Back
Home » ಇತ್ತೀಚಿನ
ಗ್ರಾಮೀಣ ಭಾಗದತ್ತ ಮುಖ ಮಾಡಿದ ಶಿಯೋಮಿ ಸ್ಟೋರ್‌ ಆನ್ ವೀಲ್ಸ್‌ ವ್ಯಾನ್‌!
Gizbot | 22nd Sep, 2020 11:44 AM
  • ಮಿ ಸ್ಟೋರ್ ಆನ್ ವೀಲ್ಸ್

    ಹೌದು, ಶಿಯೋಮಿ ಇಂಡಿಯಾ ಕಂಪನಿಯು ಸೋಮವಾರ 'ಮಿ ಸ್ಟೋರ್ ಆನ್ ವೀಲ್ಸ್ ಕಾನ್ಸೆಪ್ಟ್ ಸ್ಟೋರ್' ಅನ್ನು ದೇಶದಲ್ಲಿ ಪರಿಚಯಿಸಿದೆ. ಸುಸಜ್ಜಿತ ವ್ಯಾನ್‌ನಲ್ಲಿ ಸಂಸ್ಥೆಯು ತನ್ನ ಉತ್ಪನ್ನಗಳನ್ನು ಜನರ ಬಳಿಗೆ ತಗೆದುಕೊಂಡು ಹೋಗುವ ಯೋಜನೆ ಇದಾಗಿದೆ. ಮುಖ್ಯವಾಗಿ ಗ್ರಾಮೀಣ ಭಾಗದ ಪ್ರದೇಶಗಳಲ್ಲಿನ ಜನರಿಗೂ ಸಂಸ್ಥೆಯು ಉತ್ಪನ್ನಗಳು ತಲುಪುವಂತೆ ಮಾಡಲು ಕಂಪನಿಯು ಮಿ ಸ್ಟೋರ್ ಆನ್ ವೀಲ್ಸ್ ಕಾನ್ಸೆಪ್ಟ್ ಸ್ಟೋರ್ ತಂದಿದೆ.


  • ಕಂಪನಿ

    ಮಿ ಸ್ಟೋರ್ ಆನ್ ವೀಲ್ಸ್ "ಆಮೂಲಾಗ್ರ" ಪರಿಕಲ್ಪನೆಯು ಭಾರತದಾದ್ಯಂತ ಪಟ್ಟಣಗಳು ಮತ್ತು ನಗರಗಳನ್ನು ಒಳಗೊಳ್ಳುವ "ವ್ಯಾನ್‌ನಿಂದ ಕಾರ್ಯನಿರ್ವಹಿಸುತ್ತದೆ" ಎಂದು ಕಂಪನಿ ಹೇಳಿದೆ. ಕಾನ್ಸೆಪ್ಟ್ ಸ್ಟೋರ್ ವ್ಯಾನ್ ಆರಂಭದಲ್ಲಿ ಬಸ್ನಾದಿಂದ ಶಂಕರ ಮತ್ತು ಭವಾರ್ಪುರ ನಡುವೆ ಛತ್ತೀಸಗಡ್‌ದ ಪಿಥೋರಾದವರೆಗೆ ಪ್ರಯಾಣಿಸಲಿದೆ ಎಂದು ಶಿಯೋಮಿ ಹೇಳಿದ್ದಾರೆ. ಹಾಗೆಯೇ ಮಿ ಸ್ಟೋರ್ ಆನ್ ವೀಲ್ಸ್ ಪರಿಕಲ್ಪನೆಯನ್ನು ಪ್ರಾರಂಭಿಸಲು ಕಂಪನಿಯು ಉತ್ಸುಕವಾಗಿದೆ ಶಿಯೋಮಿ ಇಂಡಿಯಾದ ಎಂ.ಡಿ ಮನು ಕುಮಾರ್ ಜೈನ್ ತಮ್ಮ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.


  • ವೀಲ್ಸ್

    ಮಿ ಸ್ಟೋರ್ ಆನ್ ವೀಲ್ಸ್ ಹೊಸದಾಗಿ ಬಿಡುಗಡೆಯಾದ ರೆಡ್‌ಮಿ 9 ಸರಣಿಯ ಮಾದರಿಗಳನ್ನು ಜೊತೆಗೆ 32 ಇಂಚಿನ ಮತ್ತು 43 ಇಂಚಿನ ಮಿ ಸ್ಮಾರ್ಟ್ ಟಿವಿಯ ಉತ್ಪನ್ನಗಳನ್ನು ಒಳಗೊಂಡಿದೆ ಎಂದು ಹೇಳಲಾಗಿದೆ. ಇದಲ್ಲದೆ, ಕಾನ್ಸೆಪ್ಟ್ ಸ್ಟೋರ್ ಮಿ ಬಾಕ್ಸ್ 4 ಕೆ, ಮಿ ಟಿವಿ ಸ್ಟಿಕ್, ಮಿ ಸಿಸಿಟಿವಿ ಕ್ಯಾಮೆರಾಗಳು, ಮಿ ಸ್ಪೋರ್ಟ್ಸ್ ಬ್ಲೂಟೂತ್ ಇಯರ್‌ಫೋನ್‌ಗಳು, ಮಿ ಟ್ರೂ ವೈರ್‌ಲೆಸ್ ಇಯರ್‌ಫೋನ್‌ಗಳು 2, ರೆಡ್‌ಮಿ ಇಯರ್‌ಬಡ್ಸ್ ಎಸ್, ಮಿ ಸನ್ಗ್ಲಾಸ್ ಮತ್ತು ಮಿ ಪವರ್‌ಬ್ಯಾಂಕ್‌ಗಳನ್ನು ಸಹ ಆಯೋಜಿಸುತ್ತದೆ.


  • ಜೈನ್

    ಶಿಯೋಮಿಯ ಆಫ್‌ಲೈನ್ ತಂಡವು ಭಾರತದಾದ್ಯಂತ ದೂರದ ಸ್ಥಳಗಳಲ್ಲಿ ಬ್ರಾಂಡ್ ಉತ್ಪನ್ನಗಳ ಲಭ್ಯತೆಯನ್ನು 40 ದಿನಗಳಲ್ಲಿ ಹೆಚ್ಚಿಸುವ ಉದ್ದೇಶದಿಂದ ಯೋಜನೆಯನ್ನು ಪೂರ್ಣಗೊಳಿಸಿದೆ ಎಂದು ಜೈನ್ ಹೇಳಿದರು. ಇತ್ತೀಚಿಗೆ ಶಿಯೋಮಿ ಸಂಸ್ಥೆಯು ರೆಡ್ಮಿ 9 ಸರಣಿಯಲ್ಲಿ ಹಲವು ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದೆ. ಅವುಗಳಲ್ಲಿ ರೆಡ್ಮಿ 9, ರೆಡ್ಮಿ 9A, ರೆಡ್ಮಿ 9i, ರೆಡ್ಮಿ 9 ಪ್ರೈಮ್‌ ಮಾಡೆಲ್‌ಗಳು ಗಮನ ಸೆಳೆದಿವೆ.




ಅಗ್ಗದ ಪ್ರೈಸ್‌ನಲ್ಲಿ ಹಲವು ಸ್ಮಾರ್ಟ್‌ಫೋನ್‌ಗಳನ್ನು ಹಾಗೂ ಸ್ಮಾರ್ಟ್‌ ಗ್ಯಾಡ್ಜೆಟ್ಸ್‌ಗಳನ್ನು ಶಿಯೋಮಿ ಸಂಸ್ಥೆಯು ಪರಿಚಯಿಸಿ ಸೈ ಅನಿಸಿಕೊಂಡಿದೆ. ದೇಶಿಯ ಮೊಬೈಲ್ ಮಾರುಕಟ್ಟೆಯಲ್ಲಿ ಶಿಯೋಮಿ ಸ್ಮಾರ್ಟ್‌ಫೋನ್‌ಗಳಿಗೆ ಉತ್ತಮ ಮಾರುಕಟ್ಟೆ ಇದೆ. ಈ ನಿಟ್ಟಿನಲ್ಲಿ ಶಿಯೋಮಿಯು ಈಗ ಗ್ರಾಮೀಣ ಭಾಗದಲ್ಲಿಯೂ ತನ್ನ ಮಾರುಕಟ್ಟೆ ವಿಸ್ತರಿಸಲು ಹೊಸದೊಂದು ಹಾದಿ ಹಿಡಿದಿದೆ.

 
ಹೆಲ್ತ್