Back
Home » വിനോദം
മരക്കാറിന്റെ റിലീസ് തടയണമെന്നാവശ്യപ്പെട്ട് നല്‍കിയ ഹര്‍ജിയില്‍ ഇടപെടാനാകില്ലെന്ന് ഹൈക്കോടതി
Anweshanam | 27th Feb, 2020 08:39 PM
മോഹൻലാല്‍ നായകനാകുന്ന മരക്കാര്‍: അറബിക്കടലിന്റെ സിംഹം എന്ന ചിത്രത്തിന്റെ റിലീസ് തടയണമെന്നാവശ്യപ്പെട്ട് നല്‍കിയ ഹര്‍ജിയില്‍ ഇടപെടാനാകില്ലെന്നാണ് ഹൈക്കോടതി. മരക്കാരുടെ പിൻമുറക്കാരിയായ കൊയിലാണ്ടി നടുവത്തുർ സ്വദേശിനി മുഫീദ അറാഫത്ത് മരക്കാർ ആണ് ചിത്രത്തിന്റെ റിലീസ് തടയണമെന്ന് ആവശ്യപ്പെട്ട് ഹൈക്കോടതിയെ സമീപിച്ചത്. 

ചിത്രം കുടുംബത്തെയും മരക്കാറിനെയും അപകീര്‍ത്തിപ്പെടുത്തുന്നു, ചിത്രത്തിന്റെ പ്രദര്‍ശനം തടയണം, കളക്ടര്‍ക്ക് പരാതി നല്‍കിയിരുന്നുവെങ്കിലും നടപടിയുണ്ടായില്ലെന്നുമാണ് മുഫീദയുടെ ഹര്‍ജിയില്‍ പറഞ്ഞത്. 

ഹര്‍ജിയില്‍ ഇടപെടാനാകില്ലെന്നാണ് ഹൈക്കോടതി വ്യക്തമാക്കിയത്. സിനിമയില്‍ അനാവശ്യമായി കത്രിക വയ്‍ക്കില്ലെന്നാണ് സെൻസര്‍ ബോര്‍ഡ് ഉദ്യോഗസ്ഥരും പറയുന്നത്.  

പ്രിയദര്‍ശൻ സംവിധാനം ചെയ്യുന്ന ചിത്രത്തില്‍ പ്രണവ് മോഹൻലാല്‍, മധു, മഞ്ജു വാര്യര്‍, നെടുമുടി വേണു തുടങ്ങിയ വന്‍ താരനിര അണിനിരക്കുന്നുണ്ട്.