Back
Home » ಆರೋಗ್ಯ
ಸೋಡಾ ಸೇವನೆಯಿಂದ ಆರೋಗ್ಯಕ್ಕೆ ಹಾನಿಯೇ ಹೆಚ್ಚು
Boldsky | 29th Apr, 2020 04:00 PM
  • ಸಕ್ಕರೆ

    ಒಂದು ಸಣ್ಣ ಕ್ಯಾನ್ ತಂಪು ಪಾನೀಯದಲ್ಲಿ ಸುಮಾರು 10 ಚಮಚ ಸಕ್ಕರೆ ಇದೆ. ಇದು ದ್ರವ ರೂಪದಲ್ಲಿ ಇರುವ ಕಾರಣದಿಂದಾಗಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಇದು ಆಕಾಶಕ್ಕೇರಿಸುವುದು ಮತ್ತು ದೇಹದಲ್ಲಿ ಇನ್ಸುಲಿನ್ ಪ್ರತಿಕ್ರಿಯೆ ಉಂಟು ಮಾಡುವುದು. ಇದರಿಂದಾಗಿ ಮಧುಮೇಹ ಅಥವಾ ಇನ್ಸುಲಿನ್ ಪ್ರತಿರೋಧಕ ಉಂಟಾಗಬಹುದು. ಅದೇ ರೀತಿಯಾಗಿ ತೂಕ ಹೆಚ್ಚಳ ಮತ್ತು ಇತರ ಕೆಲವು ಆರೋಗ್ಯ ಸಮಸ್ಯೆಗಳೂ ಬರುವುದು. ತಂಪು ಪಾನೀಯ ಕಂಪೆನಿಗಳು ಅತೀ ಹೆಚ್ಚು ಸಕ್ಕರೆ ಬಳಕೆ ಮಾಡುತ್ತವೆ ಎಂದು ಅಧ್ಯಯನಗಳು ಕೂಡ ಹೇಳಿವೆ.


  • ಫಾಸ್ಪರಸ್ ಆಮ್ಲ

    ಸೋಡಾದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಫಾಸ್ಪರಸ್ ಅಂಶವಿದ್ದು, ಇದು ದೇಹದಲ್ಲಿ ಕ್ಯಾಲ್ಸಿಯಂ ಹೀರಿಕೊಳ್ಳದಂತೆ ಮಾಡುವುದು. ಇದರಿಂದಾಗಿ ಅಸ್ಥಿರಂಧ್ರತೆ, ದಂತಕುಳಿ ಮತ್ತು ಮೂಳೆಗಳು ಮೆತ್ತಗಾಗಲು ಸಮಸ್ಯೆಗಳೂ ಬರಬಹುದು. ಫಾಸ್ಪರಸ್ ಆಮ್ಲವು ಹೊಟ್ಟೆಯ ಆಮ್ಲದ ಜತೆಗೆ ಬೆರೆತುಕೊಂಡು ಜೀರ್ಣಕ್ರಿಯೆ ನಿಧಾನಗೊಳಿಸುವುದು ಮತ್ತು ಪೋಷಕಾಂಶಗಳನ್ನು ಹೀರಿಕೊಳ್ಳುವುದನ್ನು ತಡೆಯುವುದು.


  • ಕೆಫಿನ್

    ಹೆಚ್ಚಿನ ಸೋಡಾಗಳಲ್ಲಿ ಕೆಫಿನ್ ಅಂಶವಿದ್ದು, ಇದು ಕ್ಯಾನ್ಸರ್, ಸ್ತನದಲ್ಲಿನ ಗಡ್ಡೆ, ಅನಿಯಮಿತ ಹೃದಯ ಬಡಿತ, ಅಧಿಕ ರಕ್ತದೊತ್ತಡ ಮತ್ತು ಇತರ ಸಮಸ್ಯೆಗಳಿಗೆ ಕಾರಣವಾಗುವುದು.


  • ನೀರು

    ಸೋಡಾದಲ್ಲಿ ಬಳಸುವಂತಹ ನೀರು ನಲ್ಲಿ ನೀರು ಆಗಿದೆ ಮತ್ತು ಇದರಲ್ಲಿ ಕ್ಲೋರಿನ್, ಫ್ಲೋರೈಡ್ ಮತ್ತು ಇತರ ಕೆಲವು ಲೋಹಗಳು ಸೇರಿಕೊಂಡಿರುವುದು.


  • ಪೋಷಕಾಂಶಗಳ ಕೊರತೆ

    ಸೋಡಾದಲ್ಲಿ ಯಾವುದೇ ರೀತಿಯ ಪೋಷಕಾಂಶಗಳು ಇಲ್ಲ. ಸೋಡಾದಿಂದ ಹಾನಿಯಾಗುವುದೇ ಹೆಚ್ಚಲ್ಲದೆ, ಇದರಿಂದ ಆರೋಗ್ಯಕ್ಕೆ ಉಪಯೋಗವಾಗುವಂತಹ ಒಂದು ಅಂಶವು ಇಲ್ಲ. ಇದರಲ್ಲಿ ಇರುವಂತಹ ಅನೈಸರ್ಗಿಕ ಅಂಶಗಳು ದೇಹಕ್ಕೆ ಹಾನಿ ಉಂಟು ಮಾಡುವುದು.




ಸೋಡಾ ಎಂದರೆ ಹೆಚ್ಚಿನವರಿಗೆ ಇಷ್ಟವಾಗುವುದು. ಅಜೀರ್ಣ, ಹೊಟ್ಟೆ ಉಬ್ಬರ ಇತ್ಯಾದಿಗಳಿಗೆ ಕೆಲವರು ಸೋಡಾ ಬಳಕೆ ಮಾಡುವರು. ಇನ್ನು ಕೆಲವರು ಇದನ್ನೇ ಕುಡಿಯುವ ಅಭ್ಯಾಸ ಮಾಡಿಕೊಂಡಿರುವರು. ನೀರಿಗಿಂತಲೂ ಹೆಚ್ಚಾಗಿ ಸೋಡಾ ಕುಡಿಯುವಂತಹ ಜನರು ನಮ್ಮಲ್ಲಿ ಇದ್ದಾರೆ.

ಕೇವಲ ಸೋಡಾ ಮಾತ್ರವಲ್ಲದೆ ಇತರ ಕೆಲವು ತಂಪು ಪಾನೀಯಗಳು ಕೂಡ ಕೆಲವರಿಗೆ ದೈನಂದಿನ ಜೀವನದ ಒಂದು ಪಾನೀಯವಾಗಿ ಹೋಗಿದೆ. ಇದನ್ನು ಅವರು ಯಥೇಚ್ಛವಾಗಿ ಬಳಕೆ ಮಾಡುವರು. ಆದರೆ ಈ ಪಾನೀಯವು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವುದು. ಇದರ ಬಗ್ಗೆ ತಿಳಿಯಿರಿ.

   
 
ಹೆಲ್ತ್