಲ್ಲಿನ ಇತರೆ ಆಪ್ಸ್‌, ಗ್ಯಾಲರಿ, ವಿಡಿಯೊ ನೋಡಿಬೀಡುತ್ತಾರೊ ಎನ್ನುವ ಮನಸ್ಥಿತಿ ಮೂಡುತ್ತದೆ.

   
 
ಹೆಲ್ತ್