Back
Home » ಇತ್ತೀಚಿನ
ಆಂಡ್ರಾಯ್ಡ್‌ ಫೋನ್‌ ಬಳಕೆದಾರರಿಗೆ ಶುಭ ಸುದ್ದಿ..! ಪ್ಲೇ ಸ್ಟೋರ್‌ ಆಪ್‌ಗಳಲ್ಲಿ ಆಗಿದೆ ಬದಲಾವಣೆ..!
Gizbot | 15th Feb, 2020 06:30 PM
  • ಎಸ್‌ಎಂಎಸ್

    ಎಸ್‌ಎಂಎಸ್ ಮತ್ತು ಕಾಲ್ ಲಾಗ್ ಡೇಟಾ ಪ್ರವೇಶಿಸುವ ಅಪ್ಲಿಕೇಶನ್‌ಗಳಲ್ಲಿ ಶೇ.98 ರಷ್ಟು ಗಮನಾರ್ಹ ಇಳಿಕೆ ಕಂಡುಬಂದಿದೆ, ಏಕೆಂದರೆ ಡೆವಲಪರ್‌ಗಳು ತಮ್ಮ ಅಪ್ಲಿಕೇಶನ್‌ಗಳನ್ನು ನವೀಕರಿಸಲು ಮತ್ತು ಬಳಕೆದಾರರನ್ನು ರಕ್ಷಿಸಲು ನಮ್ಮೊಂದಿಗೆ ಪಾಲುದಾರಿಕೆ ಹೊಂದಿದ್ದಾರೆ. ಉಳಿದ ಶೇ.2ರಷ್ಟು ಅಪ್ಲಿಕೇಶನ್‌ಗಳಿಗೆ ಪ್ರಮುಖ ಕಾರ್ಯ ನಿರ್ವಹಿಸಲು ಎಸ್‌ಎಂಎಸ್ ಮತ್ತು ಕಾಲ್ ಲಾಗ್ ಡೇಟಾ ಅಗತ್ಯವಿದೆ ಎಂದು ಗೂಗಲ್‌ ಪ್ಲೇ ಪ್ಲಸ್‌ನ ಆಂಡ್ರಾಯ್ಡ್‌ ಅಪ್ಲಿಕೇಷನ್‌ ಸುರಕ್ಷತೆಯ ಉತ್ಪನ್ನ ನಿರ್ವಾಹಕ ಆಂಡ್ರೂ ಅಹ್ನ್‌ ಹೇಳಿದ್ದಾರೆ.


  • ಗೂಗಲ್‌

    ಗೂಗಲ್‌ನ ಹೆಚ್ಚು ಸುಧಾರಿತ ಪರಿಶೀಲನಾ ಕಾರ್ಯವಿಧಾನಗಳಿಂದ 790,000ಕ್ಕೂ ಹೆಚ್ಚು ನೀತಿ-ಉಲ್ಲಂಘಿಸುವ ಅಪ್ಲಿಕೇಶನ್ ಸಲ್ಲಿಕೆಗಳನ್ನು ಗುರುತಿಸಲು ಸಾಧ್ಯವಾಗಿದೆ. ಮತ್ತು ಅವುಗಳನ್ನು ಪ್ಲೇ ಸ್ಟೋರ್‌ನಲ್ಲಿ ಪ್ರಕಟಿಸುವುದನ್ನು ಯಶಸ್ವಿಯಾಗಿ ತಡೆಯಲಾಗಿದೆ.


  • ಅಂತರ್ನಿರ್ಮಿತ ಆಂಡ್ರಾಯ್ಡ್

    ಅಂತರ್ನಿರ್ಮಿತ ಆಂಡ್ರಾಯ್ಡ್ ಮಾಲ್‌ವೇರ್ ಸಂರಕ್ಷಣಾ ವೈಶಿಷ್ಟ್ಯವಾಗಿರುವ ಗೂಗಲ್ ಪ್ಲೇ ಪ್ರೊಟೆಕ್ಟ್ ವೈಶಿಷ್ಟ್ಯದ ಬಗ್ಗೆಯೂ ಕಂಪನಿಯು ಮಾತನಾಡಿದ್ದು, ಗೂಗಲ್ ಪ್ಲೇ ಪ್ರೊಟೆಕ್ಟ್ ಪ್ರತಿದಿನ 100 ಬಿಲಿಯನ್ ಅಪ್ಲಿಕೇಶನ್‌ಗಳನ್ನು ಸ್ಕ್ಯಾನ್ ಮಾಡುತ್ತದೆ. ಮತ್ತು ಫೋನ್‌ನಲ್ಲಿ ಸ್ಥಾಪಿಸಲಾದ ಯಾವುದೇ ಅಪ್ಲಿಕೇಶನ್‌ಗಳಲ್ಲಿ ಸಂಭವನೀಯ ಸುರಕ್ಷತಾ ಸಮಸ್ಯೆಗಳನ್ನು ಪತ್ತೆ ಹಚ್ಚಿದರೆ ಮತ್ತು ಅವರ ಸಾಧನಗಳನ್ನು ಸುರಕ್ಷಿತವಾಗಿಡಲು ಕ್ರಮಗಳನ್ನು ಸೂಚಿಸಿದರೆ ಬಳಕೆದಾರರಿಗೆ ಅಧಿಸೂಚನೆಯನ್ನು ಕಳುಹಿಸುತ್ತದೆ. ಗೂಗಲ್ ಪ್ಲೇ ಅಲ್ಲದ ಮೂಲಗಳಿಂದ ಬಂದ 1.9 ಬಿಲಿಯನ್‌ಗೂ ಹೆಚ್ಚು ಮಾಲ್‌ವೇರ್ ಸ್ಥಾಪನೆಗಳನ್ನು ಪ್ಲೇ ಪ್ರೊಟೆಕ್ಟ್ ಸೂಟ್ ತಡೆಗಟ್ಟಿದೆ ಎಂದು ಗೂಗಲ್ ಹೇಳಿದೆ.


  • ಕಳೆದ ವರ್ಷ

    ಕಳೆದ ವರ್ಷ ಮೇ ತಿಂಗಳಲ್ಲಿ, ಗೂಗಲ್ ಒಂದು ನೀತಿಯನ್ನು ಜಾರಿಗೆ ತಂದಿದ್ದು, ಡೆವಲಪರ್‌ಗಳು ತಾವು ಪ್ರಕಟಿಸಿದ ಯಾವುದೇ ಅಪ್ಲಿಕೇಶನ್ ಮಕ್ಕಳಿಗಾಗಿ ಇದೆಯೇ ಅಥವಾ ಇಲ್ಲವೇ ಎಂಬುದನ್ನು ಸ್ಪಷ್ಟಪಡಿಸುವಂತೆ ಆದೇಶಿಸಿದೆ. ಈ ನೀತಿಯು ಅಂತಹ ಅಪ್ಲಿಕೇಶನ್‌ಗಳ ಡೇಟಾ ಸಂಗ್ರಹಣೆ, ಜಾಹೀರಾತುಗಳಿ ಮಕ್ಕಳ ಸ್ನೇಹಿಯಾಗಿರಬೇಕು ಎಂದು ಗೂಗಲ್ ಸೂಚನೆ ನೀಡಿದೆ


  • ಗೂಗಲ್‌

    ಈ ವರ್ಷ, ಗೂಗಲ್‌ ಮೂರು ಪ್ರಮುಖ ಸುರಕ್ಷತಾ ಕ್ಷೇತ್ರಗಳಲ್ಲಿ ಹೆಚ್ಚು ಹೂಡಿಕೆ ಮಾಡಲಿದೆ ಎನ್ನಲಾಗಿದೆ. ಬಳಕೆದಾರರ ಗೌಪ್ಯತೆ ರಕ್ಷಿಸಲು, ಅಪ್ಲಿಕೇಶನ್ ಸುರಕ್ಷತಾ ನೀತಿಗಳನ್ನು ಬಲಪಡಿಸುವುದು, ಕೆಟ್ಟ ಆಪ್‌ಗಳನ್ನು ವೇಗವಾಗಿ ಪತ್ತೆ ಹಚ್ಚುವುದು ಮತ್ತು ಪುನರಾವರ್ತಿತ ಅಪರಾಧಿಗಳನ್ನು ನಿರ್ಬಂಧಿಸುವುದರ ಜೊತೆಗೆ ಅಪಾಯಕಾರಿ ವಿಷಯ ಮತ್ತು ನಡವಳಿಕೆಗಳಿರುವ ಆಪ್‌ಗಳನ್ನು ಪತ್ತೆಹಚ್ಚುವುದು ಮತ್ತು ತೆಗೆದುಹಾಕುವುದು ಗೂಗಲ್‌ನ ಪ್ರಮುಖ ಕೆಲಸವಾಗಲಿದೆ.




ಆಂಡ್ರಾಯ್ಡ್ ಫೋನ್‌ಗಳಲ್ಲಿನ ಆಪ್‌ಗಳು ಬೇಡಿಕೆಯಿಡುವ ಅನುಮತಿಗಳನ್ನು ಸುವ್ಯವಸ್ಥಿತಗೊಳಿಸುವ ಗೂಗಲ್‌ನ ಶ್ರಮ ಸದ್ಯಕ್ಕೆ ಸಾರ್ಥಕವಾಗಿದೆ. ಅಪ್ಲಿಕೇಶನ್‌ನ ವೈಶಿಷ್ಟ್ಯಗಳಿಗೆ ಪ್ರವೇಶಿಸಲು ಅನುಮತಿಸುವ ಮೊದಲು ನಿಮ್ಮ ಕರೆ ಮತ್ತು SMS ಡೇಟಾವನ್ನು ಕೇಳುವ ಅಪ್ಲಿಕೇಶನ್‌ಗಳ ಸಂಖ್ಯೆಯಲ್ಲಿ ಭಾರಿ ಕುಸಿತ ಕಂಡುಬಂದಿದೆ. ವಾಸ್ತವವಾಗಿ, 2019 ರಲ್ಲಿ ಕಾಲ್ ಲಾಗ್ ಮತ್ತು ಎಸ್‌ಎಂಎಸ್ ಡೇಟಾವನ್ನು ಪ್ರವೇಶಿಸುವ ಪ್ಲೇ ಸ್ಟೋರ್ ಅಪ್ಲಿಕೇಶನ್‌ಗಳ ಸಂಖ್ಯೆಯಲ್ಲಿ ಶೇ.98ರಷ್ಟು ಕುಸಿತ ಕಂಡುಬಂದಿದೆ ಎಂದು ಗೂಗಲ್ ಹೇಳಿದೆ. ಅಕ್ಟೋಬರ್‌ 2018ರಲ್ಲಿ ಜಾರಿಗೆ ತಂದ ನೀತಿಯಿಂದ ಫೋನ್‌ನ ಡೇಟಾಗೆ ಅನಗತ್ಯ ಪ್ರವೇಶವನ್ನು ಗೂಗಲ್‌ ನಿಷೇಧಿಸಿತ್ತು.

   
 
ಹೆಲ್ತ್